張衞健

重溫53歲張衞健80及90年代相 依然係個大帥哥!

最新娛聞

廣告

相隔22年再為無綫拍劇嘅張衞健(Dicky),喺新劇《大帥哥》中金句不絕,招牌急口令式對白勾起大家的集 體回憶,趁勢搜羅Dicky八、九十年代圖片,睇完啲相會發現今年53歲嘅佢好似冇乜老過,依然係咁帥!

重溫53歲張衞健80及90年代相

|84年 跳紮騷台風

張衞健喺新秀決賽又唱又跳,打側手翻兼蜈蚣彈,台風 搶盡風頭,奪冠後即接受官方刊物訪問時,踢腿揈手大騷動感十足嘅冠軍級台風。

張衞健

|84年 奪新秀冠軍

84年19歲酒廊歌手張衞健以張國榮名曲〈戀愛交叉〉,奪《第3屆新秀歌唱大賽》金獎同「最突出台風獎」,賽後同有份出席嘅嘉賓張國榮合照留念。

張衞健

|86年 激似林亞珍

張衞健失意歌壇轉視壇,86年參演TVB卡士大堆頭劇集《黃金十年》,劇中冬菇頭長袖恤衫喇叭褲,造型超級可愛,激似七十年代蕭芳芳經典角色林亞珍。

張衞健

|88年 小鮮肉皇帝

23歲嘅張衞健喺88年古裝劇《嬴單傳奇》演中原君主,郭晉安演嘅嬴單,有呢個賞識佢嘅靚仔小鮮肉皇帝,真係萬事無閉翳!

張衞健

|88年 善良癮君子

88年張衞健喺民初劇《名門》演軍閥個仔,體弱多病、懦弱善良,仲係個食鴉片癮君子,當年身材瘦小嘅Dicky演得入型入格, 拍攝期間同演佢嘅哎吔大佬張兆輝合照。

張衞健

|91年 口頭禪成名

91年張衞健事業突破,喺劇集《老友鬼鬼》演橫死爛賭交通輔警,劇中創作嘅「我哋係醒字派嚟㗎嘛 ! 」、「咪當我Robert」等成當時潮語,係Dicky嘅代表作之一。

張衞健

|93年 鬼馬牙擦蘇

張衞健92年喺 TVB 劇集《我愛牙擦蘇》演過牙擦張衞健93年喺李連杰電影《 黃飛鴻之鐵雞鬥蜈蚣 》再演成個 同一角色,片中插科打諢無厘頭,盡顯鬼馬本色,哨牙造型亦相當滑稽!

張衞健

|93年 睡佛影月曆

93年尾張衞健替某偶像雜誌影94年月曆,著上七彩繽紛動物睡衣同睡帽瞓喺張加菲貓床單,再擺個睡佛式姿勢,非常配合佢鬼馬跳脫本色。

張衞健

|94年 精靈拍廣告

張衞健 年 歲為某知名相機拍廣告,相中光如炬含笑揸相機,個樣精靈到跌晒渣,成個standard 精明消費者。

張衞健

|96年 孫悟空爆紅

96年嘅《西遊記》,劇中以調皮方式演繹齊天大聖孫悟空,演得活靈活現,經典對白「 Yo!使乜驚!」、「 我係花果山水簾洞美猴王齊天大聖孫悟空!」等成當年香港人口頭禪。

張衞健

|99年 孖恬妞搞鬼

99年亞視外購台劇《少年英雄方世玉》,張衞健演少年方世玉,生鬼又好打,同只係細自己七年、演佢媽咪苗翠花嘅恬妞,一唱一和成對鬼馬活寶貝,擦出無限火花。

張衞健

大爆回巢拍劇3大原因

當年張衛健一氣之下剃光頭北上發展,是因為有人睇死,說過一句話:「 唔好以為你做咗孫悟空就好巴閉,你張衛健塊面唔黐毛,根本就唔值錢!」,至今他雖依然以光頭造型示人。 張衞健

