張敬軒演唱會

張敬軒演唱會|嘉賓林明禎送大馬名產榴槤 軒公收粉絲紙紮鐘:百無禁忌﹗

最新娛聞

廣告

張敬軒演唱會年初因疫情暫停,昨晚(10日)張敬軒為《張敬軒THE NEXT 20演唱會》餘下場數再上紅館舞台﹗演唱會請來大馬女神林明禎及陳柏宇任表演嘉賓,林明禎狂冧軒仔,搞到軒仔無力招架,又送上大馬名產榴槤,再次令見慣大場面的軒仔無法接招﹗

張敬軒演唱會|每一場當尾場做

張敬軒開場唱完兩首歌就話:「多謝大家返嚟第十一場《張敬軒THE NEXT 20 演唱會》,真係百感交集,呢四個月發生好多事,我哋身邊,我哋香港都係﹗大家可以再坐返喺度,我要懷住好感恩嘅心好努力唱好每一首歌,每一場都當尾場咁做,我唔係講笑,話你聽,今晚有兩個嘉賓﹗」

張敬軒演唱會 張敬軒演唱會重新啟動﹗
張敬軒演唱會重新啟動﹗(圖片來源:相關機構)

張敬軒孖陳柏宇合唱《斷點》

第一個嘉賓是陳柏宇,張敬軒指對方要求唱《斷點》,而呢首歌是軒仔入行第二首派台歌曲﹗張敬軒細數和陳柏宇的緣分,過去有不少合作機會,一起走埠拍廣告,張敬軒大讚對方:「同佢做朋友好舒服,佢有嗰句講嗰句﹗份人好真﹗」而陳柏宇就話:「我同佢唔同嘅地方就係,我太直率,可能冇諗太多,但軒仔會好顧及別人感受,就算佢唔同意你嘅論點,都會好尊重你,呢點好重要﹗」全場拍爛手掌﹗

張敬軒演唱會 張敬軒以「香港不能或缺男歌手」介紹陳柏宇出場,大談二人好有緣分﹗
張敬軒以「香港不能或缺男歌手」介紹陳柏宇出場,大談二人好有緣分﹗(圖片來源:相關機構)

林明禎電暈張敬軒

之後請來當晚第二位嘉賓是林明禎,對住大馬女神嬌嗲溫柔,張敬軒多次招架不住﹗軒仔介紹林明禎出場:「佢係一位十分十分之善解人意,善良有智慧又聰明嘅女仔﹗」軒仔讚對方雙眼成日水汪汪好迷人,林明禎接話:「只會看到你才會這樣,今晚我係最幸福嘅女子﹗」張敬軒冧笑:「我真係接唔到落去喇﹗」

張敬軒演唱會 林明禎任演唱會嘉賓,夠晒驚喜﹗
林明禎任演唱會嘉賓,夠晒驚喜﹗(圖片來源:相關機構)
張敬軒演唱會 張敬軒繼上次網上節目《軒公敲碗》邀請林明禎後,今次是二人第二次合作﹗
張敬軒繼上次網上節目《軒公敲碗》邀請林明禎後,今次是二人第二次合作﹗(圖片來源:相關機構)

林明禎話要送禮,笑指張敬軒經常食白麵包唔夠營養,特別送上大馬名產榴槤,令軒仔又驚又喜,林明禎仲話叫軒仔當早餐咁食,軒仔話我冇工具劈開喎,林明禎即做出打電話手勢示意軒仔可隨時找她幫忙:「我可以幫你開﹗」全場大笑﹗其後二人合唱《只是太愛你》,林明禎展歌喉,全場大讚,最後,林明禎再次提出想做張敬軒的MV女主角,臨落台冧爆為軒仔打氣:「加油,我會想你﹗」再次冧到張敬軒暈大浪﹗

張敬軒演唱會 林明禎送上榴槤,𠱁得張敬軒又驚又喜﹗
林明禎送上榴槤,𠱁得張敬軒又驚又喜﹗(圖片來源:相關機構)

粉絲送紙紮鐘 張敬軒:回返個禮畀你,就係家屬票﹗

張敬軒發現觀眾席,有歌迷高舉一個閃令令牌,近看原來是紙紮,軒仔指住歌迷話:「又係你呀﹗呢位朋友每次都整啲好配合紅磡主題嘅燈牌畀我﹗我想問中間識閃嗰嚿黃色係咩嚟?鐘?你送個鐘畀我?紙紮鐘?你真係好嘢﹗重要啱啱好12個字係我扮MIRROR嘅樣,就憑你呢份創意,我真係要回返個禮畀你,就係我家屬票,送兩張尾場山頂位畀你﹗工作人員唔該幫我mark一mark呢位老兄,佢個牌,幫我化咗佢得㗎啦,真係大吉利是,呢啲紙紮禮物一年收一次夠喇,百無禁忌﹗」令台下觀眾又笑大叫﹗

張敬軒演唱會 張敬軒在觀眾席中搵到紙紮鐘﹗
張敬軒在觀眾席中搵到紙紮鐘﹗(圖片來源:相關機構)
張敬軒演唱會 張敬軒發現紙紮鐘上有12個他扮MIRROR的樣,大讚有心機,請工作人員幫忙「化」咗佢﹗全場大笑﹗
張敬軒發現紙紮鐘上有12個他扮MIRROR的樣,大讚有心機,請工作人員幫忙「化」咗佢﹗全場大笑﹗(圖片來源:相關機構)
張敬軒演唱會 張敬軒大讚粉絲有創意,更約定對方完騷玻璃門等,但就提醒對方不要去錯門:「其他附近地方啲門你唔好隨意入!真係大吉利是﹗
張敬軒大讚粉絲有創意,更約定對方完騷玻璃門等,但就提醒對方不要去錯門:「其他附近地方啲門你唔好隨意入!真係大吉利是﹗(圖片來源:相關機構)
張敬軒演唱會 英皇集團副主席楊政龍中)、英皇娛樂集團行政總裁許佩斯左)及英皇演唱會部Alex Fung現身張敬軒演唱會﹗
英皇集團副主席楊政龍(中)、英皇娛樂集團行政總裁許佩斯(左)及英皇演唱會部Alex Fung現身張敬軒演唱會﹗
(圖片來源:相關機構)
張敬軒演唱會 英皇藝人吳浩康、泳兒、艾妮、楊天宇等前來捧場﹗
英皇藝人吳浩康、泳兒、艾妮、楊天宇等前來捧場﹗(圖片來源:相關機構)

張敬軒演唱會2022有什麼嘉賓?

張敬軒演唱會昨晚終於開始為餘下場數再上舞台,第一晚就請來大馬女神林明禎⋯⋯詳情請看

張敬軒演唱會2022餘下有幾多場?

張敬軒演唱會昨晚開始為餘下場數再上舞台⋯⋯詳情請看

撰文:東方新地圖片來源:相關機構資料或影片來源:YouTube@ The Show Must Go On