孖仔百日宴 兩年抱三 汪圓圓宣布暫封肚
廣告
玩具大王蔡志明兒子蔡加讚及太太汪圓圓今年初誕下孖仔Christian及Kameron，昨晚於深灣遊艇會為孖仔舉行百日宴，以傳統中菜宴請至親好友，蔡志明伉儷、蔡加敏伉儷、蔡加怡、圓圓父母同家姐汪詩詩及一對仔女等出席，Christian與Kameron同家姐Celine一樣精乖伶俐，人見人愛！
講到有關孖仔名字由來，加讚同圓圓分別選擇個人鍾意嘅中文字來改，長女Celine中文名蔡婧妍，而孖仔因為係男生，第二個字改用立字部，即「蔡靖天、蔡靖曦」，可見用字別具心思！對於能兩年抱三，加讚同圓圓表示擁有3名子女實在感到非常幸福及滿足，故暫不考慮再添孩子。雖然撫養3名子女唔容易，但睇見三個小朋友一天一天長大，實在既開心又奇妙，夫妻二人又好感恩，相信係上天嘅眷顧、俾佢哋一家最好嘅安排！
如欲率先接收資訊，請讚好我們的FB專頁並於「已讚好」選單設定「搶先看」，多謝支持。
