可嵐

36歲可嵐突然自爆生第二胎再做媽媽 與金融男友未婚產子身份曝光

最新娛聞

廣告

現年36歲的歌手可嵐在2014年時傳出被丈夫家暴的新聞,之後帶著兒子尤俊(Eugene)重過新生活。並肩負起單親媽媽的責任,身兼多職搏命搵錢照顧兒子,從此低調過生活,日前她突然在自己個人IG貼出Eugene啜啜她肚皮的相片,留言寫:「尤俊小朋友禱告咗八年,天父爸爸聽到佢嘅禱告,終於佢要做哥哥啦!」說明她已找到新的另一半,並有了新的家庭。

可嵐靜靜宣布自己再懷孕
可嵐靜靜宣布自己再懷孕(圖片來源:IG@laucolleen)

可嵐透露另一半身份

被問及與另一半的關係,可嵐只肯透露對方是圈外人,從事金融行業,由朋友介紹而成為戀人。被問到求婚的問題,可嵐指自己並沒簽婚書,更表示由於經歷過離婚,覺得感情穩定並不靠一書婚紙,她更認為婚紙代表責任這種說法會令她反感。她也在IG上出post表示:「After 8 years,我竟然還相信愛。」並上載一張摸住自己肚皮的照片,留言指:「開估BB性別啦!It’s a Boy!」談到兒子做了哥哥,可嵐指大仔有幫手照顧弟弟,她表示兒子很開心自己做了哥哥,更有幫手湊BB,而且很恨有細佬妹,平時已經會向媽媽要求。

可嵐 連BB的性別都確定了
連BB的性別都確定了(圖片來源:IG@laucolleen)
可嵐伴侶有求婚不過自己就未接受
可嵐伴侶有求婚不過自己就未接受(圖片來源:IG@laucolleen)

親述家暴經歷 單親媽媽為兒子身兼7職

可嵐今年5月現身《360秒人生課堂》親述自己的故事,她08年出道、10年與拍拖年多圈外人奉子成婚、11年4月成為母親、慘歷四年家暴後,14年被傳媒爆出;當時29歲的可嵐獲好友當頭棒喝,終於決定一個人帶仔仔離開,踏出自力更生之路。為母則強,可嵐曾為生計身兼七職,兒子成為唯一的支柱和原動力,每年一首派台歌也是她的寄託。7年過去,可嵐終尋回自我,開展精彩的人生下半場。

可嵐 360秒人生課堂 單親媽媽 plt 可嵐 360秒人生課堂
歌手可嵐喺結婚之後慘遭長期家暴,終於決定一個人帶仔仔離開,但經濟壓力大,搵朋友哭訴都被講中死穴,最後點樣「為母則剛」開始新生活?(圖片來源:TVB.com)

可嵐因囝囝一個行動決心離婚

可嵐曾經歷歷時四年的家暴,最初為了囝囝幸福,她決定啞忍,但最後也是因為囝囝一句「No Daddy﹗Cannot hit Mummy」決定離開錯的男人、與兒子重過新生活。談到四年的陰暗歲月,可嵐坦言每晚等前夫回家時都是心慌慌,因不知對方心情是好還是壞:「嗰晚我聽到好大聲閂門聲,我心知不妙,就詐瞓一路唔出聲。佢行埋我床邊,係咁同我講嘢我冇應,過咗一陣,佢拎住一盤凍水淋醒我,嗰刻真係好驚。」

可嵐 對於囝囝送上心意卡,可嵐大感欣喜。
對於囝囝送上心意卡,可嵐大感欣喜。(圖片來源:TVB

感激好友狠心鬧醒 重新振作打七份工養家 特技演員都做過

離開前夫後,可嵐獨自肩負養大兒子使命,但由於歌手收入不穩定,經濟壓力及心理創傷令可嵐一度情緒崩潰:「我每次都打畀同一個朋友係咁喊,有一日我朋友叫我唔好再打畀佢喊,佢話:『我話畀你聽你點解喊吖,因為你冇錢!』佢講中咗我死穴,但我只可以喊住否認,因為我覺得自己冇能力。」面對好友愛之深、責之切,可嵐終「發奮圖強」拼命賺錢,一人打七份工的她,就連動作特技演員也做過:「我有教沖咖啡、教唱歌、做電台主持、做保險、同Marketing 相關嘅工作,甚至動作特技演員都做埋。有一日我拍完打戲成腳都係瘀傷,返到屋企已經好夜,但我四歲嘅囝囝冇瞓等埋我。我突然覺得好內疚,我同佢

講:「Eugene對唔住,我唔係好媽咪,我冇畀到一個好幸福嘅屋企你。』阿仔當時摸住我啲瘀傷,眼紅紅咁望住我,我哋就係咁樣攬住喊。呢個畫面令我之後就算遇到任何困難都唔會放棄。」

