香香

心急做老竇 強強谷肥 香香

最新娛聞

廣告

岑麗香去年12月和金融才俊Joshua(強強)於溫哥華行禮結婚,二人拍拖一年半以來一直靠facetime拍拖,唔想再忍受長距離之苦,強強甘願放棄加國的事業,娶雞隨雞跟住 香香 移居香港。強強為了承諾長輩定下生得愈多愈好的家規,於是全面照顧 香香 的飲食,努力谷肥紙板身形的 香香 。除此之外,近日強強又秘密隨香香飛葡萄牙拍《溏心風暴3》外景,爭取造人機會!

強強想香香開枝散葉

香香 和強強拍拖年半閃婚,唔想婚後繼續分隔兩地、忍受相思之苦,強強不惜放棄本來高薪厚職的金融工作,遷就香香的演藝事業,決心移居香港,除了可以日對夜對,強強最想香香為他開枝散葉,但對生育問題,卻跟老婆仔有分歧!據知33歲的香香好想喺事業上闖吓先,打算過多兩年先諗生B,但強強覺得生B同工作係冇牴觸。唔好以為強強成個鬼仔,其實家庭觀念好重,想組織大家庭,加上一班長輩喺結婚當日叫佢哋生得愈多愈好,強強都想快啲做老竇!

 

香香 結婚當日,獲男家長輩送上大隻金豬,由強強親自為她戴上,寓意好似豬乸生多啲豬仔,而長輩亦開聲叫二人生得愈多愈好。

香香 強強中環吃好西

強強為了實行升呢人父的大計,首要是谷肥瘦蜢蜢的香香,香香工作唔定時、飲食唔健康最令強強擔憂,香香曾表示:「強強要我食多啲嘢增肥,我哋有時間都會喺屋企玩煮飯仔,佢多數會煮西式。」日前香香放假,跟強強於中環拍拖,兩人去到一間著名鐵皮茶檔食好西。

雖然香香來港只有數年,但識路帶強強去呢間鐵皮茶檔!

返歸前再買外賣

呢頭坐低開餐後,強強就陪香香逛樓上舖shopping,臨返歸前再去買了一大袋外賣返閨再歎,誓要谷肥香香。

谷肥香香計劃有成果

聽老公仔話,谷肥香香計劃近日略見成績,香香單拖出席樂易玲生日會,穿上平底鞋鬆身上衣的佢明顯有個肚腩仔、臉脹卜卜。

強強隨香香飛葡萄牙

出席完生日會後,香香隨即往機場,會合王浩信、黃嘉樂、準備出發到葡萄牙拍攝《溏心風暴3》,香香心情大靚,玩Big Big Channel Live臨上機時的情況,在鏡頭前表情多多,心情咁靚,原來老公陪飛,當時被問到強強會否飛去探班?香香口窒窒答:「唔知呢,到時先算啦﹗」其實據知強強秘密隨團飛赴葡萄牙,方便照顧香香,香香早前向公司請假幾天,打算外景拍攝九天後便逗留當地,乘機充電放假。而強強除了陪實嬌妻,最想的當然係努力造人啦!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!