延禧攻略

【延禧攻略】兩大侍衛顏值激鬥 小鮮肉定成熟型男?

最新娛聞

廣告

延禧攻略》播得如火如荼,劇中除咗一眾角色勾心鬥角令觀眾們睇得非常投入外,當中的男角吸睛度亦絕對不會比其他角色低!劇中演富察傅恒的許凱雖被封為「最帥侍衛」,但大家絕對唔可以忽略仲有一位極高顏值嘅侍衛——王冠逸所演嘅海蘭察一角!

撰文:東方新地|圖片:Instagram、微博、電視截圖

《延禧攻略》兩大侍衛顏值激鬥

王冠逸擔演侍衛海蘭察

延禧攻略》中,除咗傅恒呢位小鮮肉吸睛外,另一位同樣受網民觀迎嘅就係傅恒嘅好兄弟海蘭察!今年30歲嘅王冠逸(Lawrence)擔演侍衛海蘭察,不時就會出現係傅恒身邊,唔好睇佢著上古裝戲服唔起眼,但喺現實生活中網民都稱他為「真.寶藏男孩」!

唔講大家可能冇留意,原來飾演海蘭察的王冠逸係個新加坡人!王冠逸在新加坡同馬來西亞都有一定嘅知名度,其實之前就曾經出演過《泡沫之夏》、《潛龍狙擊》等等。

王冠逸星馬男神代表

Lawrence既係男演員、歌手、模特兒外,同時仲係一位主持人,真係名副其實多向發展!Lawrence於2009年出演新加坡電影《向日葵的約定》而一舉成名,提得一提嘅係,原來佢一直都係星馬地區嘅男神代表!

Lawrence擁有精緻深邃嘅五官,而且身高亦有178cm,難怪睇到唔少女生心心眼啦!

Lawrence不時就會post相上個人社交網,身高定外貌都有嘅Lawrence著上古代侍衛服,抑或係現代機師制服都型到爆,眼球直視過耐都會隨時俾佢電親,難怪可以迷倒萬千女生!

王冠逸下個目標

喺圈中打滾多年,Lawrence原來就喺今年獲邀出席康城影展,當時佢仲喺個人社交網留言:「為一個來自小鎮的男孩來說,能夠與這麼多大牌演員走在一起,確是不錯的經驗…我下個目標就是帶我的作品到康城!」可見其事業心之重!

今年30歲嘅Lawrence平日亦愛操肌之餘,亦愛騷肌,見到佢結實嘅肌肉同起格嘅朱古力,仲唔係同女粉絲大派福利!

除咗騷肌,現實生活中嘅Lawrence仲係一個愛貓之人,喺佢個人社交網耐唔耐都會見到佢嘅愛貓出現!

王冠逸「被女圍」

憑《延》劇成功上位嘅Lawrence,之前生日除獲一班女拍檔包括「令妃娘娘」吳謹言為佢送花慶生,仲晒出一張「被女圍」嘅相,可見其異性緣絕不下於好兄弟「富察傅恒」許凱!

據消息指,Lawrence被飾演皇后嘅秦嵐所創立嘅經紀公司簽下,今年即將有多部作品上映,未來喺中國嘅發展絕對令人非常期待呀!

tonight showing《疯狂衣橱》.

A post shared by Lawrence Wong 王冠逸 (@ohohlawrence) on

許凱演《延禧攻略》被封「最帥侍衛」

高顏值小鮮肉許凱喺《延禧攻略》中飾演與女主角魏瓔珞(吳謹言 飾)曖昧嘅富察傅恒,因為呢部劇集擄獲唔少各年齡層女性嘅心,仲人氣急升成為一線小生,被封「最帥侍衛」!

其實許凱唔單止有顏值,演技亦都有返咁上下,充份詮釋到傅恆成熟穩重、足智多謀嘅個性,更被《延禧攻略》嘅製作人于正稱讚係「眼技戲骨」!

于正就話佢眼神憂鬱,特別撩人,大家又覺唔覺呢?

劇中嘅傅性大部分時間都Cool到爆,卻有特別嘅魅力!對其他女人都冷若冰霜,唯獨對女主角魏瓔珞會展開笑容,傅恆深情嘅形象令唔少觀眾都好受落啊!

許凱真係可以話係天生為了古裝而生嘅男人!雖然年輕嘅佢今年先23歲,但天生高大有型,加上一雙濃密劍眉、立體深邃嘅五官,令佢就算著起官服、剃咗光頭都份外有英氣!

許凱被網民大讚擁有星眉劍目,絕招係「側臉殺」!

據聞,許凱仲十分敬業,為咗好好詮釋傅恆呢個角色所以決定提前入劇組讀本,就算要剃光頭都毫不在意!

身高181模特兒出身 時裝都咁型

許凱喺2013年參加中國模特兒大賽,18歲仔就身高181公分,勇奪全國平面組軍,理所當然以模特兒身分出道。

平時許凱鍾意行運動潮流風為主,又鍾意健身!

劇內包到實一實,但原來平時許凱除低戲服係爆肌型男!!!

拍攝古裝仙俠劇《招搖》同女演員白鹿戲假情真

2017年,許凱搭檔女演員白鹿主演古裝仙俠劇《招搖》,點知戲假情真,兩人喺現實生活保持情侶關係,一直交往到依家!

被前女友曝黑歷史

人紅是非多,許凱今年二月被前女友、內地網紅「大金」踢爆疑似家暴事件!雖然被指係炒作,但大金都係企硬!

事情愈滾愈大,令許凱嘅經理人公司要出聲明維護返許凱。

但係討論度愈嚟愈高嘅時候,許凱竟然出文承認自己曾經係「壞男生」!

究竟現實中嘅許凱係咪同劇中嘅深情傅恆判若兩人呢?呢啲嘢就好難講啦!小編都係繼續煲劇算啦~

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!