【延禧攻略】好重口味呀！ 梁家輝、鍾鎮濤 娘娘上身
撰文：東方新地｜圖片：Instagram、微博、電視劇照及截圖
梁家輝鍾鎮濤 Man爆娘娘
影帝梁家輝同B哥哥鍾鎮濤今次會「娘娘上身」，原來全因B嫂范姜愛上煲《延禧攻略》，早前B哥哥就曾為「爭寵」，po出「娘娘」照。
曾經同B哥哥合作過嘅台星楊瑾華笑讚：「老豆~你是聰明的~」而阿Sa (蔡卓妍) 狂笑完後更自po「娘娘」照回應。
阿Sa仲為照片配上霸氣嘅留言，明顯中晒《延禧》毒！
鬚根加蘭花手
而今次B哥哥同好友梁家輝合體扮「娘娘」，濃眉大眼嘅B哥哥臉上被添上胭脂，滿面鬚根嘅梁家輝就又眯眼又做蘭花手，相當配合，獲范姜大讚「美人兒」，仲送上「香吻」一個！
連袁偉豪都留言大叫「Holy ma ma，瀟灑哥！」
楊瑾華就笑喊：「美到…我無法抉擇…」引來范姜霸氣回應：「你必須選！」
而網友就搞笑話：「家貴妃和濤貴妃」、「嬌媚~」、「唔知翻邊一個綠頭牌才好，好難決策！」、「BGG嚴重中了延禧攻略的毒」等等。
唔知B哥哥今次嘅「爭寵」行動又成唔成功呢？
同場加映：原班人馬開新劇！《皓鑭傳》邊個冇得留低？
近日有內地報道指，《延禧》監製于正以原班人馬打造新劇《皓鑭傳》！《皓鑭傳》的故事發生在戰國晚期，秦趙爭鋒的時期，雖然有傳吳謹言因得罪廣電局而遭封殺，唔通真係冇佢份？錯喇！但呢套劇繼續由佢擔任女主角，「乾隆」聶遠、「高貴妃」譚卓、「袁春望」王茂蕾都有份演出！
「魏瓔珞」、「乾隆皇帝」再續前緣
《延禧攻略》在港都未播完，原班人馬又有新劇《皓鑭傳》，「魏瓔珞」吳謹言、「乾隆皇帝」聶遠、「高貴妃」譚卓都有份演出。《皓鑭傳》同《延禧攻略》都係由于正任製作人，劇情描述戰國時期，秦趙爭鋒，趙國御史之女李皓鑭(吳謹言飾)被賣身，由呂不韋(聶遠飾)親手買下並贈送給在趙國當質子的秦國皇子 — 贏異人(茅子俊飾)，劇中三人有糾纏不清的三角關係。估唔到「魏瓔珞」吳謹言、「乾隆皇帝」聶遠會再續前緣⋯
吳謹言 飾演「李皓鑭」
吳謹言今次飾演的李皓鑭，又稱趙姬，是秦始皇的媽媽！
聶遠 飾演「呂不韋」
在《延禧攻略》做「乾隆」嘅聶遠今次唔做皇帝，而係做秦國商人呂不韋。
譚卓 飾演「華陽夫人」
在《延禧攻略》中演「高貴妃」的譚卓，在劇中飾演「華陽夫人」，是秦孝文王的王后，和吳謹言的角色關係是婆媳！
但深受劇迷歡迎的「嫻妃」佘詩曼及「皇后」秦嵐卻無緣出演新劇《皓鑭傳》。
