吳浩康

吳浩康大肚老婆郭思琳確診 全靠5招自救 康復才行禮結婚

最新娛聞

廣告

吳浩康和郭思琳日前於貝澳註冊結婚,並公布郭思琳已陀B三個月,雙喜臨門,可喜可賀﹗但原來大肚婆郭思琳早前確診新冠肺炎,吳浩康回應傳媒並報平安﹗

吳浩康等郭思琳康復先行禮

有指郭思琳早前中招,由於與患有心臟病的吳浩康爸爸同住,所以兩口子更加擔心﹗吳浩康回應時證實郭思琳早前中招,現已康復,多謝大家關心,Deep話:「思琳喺二月底確診同埋有咗BB,所以我哋用最天然方法,食中藥去處理,可以照顧BB同媽媽的身體,因為屋企有老人家,思琳都好擔心會傳染畀我爸爸,所以自我隔離咗14日,早晚都做檢測試,喺舉行婚禮前已經好番一段時間﹗」

郭思琳 吳浩康在郭思琳中招後,悉心照料及安排,已經完全康復﹗
吳浩康在郭思琳中招後,悉心照料及安排,已經完全康復﹗(圖片來源:FB@郭思琳)

郭思琳靠1個好老公+5招自救 康復即做產檢

郭思琳接受傳媒訪問時,指自己病情輕微,只是流鼻水、少少咳嗽及喉嚨痛,她提醒大家千祈不要亂食藥,她透過網上診症主要食中藥治療,其次是飲大量開水,以及不時以鹽水潄口,去舒緩痛楚及有消炎作用,另外不時飲檸檬水去補足維他命C,每日都拉開窗簾曬太陽,就是靠呢5招自救﹗連續早晚做檢測,由中招到變回陰性約7日,但為安全起見,自我隔離足留在房間足14 日﹗她大讚全靠吳浩康好幫手,將全屋消毒,為了她做了廳長兩星期,又隔住房門跟她傾電話及唱歌為她解悶﹗

郭思琳 吳浩康透露郭思琳康復了好一段日子,才舉行婚禮﹗
吳浩康透露郭思琳康復了好一段日子,才舉行婚禮﹗(圖片來源:FB@郭思琳)
吳浩康 郭思琳 郭思琳之前分享BB超聲波照片,即將升呢新手父母相當興奮﹗
郭思琳中招最擔心胎兒,所以隔離14天完全康復後,第一時間去做產檢,以保BB健康﹗之前曾分享BB超聲波照片,即將升呢新手父母相當興奮﹗(圖片來源:FB@郭思琳)

吳浩康郭思琳正式註冊做夫妻 雙喜臨門獲老闆封大利是:佢係我半個爸爸

現年35歲的「格鬥女神」郭思琳,與38歲的吳浩康(Deep)去年開始低調拍拖,近日更爆出結婚喜訊,原來郭思琳已陀B三個月,雙喜臨門,於3月5日Deep公開回應結婚消息,更大讚郭思琳是他理想的另一半!二人在3月15日正式註冊並舉行小型婚禮!

吳浩康 郭思琳
(圖片來源:大會提供)

吳浩康愛的宣言

婚禮上當然少不了「愛的宣言」,Deep謂度了多個晚上,「都係圍繞住多謝佢,多謝佢願意嫁俾我、願意同我一齊去經歷我哋嘅人生、願意同我一齊去遮風擋雨。我哋各自對大家嘅承諾,就留番俾我哋兩夫妻啦,多謝大家嘅祝福、多謝大家嘅關心。」Margiela則說:「佢同我結婚已經係一個承諾嚟㗎啦,所以佢唔駛講我已經收到晒。」準備婚禮期間,亦發生不少 「蝦碌」事,Deep謂:「過程雖然好簡單,但係蝦碌嘢都多,因為而家啲速遞、運輸都受到影響,所以變咗我哋訂咗好多裝飾嘅嘢其實都好多冇嚟,最後我哋係喺山邊執樹枝,去完成個裝飾。」

郭思琳 吳浩康深情講「愛的宣言」。
吳浩康深情講「愛的宣言」。(圖片來源:大會提供)

吳浩康承諾會補擺酒

由於疫情期間舉行婚禮,所以未能邀請太多親友出席,Deep表示一定會補辦婚宴,「之後一定會補擺婚禮嘅,但我哋想注咗冊先,所以今次唔好意思,請唔到好多嘅朋友嚟,亦都招呼唔到各位嘅傳媒朋友,所以多多見諒。」正式註冊時,Deep跟Margiela更是喊唔停,Deep謂:「註冊好緊張,冇諗過咁緊張,都好多感動,特別係我自己見到自己爸爸喺度,其實我都冇乜點停過喊。」Margiela見Deep喊到「決堤」,自己都忍不住,「我冇諗過會喊得咁犀利,我一見到佢喊我又忍唔住喊,佢太眼淺啦,我成日要安撫佢。」

吳浩康 郭思琳
(圖片來源:大會提供)

疫下婚禮,吳浩康自認多蝦碌

提到疫情下舉行婚禮,Deep坦言無論疫情與否,都是最難忘,「因為冇經驗,蝦碌百出,感謝太太嘅包容,雖然冇一個十全十美嘅婚禮,但亦都係疫情見證下嘅一個完美婚禮。」問到Margiela婚後第一課,她笑說要「見識」婚姻的恐怖,「我覺得有太多嘢要去學習,尤其是要學做一個好嘅太太、好嘅媽媽,同埋我同你嘅相處啦,呢個係人生課題,太多嘢要學,因為我未經歷,我都係啱啱新婚,所以我暫時覺得我哋嘅相處係大前題,好多人都話結咗婚後係另一個境界,我都想快啲經歷吓睇吓有幾恐怖,哈哈。」

