叱咤樂壇2021

叱咤樂壇2021|Edan凌晨直播談輸獎感受 爆盧瀚霆被林海峰玩時真實對話

最新娛聞

廣告

《叱咤樂壇2021頒獎禮》圓滿結束,Mirror掃走不少大獎,賽前男新人金成為外界焦點之一,今年曝光率勁高的Edan呂爵安被指是男金大熱,最後落敗給MC張天賦,Edan大讚對方實至名歸,笑稱大家鍾意MC之餘也可支持自己,希望樂壇百花齊放﹗同時Edan談及盧瀚霆被林海峰惡搞以為自己攞「我最喜愛男歌手獎」時當場的真實對白,大爆教主當時的感受﹗

文:東方新地|圖:IG@edanlui、FB@my903.com 商業電台

叱咤樂壇2021|Edan邊吔蕉邊講失金感受

《叱咤樂壇2021頒獎禮》後,Edan呂爵安回家後,凌晨一時許突擊開直播,在鏡頭前邊食蕉邊同大家「盡訴心中情」﹗Edan透露雖然《E先生連環不幸事件》由年頭唱到年尾,但在分半鐘拉票表演前其實壓力超大,因為之前曾試過「災難性」失準,令他壓力大到爆標﹗

Edan呂爵安出席完《叱咤樂壇2021頒獎禮》後回家凌晨近兩點忽然開直播,邊吔蕉邊同大家講得獎感言,完全零偶包﹗(圖片來源:IG@edanlui)
Edan呂爵安出席完《叱咤樂壇2021頒獎禮》後回家凌晨近兩點忽然開直播,邊吔蕉邊同大家講得獎感言,完全零偶包﹗(圖片來源:IG@edanlui)

叱咤樂壇2021|呂爵安:攞咩顏色嘅獎都開心﹗

Edan提到落敗男新人金獎的感受,佢話:「啲人問我有冇唔開心?完全沒有,因為有得攞獎已經好開心,唔理咩顏色,MC係實至名歸,MC真係唱得好好﹗其實今年我哋三位新人關係好特別,我係《造星1》,MC同Mike參加《造星2》,但我哋有參與《造星2》,而喺嗰時我先有多啲人留意,我哋大家都係朋友,我要向MC同阿Mike(曾比特)好好學習﹗」

Edan曬新人銀獎,直言有獎攞已經開心,賽前完全沒有預計自己會攞獎﹗大讚新人金獎得主MC張天賦實至名歸,直言要向他多多學習﹗(圖片來源:IG@edanlui)
Edan晒新人銀獎,直言有獎攞已經開心,賽前完全沒有預計自己會攞獎﹗大讚新人金獎得主MC張天賦實至名歸,直言要向他多多學習﹗(圖片來源:IG@edanlui)

Edan爆盧瀚霆台下不停講:唔係呀嘛﹗?

Edan又講到頒發「我最喜愛男歌手獎」有幸打入五強,卻被林海峰在台上玩,好兄弟盧瀚霆被林海峰點名時,全場都誤以為他得獎,盧瀚霆被兄弟們恭喜更一度起身欲上台,差點重演「關家姐事件」﹗最後卻宣布由旁邊的姜濤冧莊﹗Edan大爆當時和兄弟盧瀚霆之間的真實對白,Edan話:「呢單誤會Anson Lo攞獎係過癮﹗坦白講我當然唔會覺得自己會攞啦,嗰時真係以為Anson Lo攞,我完全畀林海峰呃晒﹗以為係,其實呢﹗我同佢Anson Lo當時係驚,大叫『嘩﹗真係咩?』Anson Lo不停話:『唔係呀嘛﹗』我喺Anson Lo耳邊講:『咁你加油,你頂住呀﹗你加油呀﹗』點知原來係假嘅,咁其實Anson Lo都鬆一口氣嘅﹗」

