張文慈

張文慈直播霸氣回應50歲年紀大、未結婚 一個原因激讚內地生活好方便

最新娛聞

廣告

現年50歲的張文慈近年專注在內地發展其直播帶貨事業,日前她接受內地傳媒訪問,講到經常被問及年齡和感情等問題,她霸氣回應話:「我50歲又點?我未結婚又點?」又揚言:「我唔會為結婚而結婚!」

張文慈 曾大呻做直播好辛苦

張文慈去年4月因為得到上海公司賞識及誠意打動,不惜放棄香港事業及離開家人、朋友,移居上海轉行直播帶貨,但本來雄心壯志的張文慈,指做落才知比想像中艱難,大呻:「下世不再做直播帶貨!」今年初她更與內地公司解約,並由上海南下到廣州定居,原來已轉投海西傳媒文化暨香港手工藝華南區總部,而老闆之一是曾合作《老表,畢業喇﹗》兼教友王祖藍。

張文慈 張文慈與上海公司合作帶貨八個多月,由於事前如入貨以致售後服務都要兼顧,賺錢又非外界想像多,而且直播收看人數只有數百人,故在今年初同公司解約。
張文慈與上海公司合作帶貨八個多月,由於事前如入貨以致售後服務都要兼顧,賺錢又非外界想像多,而且直播收看人數只有數百人,故在今年初同公司解約。(圖片來源:Weibo@張文慈)
張文慈 張文慈轉投王祖藍內地公司,同公司還有已離巢無綫的麥長青右一)﹗
張文慈轉投王祖藍內地公司,同公司還有已離巢無綫的麥長青(右一)﹗(圖片來源:Weibo@張文慈)

張文慈:「呢個年紀好感恩仲有嘢做」

近日張文慈接受內地傳媒訪問,大講自己由演員轉行做主播的心路歷程,她說:「我做咗二十幾年演員,由一個演員嘅生涯,變到一個主播嘅生涯,係一個生活上嘅改變,因為始終我唔係呢個(直播)行業嘅人,我覺得我係有好多嘢需要去學,邊一個人都遇過挫折,我呢個年紀都仲有嘢做,呢個係我感恩嘅一面。」她又指自己在內地是一個新人,一切都要重新再學起:「唔得唔緊要,哪怕一萬人、一百人都好,總之我今日仲有一個平台喺度,有個機會畀我生存,我覺得已經好感恩。」

張文慈 張文慈直言在直播行業上仲係新人,有好多嘢需要學習。
張文慈直言在直播行業上仲係新人,有好多嘢需要學習。(圖片來源:Weibo影片截圖)
張文慈 網友都讚張文慈做直播時好敬業。
網友都讚張文慈做直播時好敬業。(圖片來源:Weibo影片截圖)

亞視執笠前學會放低身段

張文慈表示自己入行以來最迷惘的時候,是在亞視執笠之前,她直言:「嗰時喺亞視開始冇嘢拍,年紀開始唔細,三十幾歲人,又未結婚,好似去到冇路行嘅感覺,加上要養屋企嘅壓力,要一個人養三個家,好似人生已經去到絕望嘅時候,開始放低咗自己嘅身段,唔覺得自己係一個明星,開始覺得自己可以高亦可以低嘅時候。」張文慈直言到現在仍想演戲,更講到眼濕濕:「我係真心想演戲,因為我係一個演員,我相信我依家經歷咗咁多之後,如果我將呢啲人生經歷放喺演戲度,我啲戲更加會有戲味,其實演戲即係人生,人生即係演戲,演戲演得好睇,係因為佢嘅人生經歷咗好多,所以我好希望可以再有機會演啲好嘅戲畀人睇!」

張文慈 張文慈喺亞視最後一部作品係2008年嘅《法網群英》。
張文慈喺亞視最後一部作品係2008年嘅《法網群英》。(圖片來源:Weibo影片截圖)
張文慈 講到希望再有機會演戲,張文慈講到眼濕濕,她自嘲好眼淺。
講到希望再有機會演戲,張文慈講到眼濕濕,她自嘲好眼淺。(圖片來源:Weibo影片截圖)

