劉恩尚

【延禧攻略】劉恩尚公布婚訊 女友即被網民起底!

最新娛聞

廣告

《延禧攻略》成功掀起唔少人嘅煲劇潮,而劇中唔少演員亦同時成功被受大眾追捧!日前,於劇中飾演乾隆身邊得力「跟班」李公公李玉的劉恩尚就突然於微博宣布婚訊,隨即被網民大起其女友底,原來女友是內地美女演員!

撰文:東方新地|圖片:微博

《延禧攻略》演員紅透兩岸三地

于正製作的《延》雖然沒有強大卡司陣容,但最終以劇情、精美戲服、道具、布景等等成功贏盡高收視的好成績,劇中的演員更因而紅透兩岸三地!

《延禧攻略》於香港已播近尾聲,劇中一眾角色的演員均大受觀眾們熱捧,而飾演皇上身邊太監李玉的劉恩尚亦知名度大增!

劉恩尚於劇中基本上可謂由劇集開頭演到劇終,無他的,皆因他是飾演乾隆身邊的得力「跟班」李公公李玉,其角色更為劇集添了幾分趣味,生色不少。

劉恩尚人緣好

劉恩尚於劇外與一眾演員們亦相當友好,不時打成一遍!據知,其他演員們的訪問中經常會聽到他的名字,指他性格幽默,難怪不難於微博看到他跟演員們的合照!

劉恩尚公布婚訊

日前,劉恩尚無預警地在微博上分享喜訊,晒出一張男女合照,並曖昧地寫道:「這張圖男女關系很明顯,這張圖上,男的叫什麼記不得了,只知道人們叫他孫胖子,那麼這個女人到底是誰呢?真相只有一個!!!」

晒相二人合照當日,劉恩尚更留下一段疑似音樂節奏的英文字,令不少粉絲猜測到是有喜事的節奏!

女友即被網民起底

不料,劉恩尚其後再post「祝福我,我要結婚了!」,更有網友將其女友快速起底,發現其女友原來是美女演員管樂!

其後,管樂亦留言指:「我找到那個珍惜我的人了。」劉恩尚亦回覆:「不變的是必須,因為我們都信任對方。」,隨後管樂還轉發男友的貼文:「來,祝福一下我好嗎?」,相當甜蜜!

可是,劉恩尚事後竟然將該篇「結婚宣言」刪除,亦未再有提及有關消息,結果令網民一頭霧水!縱言如此,劉恩尚與女方婚訊一事就仍是件值得高興的事情,大家還是只好等當事人出面公布吧!

姜梓新被爆同性戀

今年22歲的姜梓新於《延禧攻略》中飾演富察皇后身邊的宮女明玉,因天生一副「初戀臉」,加上近期於大陸綜藝節目中唱《囍帖街》大獲好評,令呢位宮女成功跑出。

同性密友曝光

不過人紅就開始是非多,最近姜梓新就被翻舊帳,爆指佢兩年前與周晨晞錄影內地綜藝真人騷《完美假期2》時,關係曖昧!

睇番姜梓新與節目內其中一個女嘉賓周晨晞於節目中的表現,二人之間的行為的確非常親,經常會有曖昧行為,又攪又錫又互相餵食!

周晨晞係節目度不時主動攬錫姜梓新,兩人嘅互動十足十一對小情侶!

二人經常表現得鬼咁sweet,難怪會被傳同性緋聞!

周晨晞有女版陳冠希之稱!

有份參與第二季《完美假期》的周晨晞咪睇佢外表成個男仔咁,實質其實係一個女仔,而且日常一身中性打扮,加上頗為帥氣嘅外表,因而有上海女版陳冠希之稱!

據知,姜梓新同周晨晞仲非常啱key,皆因二人都好鍾意於通《阿森一族》!而且,多次在社交網站晒公仔照,故被網友推測二人係隔空放閃!

姜梓新經理人拒認

雖然突然被爆出同性戀一事,但雙方仍未就事件公開作出回應!不過,姜梓新經理人日前就接受傳謀訪問,大方表示姜梓新目前冇男朋友,又否認同性戀取向!

網民讚好

另一邊廂,唔少網民就反而對姜梓新嘅同性戀傳聞大方送祝福,以表支持!有網友更指明玉同海蘭察冇有情人終成眷屬,所以希望佢喺現實生活中可以搵到人生伴侶!

王冠逸被爆「情史」

延禧攻略》播得如火如荼,劇中一眾角色勾心鬥角令觀眾們睇得非常投入外,演員亦因劇集而爆紅!近日,飾演御前待衞海蘭察的新加坡演員王冠逸就突然被翻「情史」,爆出他以前曾經與蒼井空好姊妹日本AV女優西野翔床戰!

原來王冠逸於2015年接拍由施南生監製的電影《無限春光27》,由於該電影有大量裸露鏡頭,故被評為三級片。

戲中,王冠逸同西野翔上演激情床戰,王冠逸更全裸爆肌兼露股溝,而西野翔亦都唔俾男方輸蝕,有露點場面!

二人於戲中當然亦有激吻場面,身經百戰的女方就當然面對慣呢啲場面,駕輕就熟!

西野翔對王冠逸有好感?

