張敬軒

張敬軒李司棋拍檔齊代言 軒仔想搵司棋姐做MV女主角

最新娛聞

廣告

張敬軒、李司棋,看似「大纜都扯唔埋」,實情二人不時會在對方的社交帳號上留言互動,有保健產品安排二人為品牌代言,令兩位「網友」終於可以見面!

張敬軒司棋姐首次合作非常合拍

首次真人互動,當日兩人一見面便「雞啄唔斷」,埋位拍攝時更表現出默契,令拍攝進度相當順利,但司棋姐說自己只是扮鎮定:「我好緊張囉,前一晚瞓唔著,幾廿歲人都未試過,因為從來冇見過軒仔真人,我好鍾意佢對眼,一望到佢對眼就唔記得對白,我鍾意咗佢好耐,佢個樣好似我細個睇公仔書裡面嘅白馬王子。」

張敬軒 李司棋
(圖片來源:有關機構)
張敬軒 李司棋
(圖片來源:有關機構)

司棋姐大送軒仔高帽:佢個樣好似白馬王子

被司棋姐送上大高帽,軒公亦禮上往來說:「我今日都好開心,終於網友見面,其實我哋喺網上識咗一段長時間,好鍾意睇佢啲帖文,睇佢食嘢特別好味,好欣賞佢著衫嘅穿搭,對生活嘅品味,今日司棋姐仲親手整咗茶燻雞請我食。」

司棋姐心痛軒仔早餐 親自下廚

問司棋姐是否見到軒公早餐「無啖好食」,所以親自下廚,她解說:「我見到軒仔朝早要食嗰種早餐,我都試過,有衝動想過去佢度幫手煮幾日早餐,尤其見到軒仔父母唔喺身邊,冇人照顧,加上工作又忙,睇到我好心赤。」

張敬軒 李司棋
(圖片來源:有關機構)

張敬軒希望請到司棋姐做MV女主角

得到司棋姐愛錫,過往經常會同圈中前輩合作的軒公,坦言想邀請司棋姐做 MV女主角:「我成日諗,好想有個 music video,可以搵司棋姐出演女主角,安排一個劇力萬 鈞嘅角色俾佢,但今日見到真人,發覺佢生活同銀幕上係兩個人,反而應該要搵佢做一啲 好瘋狂、好多面嘅角色。」

在旁的司棋姐受寵若驚說:「你叫到我一定幫手,其實今日真係有種好不可思議嘅 感覺,因為我應該係同劉丹一齊拍戲,但我居然可以同軒仔拍廣告,難怪我會失眠,所以 真係要多謝廣告客戶呢個安排。」

張敬軒 李司棋
(圖片來源:有關機構)
張敬軒 李司棋
(圖片來源:有關機構)

司棋姐為軒仔親自下廚?

司棋姐心痛軒仔早餐無淡好食,於是帶了⋯⋯詳情請看

司棋姐接受軒仔的邀請嗎?

軒仔坦言想邀請司棋姐做 MV女主角,在旁的司棋姐受寵若驚⋯⋯詳情請看

圖片來源:有關機構