張文慈自言食住港劇水尾

張文慈指現在的港劇冇咁多人睇,令她有少少感慨:「因為我都算係食住港劇嘅水尾,人生裡面起碼都有幾個代表作,雖然唔係主角,但係我每一個角色,我覺得係深入民心嘅,同埋係我好鍾意嘅,譬如好似《我和殭屍有個約會》嘅未來,同埋好多男人都好記得我係《縱橫四海》好壞嘅BiBi,又或者係《情陷夜中環》,都係一部我好鍾意嘅電視劇,我覺得我人生出現過呢幾個角色,已經好感恩。有啲演員,可能一生都未必遇到一啲好嘅角色!」

亞視經典劇《 我和殭屍有個約會 》至今仍是不少人的集體回憶,張文慈在其中飾演「 山本未來 」,和劇中另外兩位女拍檔萬綺雯、陳煒都是粉絲心目中的不老女神。
亞視經典劇《 我和殭屍有個約會 》至今仍是不少人的集體回憶,張文慈在其中飾演「山本未來」,和劇中另外兩位女拍檔萬綺雯、陳煒都是粉絲心目中的不老女神。(圖片來源:新傳媒照片庫)

張文慈讚內地用電子支付好先進

講到經常被問及年齡和感情等問題,張文慈就霸氣回應:「我50歲又點?我未結婚又點?有時我覺得每一個人嘅價值觀唔同,如果你叫我夾硬求其搵一個人結婚,講真,我要結婚幾咁容易,但係我唔會為結婚而結婚!」她又指現在已愈來愈習慣在內地的生活,原因係覺得用智能式電子支付好方便:「內地依家好多嘢都好進步、好先進,唔使帶銀包,一個手機就搞掂,我返到嚟香港幾唔慣,仲要攞個銀包出嚟數錢。」最後她總結:「我好proud of我嘅祖國係中國,我哋香港人其實幾幸福,我覺得要感恩。」

張文慈 網友都大讚張文慈都現在還是非常美麗優雅,又指她看起來一點都不似50歲,最多只像30幾。
網友都大讚張文慈到現在還是非常美麗優雅,又指她看起來一點都不似50歲,最多只像30幾。(圖片來源:Weibo影片截圖)

張文慈做到亞視摺埋 2016年過檔無綫

多年來有唔少前ATV藝人過檔無綫,包括陳展鵬、萬綺雯、陳煒等,張文慈可以算係最後一個,自ATV執笠後,她在2016年過檔TVB,演出《老表,畢業啦!》中一個女教師角色,獲觀眾大讚勁索。前年《木棘証人》中,她飾演羅仲謙家姐,以斯文「眼鏡娘」Look做一名學校訓導Miss,亦獲網友大讚魅力不減當年!

劇中張文慈(Pinky)飾演羅仲謙家姐,是一名學校訓導Miss,會以「眼鏡look」出場。
前年《木棘証人》是張文慈北上發展前最後拍的一部無綫劇,劇中她飾演一名學校訓導Miss,以「眼鏡look」出場,和扮演証人的韋家雄變身為一對「四眼」情侶。(圖片來源:新傳媒照片庫)
50歲張文慈保養得宜﹗
50歲張文慈保養得宜﹗(圖片來源:Weibo@張文慈)

張文慈單親家庭成長 童年受欺凌

雖然張文慈打扮性感艷麗,但原來在兒時曾經有過不愉快的經歷。她早年接受傳媒訪問時透露,她在單親家庭成長,4歲時父母離異後她和姊姊、兩個弟弟跟著爸爸生活,由嫲嫲湊大!及至7、8歲時她很害怕上小學,因為被屋邨入面幾個大佢2、3歲嘅童黨欺凌:「佢哋打到我流血,直至讀完小學先冇再被人打。」可惜家人以為她結交壞朋友聯群結黨,不相信她受欺凌。她又提到17歲時曾遭信任嘅男性朋友落藥以致失身,種種不快經歷令她多年以來一直不信任別人,自我形象價值低落,直言學泰拳也是想為了保護自己!幸而近年有信仰支持後,才能解開心結!

