徐榮萌爆B女救全家

無綫處境劇《愛•回家》去年7月換走咗馬家同律師樓等人之後，收視同口碑都一蹶不振。為挽救收視，無綫最近召回馬家成員，仲加多咗個新成員㖭！就係馬子仁(羅天宇飾)同Pinky(阮兒飾)個愛情結晶品馬家好喇，B女其實係徐榮嘅千金徐心怡，三個月大人仔，表情多多眼仔碌碌仲完全唔怕生保，真係好打耳。早幾日有一集講馬虎(劉丹飾)靜雞雞喺半夜起身為咗抱吓個曾孫，真係好warm好sweet。

劇集出街後，好多網民大讚B女又萌又可愛，佢好似識做戲咁成日望住鏡頭，真係睇到大家心都融埋呀！馬家好已經成為全劇嘅寵兒，每次有佢嘅戲份個個演員都爭住抱，羅天宇早前喺微博上載同B女嘅合照，寫住：「大家今晚有睇嗎？《愛．回家》馬家滿瀉的愛。」阮兒就喺Instagram分享徐榮抱住B女 的照片，大讚「馬家好BB真係超級得意可愛」。為咗救全家，徐榮連自己個女都出賣埋，真係唔話得。

如欲率先接收資訊，請讚好我們的FB專頁並於「已讚好」選單設定「搶先看」，多謝支持。
網址：www.facebook.com/orientalsundayhk