王宗堯

幾年內閃電轉女 王宗堯 專食廿歲女

最新娛聞

廣告

38歲嘅 王宗堯 月前被踢爆搭上23歲As One成員Chloe蘇皓兒, 王宗堯 特別鐘意廿幾歲妹妹,除左兩位前度「第四代邦民女」黎紀君、性感女星蔡潔,另外又比杜汶澤大爆佢同Dada陳靜、「浸大E神」Carol楊梓瑤亦有段情。男神認真識食,唔正唔食!

Text – Arika Photo – 新傳媒資料庫、IG

As One成員蘇皓兒 (Chloe)

王宗堯 甩拖4個月,上月被發現搭上跳唱組合As One的成員Chloe蘇皓兒,一直無承認戀情,但近日二人喺中環、銅鑼灣行街街。佢再次被問係咪同Chloe拍緊拖,就「哈哈哈」,話得閒出吓街、識吓新朋友。不過,二人經常在IG放閃, 王宗堯 不時在Chloe嘅IG留言,兩個人嘅IG分別發布同一背景嘅相、用相同相機鏡頭,似係大家幫大家影。

延伸閱讀:

擔正《男臣》做太監 何廣沛:我本身就似公公

環遊世界 蜜月造人 黃翠如 蕭正楠8月結婚

 

 

 

Chloe清純cute cute樣,不時做做運動,又同 王宗堯 一樣鐘意玩相機,唔怪得王生搭晒糖啦!

 

 

 

嫩模黎紀君(Christy)

Chloe之外,做得 王宗堯 女朋友都係正妹!佢第一個公開戀情嘅女友係Christy黎紀君,Christy喺PolyU讀書個時已經係頗有名氣嘅模特兒,身材索爆,雖然曾被指整容,但仍然被封為女神,之後被公司熱捧做藝人,拍過「邦民女」廣告同不時出席大大小小活動。可惜,Christy嫌 王宗堯 太黐身,拍拖八個月就狠撇對方。

 

 

 

 

 

《同班同學》蔡潔

而 王宗堯 上任女友蔡潔就係拍電影《同班同學》認識,同前前度Christy分手後,二人迅速撻著。當時佢哋高調拍拖, 王宗堯 曾經在IG發布同身材好好嘅蔡潔,浴室合照,當時佢半裸上身,之後佢直認二人會一齊過夜。不過,愛得火辣半年都唔夠,最後 王宗堯 還是被分手。

 

 

 

 

DadaCarol通殺

38歲 王宗堯 咁多年都專搵細自己十幾年嘅靚女拍拖。佢喺《杜汶澤食住上》做嘉賓時,阿澤大爆佢亦曾經搭上Dada陳靜同「浸大E神」Carol楊梓瑤,兩人當時都係十幾廿歲,而同Christy拍拖時,對方當時亦是22歲,似乎 王宗堯 有種?妹情意結。但王生至今始終未能修成正果,對上兩段感情唔長,又「被分手」,今次祝佢好運啦!

 

 

 

 

 

 

 

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!