可嵐
(圖片來源:TVB

鼓勵同路人「關鍵在於我哋嘅選擇」

堅強面對逆境、成功走出陰霾的可嵐坦言一度很介意被標籤「單親媽媽」及「家暴可嵐」:「但我依家介意,面對家暴同單親係冇得揀嘅,但我哋可以選擇唔放棄。我冇放棄到我小朋友,我繼續畀心機好努力、好正面咁過我嘅人生。(離婚)七年喇,我依家擁有自己嘅餐飲事業、仲可以繼續做歌手同拍戲,所以關鍵係在於我哋嘅選擇。」

可嵐 旁聽嘉賓林雅詩兒子原來轉眼間已經 16 歲,難得林雅詩依然保養得宜。
旁聽嘉賓林雅詩兒子原來轉眼間已經 16 歲,難得林雅詩依然保養得宜。(圖片來源:TVB

可嵐爆丈夫動口後動手 家暴風波後與丈夫同枱食飯

14年7月爆出家暴風波的歌手可嵐(Colleen),揭發過去四年,丈夫尤子威一直對她動粗,從她公開的聲帶中,清楚聽到尤子威用粗言穢語謾罵她。14年4月,可嵐懷有第二胎,但被丈夫迫墮胎,忍無可忍之下,可嵐決定離婚,帶同3歲兒子Eugene搬出。不過一個月後,一家三口被影到同枱食飯,被質疑是「大龍鳳」,可嵐解釋,自事件曝光後,兩人關係反而緩和:

「佢聽番啲聲帶都覺得自己做錯咗,事件發生後大家冷靜落嚟,佢第一次同我道歉,我哋先開始講番嘢。」

為了兒子,一家三口開始每星期見面,溝通多了,關係逐步改善, 丈夫更主動要求復合, 安排婚姻輔導, 盡力挽救婚姻,可嵐決定暫緩離婚程序,給予兩人最後一次機會。

可嵐 360秒人生課堂 單親媽媽 plt c2
為了兒子健康成長,Colleen 重新接受丈夫尤子威,每星期一家三口都會見面一次,希望彼此能夠破鏡重圓,修補婚姻。(圖片來源:SundayKISS圖片)

可嵐被丈夫迫墮胎

一場家暴風波,可嵐以為兩人從此玩完,想不到老公回頭是岸,彼此檢視了過錯,可嵐說:「佢發覺自己脾氣差,好易嬲,而我哋兩個都係敏感型嘅人,我可能有事覺得唔開心,個樣會好cool,佢一見到我好cool,即刻知道我唔開心,佢就仲忟憎,因為佢唔知點樣處理我嘅唔開心。女人唔開心想有人安撫,你冇安撫我反而繼續嬲,咪經常咁樣嘈交。」

14年4月,可嵐發現懷有第二胎,丈夫以經濟問題要求墮胎,強硬要求「你要落咗佢!」手術當日丈夫沒慰問,埋單後更以趕時間為由急急離去,當時可嵐對他死心,但後來兩人再溝通後,發現丈夫已感後悔,她無奈道:「佢講番係因為養唔起,餐廳當時開咗分店,以為會好生意,點知比預期中差,蝕好多,所以佢好驚。」可嵐聞言更感傷心,認為錢的問題總有方法解決,懊惱丈夫沒一早坦白,「佢性格比較大男人,唔想將呢啲問題講我聽,點解要自己一個人孭呢?我都可以出去做嘢搵錢,或者慳啲使囉,我相信總有辦法解決。我同佢講,其實我受好大傷害,嗰條始終係生命。」

可嵐的身體慢慢復元,繼續中港兩邊飛,在大陸登台、做旅遊小姐評審、飲食活動、在北京傳媒大學修讀碩士課程,在港又教咖啡班,瓣數多增加收入。「間中都會補吓身,不過比較懶又忙。有時聽到身邊朋友流產,都覺得生命係一個安排,唔係所有小生命都誕生到,自己整補品都會分埋畀朋友食。」最後結果是離婚還是復合,仍是未知之數,可嵐仍憧憬再懷下一胎,「最好係我老公㖭,如果我哋關係好到一個程度⋯⋯」

可嵐 360秒人生課堂 單親媽媽 plt COLLEE
兩母子每晚睡前有親子閱讀時間,可嵐指兒子聽書很專注,「佢背書好叻,我唔係買好多書,佢鍾意一本書叫你不斷重覆,一晚可以讀十次,到我讀第八次, 佢已經識背番晒出嚟。」(圖片來源:SundayKISS圖片)

雙方叫停離婚 接受婚姻輔導

兩人後來分開住,處於冷靜期,有空間思考過失,他們亦各自返教會,得到教友們的開解,最重要是大家發覺仍深愛對方,「咁大家先會下決心去改,如果大家繼續改進,無論我哋之後係咪一齊都好,大家學識相處,小朋友見到都會開心啲。」可嵐由原本決絕分開,到現在軟化下來,對修補婚姻抱有一絲希望。

