姜濤

12怪盜 | 姜濤同MIRROR成員宣傳電影近乎零交流 眈天望地狂打喊露

最新娛聞

廣告

日前MIRROR首套團體電影《12怪盜》海報和造型照曝光,令一眾MIRROR粉絲都表示非常期待。今日MIRROR成員齊齊出席「香港國際影視展」的《12怪盜》發佈會,向傳媒朋友分享對拍攝首套團體電影作品的感受,不過姜濤在接受傳媒訪問時,表現得非常心不在焉,時不時眈天望地又狂打喊露,精神情況令人擔憂!

姜濤 MIRROR今日12缺2出席「香港國際影視展」的《12怪盜》發佈會
MIRROR今日12缺2出席「香港國際影視展」的《12怪盜》發佈會。(圖片來源:東方新地)
姜濤 姜濤今日好似心情麻麻,全程都冇乜笑容,接受訪問時又不斷遊魂。
姜濤今日好似心情麻麻,全程都冇乜笑容,接受訪問時又不斷遊魂。(圖片來源:東方新地)

姜濤宣傳活動心不在焉 兩個字回答司儀問題

今日MIRROR 10位成員一同出席「香港國際影視展」的《12怪盜》發佈會。在發佈會上,司儀問到MIRROR每位成員對拍攝首套團體電影作品的感受,大家都滔滔不絕,表示覺得非常開心可以12個成員一齊拍電影,並且期待成品能夠盡快呈現於觀眾眼前。但當問到姜濤感想時,姜濤就簡單回答兩個詞:「開心、期待」,之後其他成員回答問題的時候,姜濤都沒有正視前方,一直周圍望,感覺好似好怕成為焦點。

姜濤 當問到姜濤對於今次拍攝團隊電影時,姜濤就簡單答咗兩個詞:「開心、期待」
當問到姜濤對於今次拍攝團隊電影時,姜濤就簡單答咗兩個詞:「開心、期待」(圖片來源:Youtube@Viu1 HK 截圖)
姜濤 喺其他成員回答問題時都心不在焉。
喺其他成員回答問題時都心不在焉。(圖片來源:Youtube@Viu1 HK 截圖)
姜濤 不斷周圍望。
不斷周圍望。(圖片來源:Youtube@Viu1 HK 截圖)
姜濤 姜濤喺台上都少有正視前方。
姜濤喺台上都少有正視前方。(圖片來源:Youtube@Viu1 HK 截圖)
姜濤 一直將視線放在地上,好似好冇自信!
一直將視線放在地上,好似好冇自信!(圖片來源:Youtube@Viu1 HK 截圖)

同MIRROR成員近乎零交流

在發佈會結束後,MIRROR成員都非常用心解答記者朋友的問題,當大家都有講有笑宣傳電影時,唯獨站在後排的姜濤就不斷眈天望地、心不在焉,5分鐘訪問中至少打咗7次喊露,望落好似完全對訪問毫無關心,同其他成員亦全程零交流。

姜濤 大家都有講有笑嘅時候,姜濤就自己一個周圍望,同成員毫無交流。
大家都有講有笑嘅時候,姜濤就自己一個周圍望,同成員毫無交流。(圖片來源:東方新地)
姜濤 姜濤於訪問中又不斷放蚊,眈天望地、心不在焉。
姜濤於訪問中又不斷放蚊,眈天望地、心不在焉。(圖片來源:東方新地)

姜濤訪問中狂遊魂 要Lokman代答傷勢

當被問到腳傷會否影響拍攝動作場面時,不斷遊魂的姜濤竟然呆咗幾秒,之後再反問成員們:「有動作場面㗎咩?」Lokman見狀馬上幫手代答:「有(動作場面)嘅,但都會就吓嘅,因為都未好返曬啊嘛。」

姜濤 當被問到會否因為腳傷而阻礙到拍攝動作場面時,姜濤一臉茫然,要Lokman幫手代答。
當被問到會否因為腳傷而阻礙到拍攝動作場面時,姜濤一臉茫然,要Lokman幫手代答。(圖片來源:東方新地)

MIRROR大賣關子 鬼馬透露《12怪盜》電影大綱

雖然Maker Vilie早前公佈了《12怪盜》海報和造型照,不過對新戲的大綱和主題都隻字不提,令不少鏡粉都表示非常好奇電影的內容。當被記者問到《12怪盜》電影大綱時,MIRROR正副隊長Lokman同AK就大賣關子,搞Gag鬼馬透露《12怪盜》電影大綱:「怪盜都係鋤強扶弱、維護世界宇宙和平、消滅巴魯坦星人啊,嗰啲都應該關我哋事嘅。(超級英雄嚟嘅?)都未咁犀利嘅,英雄啦,未到超級英雄嘅。」

姜濤 MIRROR隊長Lokman大賣關子,搞Gag鬼馬透露《12怪盜》電影大綱
MIRROR隊長Lokman大賣關子,搞Gag鬼馬透露《12怪盜》電影大綱。(圖片來源:東方新地)
姜濤 AK早前透露自己在電影負責「偷心」
AK早前透露自己在電影負責「偷心」。(圖片來源:東方新地)

導演有拍群戲經驗 拍過《YOLO的練習曲》

今次《12怪盜》為MIRROR全員同為主演的電影,MakerVille就請到曾經有拍群戲經驗的導演何國敏執導。導演何國敏在2021年曾經為ViuTV拍攝過集結20位頂級網絡女神的《YOLO的練習曲》,劇情以虛構電視台偶像組合YOLO為主線,不過唔少網民都話《YOLO的練習曲》劇情結構鬆散,可被列入為「ViuTV五大最差劇集」,唔知道今次《12怪盜》又會拍成點呢?

姜濤 今次《12怪盜》導演何國敏2年前曾經執導ViuTV《YOLO的練習曲》單元劇,不過當時口碑麻麻。
今次《12怪盜》導演何國敏2年前曾經執導ViuTV《YOLO的練習曲》單元劇,不過當時口碑麻麻。(圖片來源:《YOLO的練習曲》海報)

齊齊睇MIRROR 10子 訪問足本版:

姜濤真係好心不在焉呢!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:東方新地、《YOLO的練習曲》海報