延禧攻略

【延禧攻略】曾拍荷李活爛片 揚言超越章子怡 《延禧》混血美宮女 靠奸上位

最新娛聞

廣告

《延禧攻略》最近正熱播,不論在內地和香港都成為熱話,原來除咗皇后同一眾妃嬪外,高貴妃身邊以奸彈起嘅美宮女「芝蘭」來頭都唔少,曾經做過荷李活片嘅女主角,不過當時該部電影被評為中國影史「最貴又最難睇」嘅電影,拍畢多年仍未能正式上畫。

撰文:東方新地|圖片:施予斐微博、新傳媒圖片庫、電視劇照及截圖

《延禧攻略》美宮女 18歲出道

《延禧攻略》中高貴妃身邊奸到出汁嘅美宮女「芝蘭」由32歲內地女星施予斐飾演,在哈爾濱出生的施予斐擁有八分一烏克蘭血統,04年18歲初出道時名叫施艷飛,因為同周杰倫合拍手機廣告《動感地帶》而入行,翌年佢孖趙文卓合作內地劇《雪域迷城》做女一。

07年施予斐曾主演法國片《奶昔》,並因此得以出席康城影展,到08年施予斐又主演由地產老闆姜紅宇投資過億美元製作嘅荷里活科幻3D電影《人魚帝國》,飾演女主角人魚公主,配角有楊冪。

電影請來前邦女郎Olga Kurylenko (奧嘉古莉寧高) 演出,仲號稱由《阿凡達》後期特效團隊製作3D效果。

曾揚言超越章子怡

但當時施予斐接受訪問,大口氣表示:「機遇很重要,但更重要的是實力,我的美在荷李活是眾人稱讚的,我的實力也是有目共睹的,我在荷李活的星途絕對比鞏俐、章子怡更加順暢,因為我的起點比她們都要高。」

08年施予斐曾被拍得和中國籃球名將易建聯深宵唱K,佢更回應話:「我夠優秀,毋須借易建聯來炒作自己,明年這時候,《人魚帝國》會在全球熱映,我絕對要比章子怡星光更亮!」

結果這部電影被評為中國影史「最貴又最難睇」嘅電影,劣評如潮,拍畢多年至今仍未能正式上畫。此後施予斐事業開始走下坡,由女一做到女二,一直半紅不黑,直到《延禧攻略》放低身份做陪襯宮女,終於憑奸到出汁嘅演技再度彈起。

施予斐畢業於北京電影學院,參演過不少電影、電視劇作品,包括安七炫、康華等有份演出嘅宮鬥劇《帝錦》、陳喬恩主演嘅電影《既然青春留不住》,張雨綺、權相佑、霍建華參演嘅電影《情敵蜜月》,劉若英處女執導嘅電影《後來的我們》等。

平日施予斐特別喜歡自拍晒長腿!

又晒吓纖腰。

《延禧攻略》9位娘娘古裝時裝照對比圖鑑!一秒變偽韓妹?!

宮廷劇《延禧攻略》喺中港台熱播中,觀眾除咗關心勾心鬥角嘅劇情之外,劇中一眾女角嘅美貌都成為網民熱烈討論嘅話題,呢套「最高顏值的古裝劇」美女如雲,加上華麗細緻、美侖美奐嘅服飾,儼如古代fashion show!返到現代,唔知一班妃子穿著時裝嘅樣會係點嘅呢?

1. 魏瓔珞—吳謹言

芭蕾舞人舞蹈員出身嘅吳謹言,高高瘦痠,有點韓妹影子,穿起偏韓風嘅休閒服真係非常適合。

2. 富察皇后—秦嵐

秦嵐五官精緻,襯起性感、充滿女人味嘅服裝亦沒有違和感,可塑性甚高。

3. 嫻妃—佘詩曼

香港人最熟悉嘅「阿佘」佘詩曼,見佢著得最多嘅就係大台戲服,其實佢都好有時尚觸角,無論causel定隆重都一樣carry到。

小編覺得阿佘著時裝古裝都好靚!

4. 高貴妃—譚卓

戲內高貴妃奸到令人印象深刻,但其實現實中譚卓都望落都幾cool,韓式淑女風嘅打扮啱晒。

換返個妝真係完全唔同哂,差啲認佢唔到啊!

5. 嘉嬪—潘時七

甜美性感嘅潘時七,喺穿搭上不時流露「不經意」嘅小性感。

6. 愉貴人—練練

練練嘅時裝look,走知性路線,高貴典雅。

7. 爾晴—蘇青

穿起時裝嘅蘇青,有時文青、有時型格,都幾分裂喎!

8. 純妃—王媛可

咁多位妃子之中,王媛可嘅時裝look可謂最causel、最隨性。

9. 舒妃—李春嫒

春嫒嘅時裝打扮,無論係休閒服或晚裝,都充滿韓味。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
延禧攻略