史上最體貼司機 C君泊完車會問：我阻唔阻住你？
廣告
香港人多車多，又出名多泊車L、快線L同開門L，仲有數之不盡嘅「泥鬼」、「DC狗」等，當中最出名一定非「Benz L」莫屬啦！有睇開fb 車group都知，「Benz L」有獨特一套嘅揸車同泊車方法，車友通常都對呢類司機避之則吉或者鬧爆對方，之但係竟然有例外喎！話說日前C君揸住架Benz落荃灣，泊低車之後突然行去搵前車司機，問有冇阻住佢？使唔使泊後少少？成個過程俾車cam拍低晒，網民大讚C君有禮貌，仲話香港好在有佢咁話！
延伸閱讀：
12年恩怨一筆勾銷 楊怡請胡定欣飲喜酒
冇男友有好姊妹 胡定欣喊住開35歲生日P
有網友日前見到C君車住疑似DJ女友黃天頤落荃灣食車仔麵，本來見到明星冇乜特別，但C君泊好車後，先係好gentlemen咁幫女友開車門，之後再行去前車問司機：「如果咁樣阻唔阻到你呀？你走唔走到？」咁識照顧其他人感受嘅C君，獲片主大讚：「暫時遇過最有禮貌的benz 司機，應該係起香港遇過最有禮貌既司機。泊完車會顧及其他司機既感受。讚」
圖片來源：Mac Lau facebook小心駕駛(討論別人駕駛態度)群組
全文完