西野唔知係咪因為拍呢套戲而對對方有好感,西野翔嘅個人社交網有追蹤到王冠逸!相反,男方就冇追蹤西野。

王冠逸擔演侍衛海蘭察

延禧攻略》中,除咗傅恒呢位小鮮肉吸睛外,另一位同樣受網民觀迎嘅就係傅恒嘅好兄弟海蘭察!今年30歲嘅王冠逸(Lawrence)擔演侍衛海蘭察,不時就會出現係傅恒身邊,唔好睇佢著上古裝戲服唔起眼,但喺現實生活中網民都稱他為「真.寶藏男孩」!

唔講大家可能冇留意,原來飾演海蘭察的王冠逸係個新加坡人!19歲去咗日本做咗兩年男團實習生,但發展唔順利,最終佢回國發展!Lawrence在新加坡同馬來西亞都有一定嘅知名度,其實之前就曾經出演過《泡沫之夏》、《潛龍狙擊》等等。

王冠逸星馬男神代表

Lawrence既係男演員、歌手、模特兒外,同時仲係一位主持人,真係名副其實多向發展!Lawrence於2009年出演新加坡電影《向日葵的約定》而一舉成名,提得一提嘅係,原來佢一直都係星馬地區嘅男神代表!

Lawrence擁有精緻深邃嘅五官,而且身高亦有178cm,難怪睇到唔少女生心心眼啦!

Lawrence不時就會post相上個人社交網,身高定外貌都有嘅Lawrence著上古代侍衛服,抑或係現代機師制服都型到爆,眼球直視過耐都會隨時俾佢電親,難怪可以迷倒萬千女生!

王冠逸下個目標

喺圈中打滾多年,Lawrence原來就喺今年獲邀出席康城影展,當時佢仲喺個人社交網留言:「為一個來自小鎮的男孩來說,能夠與這麼多大牌演員走在一起,確是不錯的經驗…我下個目標就是帶我的作品到康城!」可見其事業心之重!

今年30歲嘅Lawrence平日亦愛操肌之餘,亦愛騷肌,見到佢結實嘅肌肉同起格嘅朱古力,仲唔係同女粉絲大派福利!

除咗騷肌,現實生活中嘅Lawrence仲係一個愛貓之人,喺佢個人社交網耐唔耐都會見到佢嘅愛貓出現!

王冠逸「被女圍」

憑《延》劇成功上位嘅Lawrence,之前生日除獲一班女拍檔包括「令妃娘娘」吳謹言為佢送花慶生,仲晒出一張「被女圍」嘅相,可見其異性緣絕不下於好兄弟「富察傅恒」許凱!

據消息指,Lawrence被飾演皇后嘅秦嵐所創立嘅經紀公司簽下,今年即將有多部作品上映,未來喺中國嘅發展絕對令人非常期待呀!

View this post on Instagram

tonight showing《疯狂衣橱》.

A post shared by Lawrence Wong 王冠逸 (@ohohlawrence) on

許凱演《延禧攻略》被封「最帥侍衛」

高顏值小鮮肉許凱喺《延禧攻略》中飾演與女主角魏瓔珞(吳謹言 飾)曖昧嘅富察傅恒,因為呢部劇集擄獲唔少各年齡層女性嘅心,仲人氣急升成為一線小生,被封「最帥侍衛」!

其實許凱唔單止有顏值,演技亦都有返咁上下,充份詮釋到傅恆成熟穩重、足智多謀嘅個性,更被《延禧攻略》嘅製作人于正稱讚係「眼技戲骨」!

于正就話佢眼神憂鬱,特別撩人,大家又覺唔覺呢?

劇中嘅傅性大部分時間都Cool到爆,卻有特別嘅魅力!對其他女人都冷若冰霜,唯獨對女主角魏瓔珞會展開笑容,傅恆深情嘅形象令唔少觀眾都好受落啊!

許凱真係可以話係天生為了古裝而生嘅男人!雖然年輕嘅佢今年先23歲,但天生高大有型,加上一雙濃密劍眉、立體深邃嘅五官,令佢就算著起官服、剃咗光頭都份外有英氣!

許凱被網民大讚擁有星眉劍目,絕招係「側臉殺」!

據聞,許凱仲十分敬業,為咗好好詮釋傅恆呢個角色所以決定提前入劇組讀本,就算要剃光頭都毫不在意!

身高181模特兒出身 時裝都咁型

許凱喺2013年參加中國模特兒大賽,18歲仔就身高181公分,勇奪全國平面組軍,理所當然以模特兒身分出道。

平時許凱鍾意行運動潮流風為主,又鍾意健身!

劇內包到實一實,但原來平時許凱除低戲服係爆肌型男!!!

拍攝古裝仙俠劇《招搖》同女演員白鹿戲假情真

2017年,許凱搭檔女演員白鹿主演古裝仙俠劇《招搖》,點知戲假情真,兩人喺現實生活保持情侶關係,一直交往到依家!

被前女友曝黑歷史

人紅是非多,許凱今年二月被前女友、內地網紅「大金」踢爆疑似家暴事件!雖然被指係炒作,但大金都係企硬!

事情愈滾愈大,令許凱嘅經理人公司要出聲明維護返許凱。

但係討論度愈嚟愈高嘅時候,許凱竟然出文承認自己曾經係「壞男生」!

究竟現實中嘅許凱係咪同劇中嘅深情傅恆判若兩人呢?呢啲嘢就好難講啦!小編都係繼續煲劇算啦~

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
延禧攻略