吳浩康 郭思琳
(圖片來源:大會提供)

吳浩康雙喜臨門

除了成為「人夫」, Deep亦快將成為爸爸,問到首胎是仔定女,Deep表示要保持神秘感暫不透露,但仔女都鍾意,「其實仔定女都會好鍾意,因為自己都好期待。而家我哋兩個都係專注喺第一個小朋友度先,因為都係第一次做爸爸媽媽,所以有好多嘢都未知,好多情況要兼顧啲乜嘢,所以我哋嘅焦點都係喺呢個bb度先。」Deep透露老闆楊受成博士會送大利是給BB,「老闆楊生話會封大利事俾我個BB,其實收到老闆嘅祝福已經好開心啦,因為老闆真係睇住我成長,照顧咗我二十年,都係我半個爸爸,所以有自己咁尊敬嘅人嘅祝福,其實已經係好大嘅禮物。」

吳浩康 郭思琳
(圖片來源:大會提供)
吳浩康 吳浩康與郭思琳在社交網上幾乎每個post都有互相畀Like,互動好Sweet。
吳浩康與郭思琳在社交網上幾乎每個post都有互相畀Like,互動好Sweet。(圖片來源:[email protected]
吳浩康 郭思琳為模特兒出身,曾在2007年參選港姐,惜未能入圍。
郭思琳為模特兒出身,曾在2007年參選港姐,惜未能入圍。(圖片來源:[email protected]
吳浩康 2016年,郭思琳參加ViuTV的格鬥比賽真人騷《G-1格鬥會》,令她被封為「格鬥女神」。
2016年,郭思琳參加ViuTV的格鬥比賽真人騷《G-1格鬥會》,令她被封為「格鬥女神」。(圖片來源:[email protected]

睇返之前二人宣布結婚嘅報道:

吳浩康閃婚:我要結婚了!

吳浩康與郭思琳低調拍拖逾半年,日前被爆已在上月入紙申請註冊結婚,原定於3月到婚姻登記處舉行婚禮,但現在要待疫情過去,才能大排筵席。對於今次結婚的消息,Deep開心同大家分享:「多謝大家的關心,我好開心和大家分享呢個喜訊,我要結婚了!我遇到一個理想的另一半,所以我們決定一齊行埋我們的人生。」

吳浩康 吳浩康和郭思琳已於2月底入紙申請註冊結婚。
吳浩康和郭思琳已於2月底入紙申請註冊結婚。(圖片來源:IG@ngdeep)
郭思琳 吳浩康 兩人已拍拖逾半年。
兩人已拍拖逾半年。(圖片來源:[email protected]
郭思琳 吳浩康 Deep向傳媒透露求婚過程有唱歌、跪地、送花和送戒指,本來想吹色士風,但他自覺學得未夠好,所以準備留待婚禮上再吹。
Deep向傳媒透露求婚過程有唱歌、跪地、送花和送戒指,本來想吹色士風,但他自覺學得未夠好,所以準備留待婚禮上再表演。(圖片來源:IG@ngdeep)
吳浩康 據知在擬結婚通知書上,真名「吳偉男」的Deep報稱的職業是唱歌老師,郭思琳則是模特兒導師。
據知在擬結婚通知書上,真名「吳偉男」的Deep報稱的職業是唱歌老師,郭思琳則是模特兒導師。(圖片來源:IG@ngdeep)

吳浩康:我要做爸爸了

而講起雙喜臨門,Deep表示:「好多謝大家的祝福,自己嚟緊都面臨一個好大嘅挑戰。因為我要做爸爸了。依家開始都有好多嘢需要學習,無論係生活上,以及同另一半相處上。無論喺任何事上面都有好多需要學習,依家都係學習當中,好期待。」

郭思琳 吳浩康 即將升呢做人父的吳浩康,受訪時笑指生BB並非意外,而是在他預計之內,目前陀B已剛剛夠3個月,所以可以同大家分享。他又笑指BB是最大的禮物,令他好開心,感覺好似中獎一樣!
即將升呢做人父的吳浩康,受訪時笑指生BB並非意外,而是在他預計之內,目前郭思琳陀B已剛剛夠3個月,所以可以同大家分享。吳浩康又笑指BB是最大的禮物,令他好開心,感覺好似中獎一樣!(圖片來源:IG@ngdeep)

希望大家都身體健康

最後Deep說:「再一次多謝大家嘅祝福,好開心同大家分享呢件事,喺疫情底下大家都好唔容易,希望大家都身體健康,好好保重!」

前度都係優質筍盤

吳浩康出道20年來情史豐富,仲個個都係優質筍盤,其中公開過的前度女友,包括有TVB視后胡定欣、拿督千金莊鍶敏(前名莊思敏)、同公司師妹鍾舒漫、ViuTV女神李昭南以及36G咪神崔碧珈。其中李昭南曾與吳浩康拍拖兩年,2018年宣布分手時,她對吳浩康表示:「你永遠都係我尊重嘅師兄同好朋友,永遠感激你對我嘅愛錫,永遠支持你!繼續努力,繼續加油!」

郭思琳 李昭南曾與吳浩康拍拖兩年,前年宣布分手時,她對吳浩康表示:「 你永遠都係我尊重嘅師兄同好朋友,永遠感激你對我嘅愛錫,永遠支持你!繼續努力,繼續加油!」
吳浩康曾與李昭南拍拖兩年。(圖片來源:新傳媒照片庫)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:FB@郭思琳