周海媚

回顧52歲周海媚初出道罕見相 不老女神名不虛傳!

最新娛聞

廣告

最近無綫播映內地劇《 倚天屠龍記 》,演滅絕師太嘅,係喺94年台灣版演周芷若紅極一時嘅周海媚(海味),今次趁勢搜羅呢位「 不老女神 」初出道同早期圖片,眉清目秀魅力沒法擋!

撰文:東方新地|圖片:東方新地

回顧52歲周海媚初出道罕見相

|85年 參選港姐

85年17歲嘅周海媚參選香港小姐, 雖然入唔到第二 round,但獲召進入無 綫第1期藝員進修班,最終成為當家花 旦之一。呢張泳裝環節相,盡顯海味 均勻嘅身材同24吋小蠻腰。

|85年 處女演出

周海媚完成藝員進修班,即獲派演卡士史上最強嘅無綫18周年台慶劇《楊家將 》,演楊九妹楊延瑛一角,一身戎裝揸 利劍,英姿颯颯遇敵即殺。

|87年 嘉玲合演

周海媚87年喺清裝劇《 杜心五 》擔任第二主角,但演杜心五嘅鄭少秋劇中畀老竇強迫娶海味,由於秋官鍾情女主角劉嘉玲,拜堂日竟留信走佬,相中海味同嘉玲老友鬼鬼,查實劇中係情敵。

|87年 嫁呂良偉

呂良偉87年12月到美國玩時向啱啱21歲嘅周海媚求婚成功後到拉斯維加斯 登記秘密結婚,但有傳因海味不規律生活作息引起同住嘅老爺不滿令兩公婆成 日嗌交,八個月後離婚時先知當時結婚手續未完全辦妥法律上唔係夫妻。

|89年 黎明緋聞

周海媚89年同黎明(Leon)合作拍科幻穿越愛情喜劇《回到未嫁時 》時,傳出同年同月生日嘅兩人,因拍劇日久生情而擦出愛火花,後因感情轉淡分手收場,但 Leon至今都冇承認呢段戀情。

|90年 珠光寶氣

90年呢張某電視偶像刊物中間過膠跨頁靚 相,周海媚戴上珍珠寶石耳環同頸鏈,襯埋黑加紫 紅色百褶雪紡衫,畀人珠光寶氣高貴上等人嘅感覺。

|92年 懷舊復古

周海媚92年登上某娛樂周刊封面, 海味著上黑色deep V衫,梳咗個六十年代流行嘅蜂巢髮型,加埋個三十年 代古董電話,大玩懷舊風。

|93年 罕晒乳溝

93年周海媚擔任無綫《健康家庭選舉 》嘅司儀,黑色超低 胸晚裝激罕露出三吋乳溝,一出 場就嘩聲四起原來海味身材咁勁揪。

|94年 最美周芷若

周海媚94年接演台灣電視劇《倚天屠龍記》,無論樣貌、裝扮、表情、 眼神、性格同舉止都相當接近小說嘅周芷若,更獲金庸先生嘅肯定,被喻為史上「最美周芷若」。

|97年 日本出寫真

97年30歲嘅周海媚進軍日本,除拍廣告仲推 出色調灰藍以內衣為主嘅性感寫真集《 MOI- CREE 》,黑白彩色各佔一半,海味造型冷艷有 大量性感誘惑嘅內衣寫真,令佢成為性感女神。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!