張衛健指這位仇家絕非電視台中人,說:「嗰個當年話過我嘅人,咁多年我連佢電話都冇,佢仲喺呢行,亦都唔算好風光。」,更強調自己並非記仇。

張衞健

提到回巢原因,他坦言:「最大原因,係有一啲人、有一啲恩,我想還。珍姐曾勵珍,我細個時,佢曾經幫過我。」,恩人要點名報恩,而報恩更是其中回巢最大的主因。

張衞健

除了報恩,還有另外一個原因,他續說:「我好記得嗰一年,人人以為我會拍續集做孫悟空,我唔止冇,仲走咗去,喺我心目中,一直都覺得係不辭而別,一直爭咗香港觀眾一部劇!」,香港地是個幫他揚名立萬的踏腳石,心中一直記著的事從未敢忘!

張衞健

「簽得畀人,就要幫人搵錢,嗰22年有20年啲時間唔係我嘅。直到幾年前,我再冇簽畀任何人,一年365日,終於可以自己決定工作內容。」,揭開當年他是身不由己的因由。

張衞健

張衛健22年前終止合作是為了錢,22年後恢復合作關係,則肯定絕對,不可能是睇錢份上,「老實講,拍成半年喎,仲有為咗咁推咗啲工作 呢?如果係為錢,唔使講啦 …….」。

張衞健 22年後重回無綫拍劇,張衛健去年回港出 席記招時解釋過,除了為報恩,亦一直覺得欠了香港觀眾一套劇。
22年後重回無綫拍劇,張衛健去年回港出 席記招時解釋過,除了為報恩,亦一直覺得欠了香港觀眾一套劇。

「我正式嚟講未開工、仲讀緊劇本時已經開始唔捨得佢,講緊我番到香港用廣東話拍劇喎!呢個機會幾時仲有?可能永遠都唔會再有!」,希望《大帥哥》並不是張衛健最後一部播出的港劇!

張衞健

成功在於自己努力不懈

84年贏完新秀冠軍入行,出碟不成,倒是加入戲劇組捱足六年後被力捧,張衛健演的孫悟空、韋小寶,是一代人的集體回憶。
張衞健

「 對於依家嘅成就,我為自己而驕傲。我會覺得攞季 選,有更多歌手比我值得個獎,但係演戲有今時今日嘅地 位同影響力,因為我值、因為我嘔心瀝血。」,對於自己於戲劇方面的成就直言不諱。

張衞健

「就算係做緊大配角嘅年代,三五場戲先至得到一句對白,簡單十幾個字,我會諗廿幾種版本出嚟。用唔同態度演繹同一番說話,或者運用唔同用詞去表達同一個意思,再加埋身體語言、眼神、節奏,就係 一句咁簡單對白,都有好多學問,呢個就係表演。」,明顯成功注定要付出努力。

張衞健

張衛健續說:「我無論 一句對白定一段對白、一集戲定係做主角,幾十年都係呢 個態度,從來冇變過,所以我話我值!」,自信滿滿的道出所有。

張衞健

張衛健更坦言:「我覺得才華同財富相等,我係老闆,見到一個人有才,就會知道你嘅才華會幫我帶來財富,你做多咗,點會有人睇唔到?」,相信大家要為自己工作繼續努力打拼。

張衞健

張衛健於訪問中說到如果有如果,歷史該從他十三歲起改寫,爸爸沒有離家、自己不用擔起頭家:「我可以肯定,當時屋企環境仲要唔錯,我九成九去咗英國讀法律,我志願係做律師,點會走去電視台參加歌唱比賽呢?如果我去咗讀書,一 切嚟得太易,我九成九唔會太畀心機、 得過且過。就算畀我做到律師,呢樣嘢我可以肯定,百分百唔會比我做演員更成功!」,語氣堅定!