張文慈 信主後張文慈經常落區同教友一齊傳福音。
信主後張文慈經常落區同教友一齊傳福音。(圖片來源:新傳媒照片庫)

不過,2016年內地有不實報道,又指張文慈同謝賢合作拍《情陷夜中環》期間,四哥教Pinky錫佢個胸,Pinky睇到報道好嬲,特登喺微博出post澄清,指報道完全歪曲事實。Pinky更發表自白,稱細個時候曾經歷喺屋邨被街童虐打、被同事落藥而失身等不愉快經歷,都係佢人生經歷嘅一部分,但如今已學識勇敢去面對,信主多年嘅佢仲引用聖經金句「忘記背後,努力面前,向著標竿直跑!」她也希望傳媒別要歪曲事實。

張文慈 張文慈特登喺微博出post澄清所謂「被婆婆性侵」事件。
張文慈特登喺微博出post澄清所謂「被婆婆性侵」事件。(圖片來源:新傳媒照片庫)
張文慈是1996年亞洲小姐競選的最完美體態大獎得主,身材Fit到漏。
張文慈曾是1996年亞洲小姐競選的最完美體態大獎得主,身材Fit到漏。(圖片來源:新傳媒照片庫)
2008年亞姐選舉時張文慈著上性感金色舞衣上台大跳勁舞,但不慎被拍檔舞蹈員推出腰間腩肉。
2008年亞姐選舉時張文慈著上性感金色舞衣上台大跳勁舞,但不慎被拍檔舞蹈員推出腰間腩肉。(圖片來源:新傳媒照片庫)
自言已單身10年的張文慈直言渴望拍拖,但因為藝人身份而令不少男士卻步,她說:「有啲男仔會因為我做呢行,而覺得我好難追,或者覺得同我一齊,就會比狗仔隊影,覺得會有壓力,仲有好多男仔睇完我做戲嘅角色,就判斷我係咩人。」
張文慈曾自言已單身十多年,她直言渴望拍拖,但因為藝人身份而令不少男士卻步,她說:「有啲男仔會因為我做呢行,而覺得我好難追,或者覺得同我一齊,就會比狗仔隊影,覺得會有壓力,仲有好多男仔睇完我做戲嘅角色,就判斷我係咩人。」(圖片來源:新傳媒照片庫)
張文慈 50歲張文慈曾經係「晶女郎」、拍過不少性感作品,不過她自2010年信主後就封胸,鮮有性感現身!
50歲張文慈曾經係「晶女郎」、拍過不少性感作品,不過她自2010年信主後就封胸,鮮有性感現身!(圖片來源:Weibo@張文慈)
張文慈 張文慈曾罕有派福利,在微博放了幾張三點式噴血相,當中有半身同全身shot,仲有張瞓低晒長腿㖭!
張文慈曾罕有派福利,在微博放了幾張三點式噴血相,當中有半身同全身shot,仲有張瞓低晒長腿㖭!(圖片來源:Weibo@張文慈)
張文慈 力證自己身材仍然Fit到漏!
力證自己身材仍然Fit到漏!(圖片來源:Weibo@張文慈)

張文慈現時單身嗎?

日前張文慈接受內地傳媒訪問,大講自己目前對年紀大和婚姻的看法⋯⋯詳情請看

亞視執笠對張文慈曾有影響嗎?

張文慈表示自己入行以來最迷惘的時候,是在亞視執笠之前⋯⋯詳情請看

撰文:東方新地圖片來源:Weibo@張文慈、新傳媒照片庫