林海峰宣布「我最喜愛男歌手獎」時講盧瀚霆個名,全場都信以為真,教主一臉驚訝,Edan搭住佢膊頭定驚﹗(圖片來源:FB@my903.com 商業電台)
林海峰宣布「我最喜愛男歌手獎」時講盧瀚霆個名,全場都信以為真,教主一臉驚訝,Edan搭住佢膊頭定驚﹗(圖片來源:FB@my903.com 商業電台)
最後宣布姜濤冧莊「我最喜愛男歌手獎」,盧瀚霆立即恭喜對方﹗(圖片來源:FB@my903.com 商業電台)
最後宣布姜濤冧莊「我最喜愛男歌手獎」,盧瀚霆立即恭喜對方﹗(圖片來源:FB@my903.com 商業電台)

Edan:我同Anson Lo都覺得時機未到

Edan邊食餃子邊說:「其實,我哋都知每一位粉絲都好錫我哋,好希望我哋攞到獎,但係有啲時候我哋覺得時機未到,等自己再叻啲再成熟啲,可以等到係實至名歸先,咁先可以有說服力,真係唔使急﹗不急於得勝,喺正確嘅時候會出現正確嘅嘢﹗」Edan又話見到盧瀚霆上台攞專業推介歌曲獎時,講感言時好感觸,Edan話:「Mirror咁短時間內可以上台攞獎,係好感恩﹗好多歌手朋友可能等咗好多年,我會好珍惜依家有嘅嘢,同時要加緊腳步令自己更加叻,如果唔係就好差喇﹗」

Edan重演當時全場以為盧瀚霆攞「我最喜愛男歌手獎」時,碌大對眼感到難以置信﹗(圖片來源:IG@edanlui)
Edan重演當時全場以為盧瀚霆攞「我最喜愛男歌手獎」時,碌大對眼感到難以置信﹗(圖片來源:IG@edanlui)
Edan指盧瀚霆知道攞唔到「我最喜愛男歌手獎」時反而鬆一口氣﹗(圖片來源:IG@edanlui)
Edan指盧瀚霆知道攞唔到「我最喜愛男歌手獎」時反而鬆一口氣﹗(圖片來源:IG@edanlui)

叱咤樂壇2021|希望樂壇百花齊放:我知香港人鍾意睇人仆…鍾意食花生

Edan又提到知道賽前大家聚焦點落在頒獎禮中,佢話:「有人支持但亦變成有Hate喺裡面,點解大家唔可以多啲愛,香港正正缺少呢份愛同支持,鍾意MC唔一定唔支持我,支持我都一樣可以鍾意MC同Mike嘅﹗點解之前香港樂壇好似冇乜人留意?係因為大家唔支持,自然少咗資源,行業就會縮細,既然依家多人留意,大家一齊做大個餅,希望大家畀多啲鼓勵,我知香港人鍾意睇人仆 …鍾意食花生,大家試吓由今日開始囉,咁先可以令樂壇百花齊放﹗多啲欣賞多啲鼓勵﹗」

Edan食完香蕉再食媽媽愛心牌餃子﹗(圖片來源:IG@edanlui)
Edan食完香蕉再食媽媽愛心牌餃子﹗(圖片來源:IG@edanlui)

叱咤樂壇2021|談姜濤要做亞洲第一:又講到咁大﹗

Edan又提到姜濤台上話要成為亞洲第一,他指Mirror成員都被姜濤嚇親,佢話:「又講到咁盡?我哋猛話係姜濤佢講㗎咋,唔係我哋講㗎﹗當然大家係講笑﹗其實姜濤嘅意思都係希望大家繼續支持本地樂壇,就會有更多才華嘅人出現,咁就可以喺出面同人爭過﹗」Edan突發性開直播大半小時後便完結,他指其後會補上千字文,內容跟直播內容相若﹗

Edan在直播表演連食十六隻餃子,大口大口食,完全唔介意公開食相﹗(圖片來源:IG@edanlui)
Edan在直播表演連食十六隻餃子,大口大口食,完全唔介意公開食相﹗(圖片來源:IG@edanlui)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!