張衞健

從人生經歷得到更多

張衛健回想過去同時說:「TVB份人工三千五蚊,我好記得成家人住間屋月租又係三千五,仲有食、水電煤、兩個細佬供書教學、返工搭車,個個月都搵朝唔得晏,個個月都要周圍搵電話𢱑撈拆掂佢!」,為養家及自己從未放棄。
張衞健

「八百蚊一 場,一場兩場都係咁接,捱到今個月就又係一條好漢,又係好開心唔會覺得閉翳,依家有份工係我鍾意,可以用興趣搵錢,好過好多人啦係唔係呀?」,說得有理,要做自己喜歡又可搵錢的工作確實非人人如願。

張衞健

行船的父親本來就常年在外,張衛健13歲那年更拋妻棄子自此不相往來,所以17歲就放棄學業成為家中經濟支柱。弟弟張衛彝今年初在寓所滑倒失救去世,曾經感情要好相依為命。

張衞健

面對妻子流產

十年前妻子懷胎八個月流產,他說看著張茜又喊又笑,「 佢性格開朗過我,仲識開心過我,就算係 嗰段日子,佢睇卡通片都係識笑 . . . . . . 睇完,咪就係又流眼淚。我喺側邊睇住最恐怖係唔知點算好,係再摷部卡通出嚟引佢笑番呢?定係由得佢喊晒出嚟好呢?」,苦不堪言。

張衞健

張衞健 早於04年註冊, 張衛健卻選擇在太太小產後翌年、09年才舉行盛大婚禮,婚後太太長居北京,自己大 多數時候留在香港,身處異地全講個信字。多年來恩愛如昔,不時拍拖外遊。
早於04年註冊, 張衛健卻選擇在太太小產後翌年、09年才舉行盛大婚禮,婚後太太長居北京,自己大 多數時候留在香港,身處異地全講個信字。多年來恩愛如昔,不時拍拖外遊。

面對一個個打擊,張衛健直言:「總要提醒自己進入半杯水模式,唔好總係睇我失去啲咩,而係還幸好我仲擁有啲乜嘢。我永遠都會咁諗,好彩我仲有呢半杯水咋,你話阿Q精神又好、自我麻痺都好,所以我會話我大部分時間係過得快樂!」,人一生的確要懂得如何於困苦中面對一個個低潮,你又有無自己一套獨有方法呢?

張衞健

經典作品逐套睇!

西遊記(1996)

1996年11月,張衛健演出劇集《西遊記》於無綫播出,他飾演主角「孫悟空」入型入格,有着生鬼的演繹,加上金句如「我係花果山水濂洞美猴王齊天大聖孫悟空。」﹑「Yo!打妖精!使乜驚啊!」等都琅琅上口,絕對是大眾回憶。呢套劇絕對係張衛健事業上的高峰,被無綫重播五次之多!

張衞健

《西遊記》大紅大紫,令無綫想開拍《西遊記》續集,但張衛健因片酬問題,與無綫出現分歧,更被香港製作人睇死:「不要以為你演了猴子就了不起,無毛你是不值錢的」。張衛健當時決定離巢,轉投台灣製作人門下,與孫悟空一角無緣。後來在《西遊記》續集中,孫悟空一角改為陳浩民演出,但受到大眾的爭議,可見張衛健飾演的孫悟空絕對係經典,無人可取代。

張衞健

少年英雄方世玉(1999)

1999年,張衛健在內地劇《少年英雄方世玉》表現出色,成功翻身,好評甚多。劇中,飾演方世玉的張衛健和飾演辣媽苗翠花的恬妞,默契十足,搞笑母子的組合得到不少觀衆的青睞,令觀衆笑聲連連。當年張衛健唇紅齒白,「小鮮肉」形象深入民心。

張衞健 snyx

此劇更在亞視播出後,收視率甚至勝過大熱的《還珠格格》,破了16%左右的收視結果。

張衞健 syum

小寶與康熙(2001)

內地劇《小寶與康熙》於2001年開播。《小寶與康熙》由《鹿鼎記》改編,張衛健以一貫多口頭禪的作風來飾演韋小寶,令觀眾十分受落。他在劇中吟詩作舉,例牌講出 「涼風有信 ,秋月無邊, 虧我思嬌嘅情緒好比度日如年。 雖則我唔係玉樹臨風 , 瀟灑倜儻 , 但我有廣闊嘅胸襟 加強勁嘅臂彎」撩女仔。張衛健精湛的演技演活韋小寶,怪不得劇入面咁多美女陪伴,劇外又咁有觀眾緣啦!