丈夫主動提出參加教會婚姻輔導,為期11星期,可嵐決定上完堂再作決定,「我好開心,都想大家好,我既然嫁得畀呢個老公,都想幸福㗎嘛,我覺得浪子回頭係最珍貴,唔好話佢真係浪子,但如果喺過程當中,我又可以改善自己都好,唔想重蹈覆轍。其實離婚早定遲早一樣,既然佢有心改進,我當然願意等埋呢三個月,如果都係相處唔來,我再進行離婚,起碼我有嘗試去改善。」

可嵐 360秒人生課堂 單親媽媽 plt C4
兩父子雖暫時分開住,但尤子威沒忽略教導兒子一些「男人事」,例如去廁所,比太太教有效得多。(圖片來源:SundayKISS圖片 )

可嵐驚訝好友阿Yu亦遭家暴:到訪佢哋屋企冇異樣

當年可嵐與丈夫積極改善關係之際,輪到好友周永恒(Roy)和趙頌茹(Yu )出事,她當初得知事件亦感難以置信,並透露Yu曾向她訴苦,「我出事之後, 佢哋不斷鼓勵我、開解我,輪到佢哋屋企有事,我就同老公關係改善中。我同阿Yu講,千祈唔好放棄,雖然周永恒有犯錯,但我相信你哋都會好起來,大家都需要時間空間,你依家最緊要處理好心情,我會大力為你哋代禱。」

可嵐出事後,曾與囝囝到訪他們家中,沒發覺異樣,「反而上去見到佢哋一家四口,我仲心頭一酸,好羨慕佢哋,小朋友有爸爸錫。所以之後阿Yu同我講呢件事,我都好訝異,係咪真㗎?唔係啩?」可嵐再沒聯絡Yu,不欲打擾她,「佢有太多傳媒追訪,唔方便聯絡,我哋需要俾佢安靜,當你聽到太多意見,教你點做,你自己會好亂,到夜晚自己一個人時,你只會重溫人哋講嘅嘢,心情會好難過。」

可嵐 360秒人生課堂 單親媽媽 plt C3
Eugene主要用英文溝通,因早兩年報N班時,為應付面試而先操英文, 升上K1後,Colleen 首要為他惡補中文,「俾佢多啲同鄰居小朋友玩,講多啲中文。」(圖片來源:SundayKISS圖片 )

可嵐兒子K1開學被指粗魯

可嵐一邊處理夫妻關係,一邊睇實囝囝Eugene的K1生活,開學不久的他就讀萊恩幼稚園(元朗),非常適應學校生活,「佢讀過pre-nursery,一早適應咗,14年上K1佢完全冇喊過,知道有新朋友同佢玩。」原本Eugene在九龍區讀pre-nursery,但兩母子搬到元朗生活,要重新找學校,「呢間國際學校喺元朗區口碑唔錯,我個仔唔識講中文,同埋佢兔年出生率好爆,所以呢區都好難搵學校。」

未知是否有家暴陰影,初期老師指Eugene較粗魯,但經輔導後已有改進,可嵐說:「可能少少關係啦,但我諗最主要係佢學巴西柔術,係一種武術,好似柔道咁互撻,技術有關節技等等。佢每星期上兩堂,同學多數係日本人,呢種武術係日本傳統文化(起源日本,再傳入巴西發揚光大),可能招數好貼身推撞,佢就帶咗返學校。」

可嵐 360秒人生課堂 單親媽媽 plt C5
Eugene喜歡畫畫,最喜歡拿這塊畫板發揮小創意,這幅畫是送給媽媽的。(圖片來源:SundayKISS圖片)

可嵐愧疚影響兒子情緒

父母間的衝突,Eugene一直感受到,經常向媽媽問起爸爸的去向,可嵐愧疚道:「我同老公啱啱分開時,有個幾月冇見面,佢不停問我爸爸喺邊,我就答佢爸爸忙緊工作,佢會繼續追問: Is daddy in the restaurant? Why don’t daddy go home? 我答He is in his home,佢就話Here ishis home!我都唔知點答⋯⋯呢段時間佢都幾情緒化,久唔久會嗌,扭計多咗。」幸好現在父母關係改善,Eugene的情緒亦穩定下來,對小朋友成長來說,父母能夠破鏡重圓,總比單親環境好,但最後還是…

2014年採訪:Sunday Kiss Vol.180

撰文:Ling 攝影:黃大立( 部分相片由受訪者提供)
化妝:MOD 髮型:Alexx Chan@Queen’s Private i
服裝: LOVEIS@D-mop Zone,Sherry & Jayden
指甲: Belle@Nail Expert Pro 場地:甲子A Kids(tel: 2394 2933)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
可嵐家暴
撰文:東方新地圖片來源:Sunday Kiss資料或影片來源:TVB綜藝