圍爐取戀

圍爐取戀|女友背後有3個Sugar Daddy點算?Dickson分析獲網民大讚最中point

最新娛聞

廣告

毛記電視網上節目《圍爐取戀》經常為網民解決愛情上的煩惱,最新一集《圍爐取戀》就有網民談到發現其女友背後竟有3個Sugar Daddy,但他仍想繼續和女友發展,因此叫4位主持人給予意見!

圍爐取戀 這集《圍爐取戀》由東方昇、專家Dickson、Kneta及Terry擔任主持,嘉賓係張蔓姿。
這集《圍爐取戀》由東方昇、專家Dickson、Kneta及Terry擔任主持,嘉賓係張蔓姿。(圖片來源:IG@sharelove_tgt)

《圍爐取戀》有張蔓姿做嘉賓

這集《圍爐取戀》除了由東方昇、專家Dickson、Kneta及Terry擔任主持外,仲搵埋張蔓姿做嘉賓,被循例問到愛情經驗,張蔓姿笑言唔豐富:「因為我唔算怕過好多次拖,同埋啲經歷好似好薄弱咁,唔算太轟烈,同啲friend傾得多偈就知,我嗰啲係低level!」而講到最難忘的戀愛經歷,張蔓姿就話係真係鍾意對方,但最後唔可以同對方一齊,那種痛已經令她好難忘。

圍爐取戀 節目一開始,Dickson就笑言因為有個靚女張蔓姿坐喺佢隔籬,會令佢全程都好怕醜!
節目一開始,Dickson就笑言因為有個靚女張蔓姿坐喺佢隔籬,會令佢全程都好怕醜!(圖片來源:IG@sharelove_tgt)

網民Chris接受女友肉體出軌

節目中一位化名為Chris的男網民,發現認識了約8個月的女友背後原來有至少3個Sugar Daddy:「有啲係找卡數,有啲係買梳化、傢俬,仲有一個比較close啲,會上佢屋企,同埋可能係send個地址畀佢,佢就去咁。」Chris直言能夠接受女友肉體出軌,但接受不到精神上出軌,Kneta即驚訝指:「呢個新一代愛情觀,直程通咗我嘅後腦!」

圍爐取戀 已為人母的Kneta,對於Chris能夠接受女友肉體出軌,表示非常驚訝。
已為人母的Kneta,對於Chris能夠接受女友肉體出軌,表示非常驚訝。(圖片來源:YouTube@毛記電視)

酒吧認識發展神速

Chris指初初和女友在酒吧認識,是女方主動向他展開追求,他形容女方外貌係「cute cute嗰啲」,又指女方向他攞完電話後,兩人已一齊去銅鑼灣海旁坐,被張蔓姿指發展神速。Chris續指當時兩人「好癲」:「會一齊拖住隻手,落去浸海水,又喺公園嗰度坐到朝早6點,先送佢返屋企。」

Chris形容自己係比較被動的人,兩人之後一直有keep住whatsapp,Chris更不時向女方傾訴心事,又keep住有約出街食飯,一個月後,Chris向女方表白,希望兩人能在一起,但女方卻沒有即時答應,女方的朋友就解釋因為兩人發展得太快,認為起碼要認識半年,兩人才能正式在一起。

圍爐取戀 Chris同所謂女友原來尚未確認關係。
Chris同所謂女友原來尚未確認關係。(圖片來源:YouTube@毛記電視)
圍爐取戀 但已經發生了肉體關係。
但已經發生了肉體關係。(圖片來源:YouTube@毛記電視)

相識一個多月已發生關係

Chris續指兩人在相識約一個多月後,已發生了關係,Terry指女方好矛盾:「佢身體上好進取,但心靈上就好保守。」Chris表示之後兩人一直keep住這種關係,令他覺得好奇怪,因為兩人平時出街都會拖手和攬錫,他認為已和情侶無分別,因此他決定偷睇她的電話,結果發現了她有Sugar Daddy的秘密。

Chris表示從whatsapp對話中,見到女友和3個不同男士有一些「我要找卡數」、「Please settle」、「多謝你張梳化」之類的對話,但冇一個和他一樣,有戀愛方面的交流,他說:「我睇到之後都沉澱咗一晚,第二日我喺佢屋企,問佢呢個咩玩法?佢就唔出聲,跟住同我講對唔住。」

圍爐取戀 Chris靠偷睇女方手機,揭發她有Sugar Daddy的秘密。
Chris靠偷睇女方手機,揭發她有Sugar Daddy的秘密。(圖片來源:YouTube@毛記電視)
圍爐取戀 女方未肯向Chris坦白她和幾位男士的真實關係。
女方未肯向Chris坦白她和幾位男士的真實關係。(圖片來源:YouTube@毛記電視)

女方叫Chris等她三個月

Chris指女方向他解釋那些人並非和她拍拖,其中有人是不能公開,有人是已婚,又說:「啲對話唔係你睇到咁!」但由頭到尾都冇直言他們是甚麼關係,只叫Chris等她三個月,表示:「我唔可以就咁走咗去,有啲嘢要處理。」又說:「我哋都未一齊,我唔係每一段感情都要交待畀你聽。」

Chris話自從爆了女方大鑊後,女方對他的態度便變得好冷淡,這時東方昇問:「個女仔有冇咩苦衷,會唔會佢本身爭人錢呀,即係有經濟問題?」Chris認同說:「佢唔肯講,但係我就自己覺得應該係屋企問題。」但又指女方係「大洗嘅人」:「屋企長期有幾支靚酒喺度,蠟燭一買就一、兩千蚊嗰種買法。」