張衞健 12222

功夫足球(2004)

《功夫足球》在2004年開播。《功夫足球》一劇,是由寰宇的M8投資三千萬開拍 ,張衛健飾演熱愛足球及功夫的唐小順,與吳君如飾演的武功高強姐姐相依為命。及後唐小順攜好友憑毅力獲勝,搞笑無厘頭之餘,不失勵志故事的風采。《功夫足球》由容祖兒、黃秋生、TWINS等主演,粒粒巨星,令《功夫足球》得到不少關注。

張衞健

少年張三豐(2001)

2001年的《少年張三豐》亦大受歡迎,其出色表現更被同劇演員李冰冰稱讚,評價為「文武雙全的好演員」!睇嚟大家都認同佢係一個實力派演員!《少年張三豐》令飾演張三豐的張衛健躍升為內地一線小生,每集片酬高達10萬元人民幣!在《少年張三豐》一劇播出後, 張衛健的薪酬極高,成爲電視劇一哥,在内地知名度亦響噹噹,幾年前片酬原來已經高達每集60萬!

張衞健

張衛健歷年劇集口頭禪

西遊記

由張衛健所飾演的孫悟空,可謂最為人熟悉,皆因他完全演活了猴子孫悟空的生動和幽默,以使在首播當日已創下44點收視紀錄,從而被譽爲改編作品中的經典;劇集期間,更有不少令人瑯瑯上口的口頭禪,如:
「Yo!xxx,使乜驚呀!」
「我係花果山水簾洞美猴王齊天大聖孫悟空!」
張衞健 張衛健

齊天大聖孫悟空

以《西遊記》作為藍本而改編的《齊天大聖孫悟空》亦是張衛健另一個的代表作,該套劇集邀請到謝霆鋒、Twins、梁漢文、葛文輝等等不少知名的演員藝人出演,與此同時,該劇不但有
「噼啪你個隆的咚啊!」
「型到跌渣!」
「我係如來佛祖玉皇大帝觀音菩薩指定取西經特派使者花果山水濂洞美猴王齊天大聖孫悟空。」
等等深入民心的口頭禪。
張衞健 張衛健

此外,該套劇的孫悟空十分好唱口,如
「靚仔靚仔我愛你呢,啊啊啊。靚仔靚仔我愛你呢,啊啊啊。靚仔我愛你,愛你愛你愛你我愛你靚。」
「大笨象會跳舞,馬騮仔會上樹,狐狸會打關斗,hey。山豬山豹山羊,山中有隻老羊,望見老孫發吽哣,hey!」
歌曲一出,連小朋友都識得唱。
張衞健 張衛健

小寶與康熙

由一代巨匠金庸的著名作品《鹿鼎記》改編的劇集《小寶與康熙》,雖然劇集在2001年播出,但劇中一句
「涼風有信,秋月無邊。虧我思嬌嘅情緒,好比度日如年。我雖則唔係玉樹臨風,瀟灑倜儻,但我有廣闊嘅胸襟加強勁嘅臂彎。」
至今仍有不少人都記得,而「小寶」當年除了這個佳句之外,
「o彭o彭聲」
「我出嚟搵啖苦飯食下姐」
「係江湖上人稱水上小白龍,能夠連續3日3夜喺水中氣都唔喘,生食魚蝦蟹都面不改容嘅小白龍韋小寶。 」
都是當時的口頭禪。
張衞健 張衛健

此外,小寶該劇另一個賣點便是他那七位貌美如花的老婆,當年位位都可稱得上是女神級。

張衞健 張衛健

老友鬼鬼

唔講你唔知,張衛健其實早在1991年時已在劇中爆出獨特的口頭禪,當年在劇集《老友鬼鬼》憑著
「我哋係醒字派嚟架嘛!」
「咪當我Robert呀」
而爆紅。
張衞健 張衛健

少年英雄方世玉

張衛健戲路十分廣,除了古靈精怪外,扮演武林英雄方世玉亦十分好看,而一句「我是天不怕地不怕,就怕沒架打的方世玉」可謂霸氣十足;而世玉亦愛唱歌,特別是《讀書郎》「小嘛,小兒郎,背著那書包上學堂…..」小朋友聽後都識得唱。 張衞健 張衛健

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:東方新地