多疑官恩娜包冚阿仔防偷拍
廣告
官恩娜生完BB變得特別多疑同敏感，早前先係網上因為餵人奶嘅問題同人隔空開火，今日佢自己post咗張孭住阿仔行書店嘅相上ig，寫咗一大段文：「前日帶BéBé G去醫院定期檢查之後再同佢去游水， 點知發現有狗仔隊一直跟住?搞到我個心有少少唔舒服，怕會影響小朋友嘅生活同成長！果一刻有諗過自己做呢行係咪害咗個仔?可惜行已入仔已生！唯有盡量 平復心情保持冷靜? 今日我又如常出動，但全程都四圍望睇吓有冇鏡頭影住我? 跟住我就諗如果影到我…會起一個乜嘢標題? 大概係以下兩個方向…「怪獸家長官恩娜買書谷三個月仔入名校！」或者 「師奶官恩娜孭仔單拖遊銅記！」
官恩娜個BéBé G已經三個幾月大喇！早前仲搞咗個好低調嘅百日宴，只係請親朋好友咋！雖然呢排天氣轉凍，但官恩娜成日帶阿仔去做SPA同游水，仲post咗幾張阿仔晒八月十五同節瓜腳嘅相上網㖭。BéBé G肥肥白咁得意，又怕乜俾人影到喎！
如欲率先接收資訊，請讚好我們的FB專頁並於「已讚好」選單設定「搶先看」，多謝支持。
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