圍爐取戀 東方昇懷疑女方有苦衷,例如屋企爭人錢。
東方昇懷疑女方有苦衷,例如屋企爭人錢。(圖片來源:YouTube@毛記電視)
圍爐取戀 但Chris指女方平日都好大洗。
但Chris指女方平日都好大洗。(圖片來源:YouTube@毛記電視)

Dickson分析Chris只負責浪漫

Chris表示已與女方溝通幾次,但都係發髀氣收場。這時Dickson話要嘗試去猜測一下現況:「我估呢個女仔佢係有好多唔同功能性嘅男友,譬如呢個可能係負責傢俬嗰部份嘅,呢個就負責屋嗰部份嘅,或者呢個就負責另一啲嘢啦,而阿Chris你就負責浪漫嗰部分。」

Dickson續分析:「你唔好否定嗰個開心先,嗰個開心都係真嘅,但個問題就係:你究竟要唔要去自己處身喺一個咁樣嘅位置呢?咁就要你自己再諗啦。」而講到如果事情發生在自己身上,Dickson就話應該唔得:「因為我個人佔有慾好強,我唔能夠同一百幾個人去分同一個女仔!」Terry就話自己比較懦弱,應該會等個女仔三個月。

圍爐取戀 專家Dickson福爾摩斯上身,分柝依家發生緊咩事。
專家Dickson福爾摩斯上身,分柝依家發生緊咩事。(圖片來源:YouTube@毛記電視)

Kneta質疑主持對男女大不同

Kneta就好疑惑地問:「平時我哋啲女仔打上嚟,我鬧到佢癡線啦!但我唔明點解你哋可以接受到個女朋友咁樣,我接受唔到。」這時東方昇表態:「我覺得我都會留喺度,我梗係唔會想佢搵佢嘅Sugar Daddy,但我要研究吓我解唔解決到佢錢上面嘅問題,先可以幫佢脫離嗰面。」

Chris講到其女友已有28歲,張蔓姿話覺得個女仔似係有一個好勁的苦衷,被發現後冇即刻同Chris斬纜,反而要他等她三個月去處理,可能代表Chris真的畀到她一種真愛的感覺。東方昇即指如果她的苦衷是家人的話,可以接受,但如果是為了買蠟燭的話,就不能接受,更指女方可能只當同Chris一齊和養隻狗仔一樣,仲要係兩人仲未確立關係。

圍爐取戀 主持們各抒己見,張蔓姿諗法被認為好浪漫。
主持們各抒己見,張蔓姿諗法被認為好浪漫。(圖片來源:YouTube@毛記電視)
圍爐取戀 東方昇認為Chris應該從根本上解決女方缺錢嘅問題。
東方昇認為Chris應該從根本上解決女方缺錢嘅問題。(圖片來源:YouTube@毛記電視)

Dickson指Chris想做天使

Chris表示不介意女方繼續和Sugar Daddy的關係,只希望女方不再欺騙他,因此想等這三個月,只望睇到一個結局,知道女方會否為他改變。這時Dickson分析:「咁Chris你其實唔係接受到呢一種關係,你係想做天使,然後想埋去拯救佢。」

東方昇就指兩人其實係timing唔啱:「有機會十年後佢有一日發覺你係一個啱嘅人,可能係嗰個moment佢先識珍惜你。」Chris最後表示如果女方不再搵他,他便會慢慢放低對方。

圍爐取戀 Dickson指Chris其實係想做天使去拯救女方。
Dickson指Chris其實係想做天使去拯救女方。(圖片來源:YouTube@毛記電視)

分析女方只係貪心咩都想要

收線後Dickson說:「頭先因為當事人喺度,有啲說話我唔敢講,驚太傷佢心!因為我自己嘅惴測係,當佢踢爆咗嗰個女仔有幾個Sugar Daddy嘅時候,嗰個女仔開始對佢有啲疏遠,就因為你已經冇咗浪漫嘅功能,所以我唔知喺你身上面,我仲可以攞到咩嘢,其實我覺得成個狀況就係咁邪惡囉!」

Dickson續說:「可能個女仔的而且確有機會有一個苦衷,可能屋企人爭人錢定咩嘢,但我聽到佢嘅生活係富裕生活,咁即係話,其實可能佢只不過係嚮往富裕嘅生活,但係我又想有個人同我浪漫一下。」即係女方其實係咩都想要,又想要錢,又想要浪漫同激情,張蔓姿都話畀Dickson一番話點醒。

圍爐取戀 Dickson指女方其實冇咩苦衷,只係既要錢又要浪漫。
Dickson指女方其實冇咩苦衷,只係既要錢又要浪漫。(圖片來源:YouTube@毛記電視)
圍爐取戀 咩都想要!
咩都想要!(圖片來源:YouTube@毛記電視)

網民大讚Dickson睇得透

網民睇完都紛紛大讚:「Dickson分析得好中」、「贊同Dickson」、「大家會不會太善良?仲幫個女仔諗苦衷,睇嚟得Dickson是清醒的」、「Dickson根本就講左個事實出來。」、「六條友得dickson一個係正常」、「Dickson長期中point」、「Dickson好charm…個腦」等等,亦有網民問:「Dickson咪因為睇得透先A0?」

圍爐取戀 最後四位主持同嘉賓一齊大合照留念。
最後四位主持同嘉賓一齊大合照留念。(圖片來源:IG@sharelove_tgt)

即睇《圍爐取戀》女友背後有3個Sugar Daddy:

浪漫派 VS 現實派,發現女友有Sugar Daddy但仍想繼續發展,大家點睇?

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@sharelove_tgt、YouTube@毛記電視資料或影片來源:YouTube@毛記電視