彭泳熙Heihei

戀愛Staycation|彭泳熙HeiHei飛甩專制男友大解放:做返我想做嘅事

最新娛聞

廣告

ViuTV真人騷《戀愛Staycation》第一季4/8播出第9集大結局,轉過頭5/8晚就播出只得6集的第二季,新一季4男4女參賽者已曝光,他們一齊免費住大屋玩Staycation,有邊幾對能擦出愛火?22歲參賽者彭泳熙HeiHei擁32E標青身形,是電競主播,IG有2.3萬followers(節目開播前有1.7萬),牌面上係第二季人氣最高女參賽者。彭泳熙日前接受《東方新地》獨家訪問,原來她有段不愉快的戀愛經歷。

即睇《戀愛Staycation》第二季參賽者介紹
彭泳熙 新一季4男4女參賽者已曝光,他們一齊免費住大屋玩Staycation,有邊幾對能擦出愛火?
新一季4男4女參賽者已曝光,他們一齊免費住大屋玩Staycation,有邊幾對能擦出愛火?(圖片來源:《戀愛Staycation》截圖)
《戀愛Staycation》第2季參賽者彭泳熙,平時除了直播打機片段,偶然還會大晒32E驕人身形。
《戀愛Staycation》第2季參賽者彭泳熙,平時除了直播打機片段,偶然還會大晒32E驕人身形。(圖片來源:IG@pangwhei)

22歲彭泳熙參賽唔敢俾老竇知

ViuTV真人騷《戀愛Staycation》第2季參賽者彭泳熙(HeiHei)網名叫「月巴女子」,身形嬌小,只有156cm,平時除了直播打機片段,偶然還會cosplay大晒32E驕人身形。問到家人對她參加《戀愛Staycation》有何睇法?她笑言:「我冇同屋企人講我參加戀愛staycation,我只係講去拍ViuTV節目,冇講實際內容呀!節目出咗街我都冇同屋企人講,因為我覺得好尷尬,我同我老竇唔係成日傾偈,冇乜交流,我好驚佢睇咗會有乜嘢評價。」

彭泳熙穿上旗袍襯貓耳,不經意的性感。
彭泳熙穿上旗袍襯貓耳,不經意的性感。(圖片來源:IG@pangwhei)
彭泳熙細細個已經好鍾意打機,中學畢業後加入女子職業電競隊。
彭泳熙細細個已經好鍾意打機,中學畢業後加入女子職業電競隊。(圖片來源:IG@pangwhei)

彭泳熙愛打機入埋職業隊

談到入行經過,彭泳熙表示:「我而家冇經理人公司,自由身,我唔係娛樂圈人,純粹係電競圈嘅人,細細個已經好鍾意打機,中學畢業後入咗女子職業隊,入咗大約4、5年後解散,跟住我喺電競圈搵嘢做,例如做遊戲比賽主持,電競主播,性質好似比賽旁述咁。」在其IG可見到彭泳熙喜歡cosplay奈德麗,造型性感可愛。

彭泳熙喜歡cosplay奈德麗,造型性感可愛,她笑言在郊外「被蚊子圍毆了」。
彭泳熙喜歡cosplay奈德麗,造型性感可愛,她笑言在郊外「被蚊子圍毆了」。(圖片來源:IG@pangwhei)
彭泳熙主要做有關電競的工作,例如做遊戲比賽主持,電競旁述等。
彭泳熙主要做有關電競的工作,例如做遊戲比賽主持,電競旁述等。(圖片來源:IG@pangwhei)

專制前度連染髮都唔批准

樣子甜美的彭泳熙年僅22歲,戀愛經驗不少:「計埋細細個中學puppy love拍過5次拖,印像最深刻係有兩段,對上一個男朋友,好多嘢都唔畀我做,連染頭髮都唔畀,唔好講話電視騷、想做artist,一定唔做批准,因為佢管得好嚴,好專制,所以我同佢分手半年有好大嘅轉變,可以做返我想做嘅事,參與返多啲活動例如開直播、報名參加《全民造星》,但入唔到99強,哈哈!」

彭泳熙同專制前度分手半年有好大轉變,可以做想做的事,例如開直播和參加電競活動。
彭泳熙同專制前度分手半年有好大轉變,可以做想做的事,例如開直播和參加電競活動。(圖片來源:IG@pangwhei)

彭泳熙想知自己係咪咁差

彭泳熙得知ViuTV招募《戀愛Staycation》參賽者立即報名:「好似幾好玩,我嘅戀愛經驗都唔係太過開心,好多都不愉快收場,所以對自己同埋對感情冇乜信心,嚟參加呢個節目想印證吓自己係咪咁差囉,我係咪真係好有問題,所以每段感情都咁不快樂收場?呢個係我想知道嘅原因。同埋我係電競圈嘅人,唔會識唔到男仔,但識親啲男仔都好細個,同埋唔成熟,社會經驗少啲,待人處事會比較差,我唔鍾意呢啲type。」

彭泳熙因為工作經常對電腦,圈子太單一,所以想識到不同界別的人。
彭泳熙因為工作經常對電腦,圈子太單一,所以想識到不同界別的人。(圖片來源:IG@pangwhei)

揀卒:鍾意照顧到人嘅男仔

彭泳熙談到擇偶條件:「我鍾意啲可照顧到人嘅男仔,所以想跳出圈子,識多啲其他人,但係冇辦法,我做嘢嚟嚟去去都對住電腦,識唔到新朋友。拍呢個節目賺咗好多嘢,拍唔拍到拖就唔講啦,睇節目就知,我冇預期可以拖住手出camp,我最想識到唔同界別嘅人,我覺得自己嘅圈子實在太單一。識到呢7個參賽者都好開心,完全唔識嘅人一齊12日朝夕相對,坦識相對,所以出camp後呢7個人喺我心中都佔一個重要位置。」

即睇彭泳熙靚相:

彭泳熙有樣有身形,不難出pool喎!

參賽者彭泳熙HeiHei對家人隱瞞參加節目?

參賽者彭泳熙表示節目出咗街都沒有告訴家人,因為覺得⋯⋯詳情請看

《戀愛Staycation》第二季邊位參賽者參加過《造星》?

《戀愛Staycation》第二季8位參賽者的外型與第一季非常不一樣,更青春更活力,當中仲有位女參賽者參加過兩屆《造星》,又上過《Chill Club》⋯⋯詳見:8位參賽者簡介

撰文:東方新地圖片來源:IG@pangwhei、