城城 春夏 首封《金像獎》影帝后

城城 春夏 首封《金像獎》影帝后

最新娛聞

廣告

 

第35屆金像獎圓滿結束,最佳男女主角分別由《踏血尋梅》嘅郭富城及內地演員春夏奪得,二人同為首次奪得該項殊榮!另外,最佳導演由執導《智取威虎山》徐克贏得,最佳電影由涉及敏感題材嘅《十年》奪取,令人意外!而電影《踏血尋梅》全晚共奪七個獎,橫掃影帝后及男女配角等大獎,成全晚大贏家!此外,全晚亦有幾個爆笑位,即刻去片!

 

林敏驄疑爆粗

林敏驄同鄭中基除了jam歌,更搞爛gag,期間阿驄疑爆粗,以高嘅諧音「鳩」,叫鄭中基唔好唱「鳩」音!之後二人又拿最佳新演員得主白只名字開玩笑,笑言白只細個經常跣低,所以小時候名字係白紙跣(扇); 又笑言白只爸爸係馬龍白蘭度、媽媽係白蘭氏,攞完獎就買咗架白車!全場爆笑!

 

學友食螺絲

張學友同張家輝任頒獎嘉賓,家輝自稱係「張學友」,之後又爆肚唔跟稿,令學友緊張食螺絲!

 

青雲自認靚仔

張學友同張家輝笑言劉青雲做完今屆主持,明年應唔會重操故業,青雲聽完後反寸二人:「我講嘢雖然唔流利,但勝在靚仔!」之後爾冬陞於台上說原本叫青雲做最佳電影頒獎嘉賓,因為青雲係司儀身份中性,青雲即回應:「好明顯我係男性!」

 

下頁開始有得獎名單!

 

最佳男主角:郭富城《踏血尋梅》

 

最佳女主角:春夏《踏血尋梅》

 

最佳男配角:白只《踏血尋梅》

 

最佳女配角:金燕玲《踏血尋梅》

 

最佳新演員:白只《踏血尋梅》

 

下頁有其他得獎名單!

 

最佳電影:《十年》

 

最佳導演:徐克《智取威虎山》

 

最佳編劇:翁子光《踏血尋梅》

 

最佳攝影:杜可風《踏血尋梅》

 

最佳剪接:張嘉輝《葉問3》

最佳美術指導:張叔平、邱偉明《華麗上班族》

最佳服裝造型設計:奚仲文《捉妖記》

最佳動作設計:李忠志《殺破狼II》

最佳原創電影音樂:羅大佑、陳輝陽《華麗上班族》

最佳原創電影歌曲:《哪一天我們會飛》主題曲〈差一點我們會飛〉

最佳音響效果:曾景祥、李耀強、姚俊軒《智取威虎山》

最佳視覺效果:Jason Snell、潘國瑜、湯冰冰《捉妖記》

新晉導演:許誠毅《捉妖記》

最佳兩岸華語電影:《剌客聶隱娘》

專業精神獎:周永光

終身成就獎:李麗華女士

最佳衣着獎:張學友、林嘉欣

 

如欲率先接收資訊,請讚好我們的FB專頁並於「已讚好」選單設定「搶先看」,多謝支持。

網址:www.facebook.com/orientalsundayhk

第41屆《金像獎》即將於幾時舉行?

第41屆《香港電影金像獎》於2月9日在尖沙咀文化中心舉行記者會,宣布今年19個獎項的提名名單,而頒獎典禮即將於⋯⋯詳情請看

MIRROR那三位成員入圍金像獎2023?

今屆金像獎一共有19套電影入圍,而當中包括MIRROR成員主演的《阿媽有咗第二個》、《過時·過節》,以及《闔家辣》,欲知各成員有份爭奪那些獎項,按此看完整入圍名單