蘇玉華 潘燦良

拍拖廿四年 52歲蘇玉華入紙嫁潘燦良

最新娛聞

廣告

由讀演藝學院做同學時一起擔演男女主角,到拍拖,同台演出,既時情侶又是拍檔,愛情長跑跑足廿四年,多年來不時被問及婚期,每次蘇玉華同潘燦良都話享受現在時刻,結不結婚不重要,在疫情當前,二人於本月5日入紙登記註冊結婚﹗

撰文:東方新地

2014年求婚成功

蘇玉華和潘燦良識同是演藝學院同學,大家志趣相投而拍拖,畢業後同進香港話劇團,後來蘇玉華加入無綫,而潘燦良一直是劇團台柱有「劇團王子」之稱,16年蘇玉華離巢無綫,後來以情侶檔合作舞台劇。拍拖多年,不時被問及何時結婚,二人回應時都指對方是自己的靈魂伴侶,一早已把對方當作家人,有指潘燦良2014年已經求婚成功,但之後卻未有下文,蘇玉華曾表示:「結婚儀式我哋可以做不過我哋又覺得依家幾好,而且我又好懶,所以又冇去做呢個行動,其實我哋都認定對方係另一半,結婚對我哋唔係咁重要。」二人共走過廿四年歲月,直至近月疫情爆發的時候,下定決心入紙申請註冊結婚,正式成為潘太﹗

去年12月蘇玉華、潘燦良及金像獎影后葉德嫻(Deanie)主演的舞台劇《親親麗南》公演,潘燦良揸蘇玉華胸一模,事後二人笑指駕輕就熟。
去年12月蘇玉華、潘燦良及金像獎影后葉德嫻(Deanie)主演的舞台劇《親親麗南》公演,潘燦良揸蘇玉華胸一模,事後二人笑指駕輕就熟。
除了演戲,二人的共同興趣是旅行。
除了演戲,二人的共同興趣是旅行。

拍拖22年依然專一未嫌悶已經夠難,仲要繼續話題多多兼似熱戀期小情侶一樣就難上加難,唔怪得之蘇玉華成日形容另一半潘燦良係soulmate,真係行段路仔,都可以講咗人哋兩公婆一年對話!

蘇玉華 笑到彎晒腰

話說年前喺大坑醫完肚去攞車,兩步路、最多咪三分鐘行完一截路,蘇玉華同潘燦良竟然行吓又停吓,好傾好講、激烈討論到行咗成三十分鐘。重點係唔會敷衍、又唔會一個講晒,而係有溝通、有互動,充滿火花又氣氛融洽,周不時仲見到蘇玉華一副崇拜咁個樣仰望男友,24年喎!真係唔容易!

蘇玉華

蘇玉華同男友潘燦良日前醫完肚去攞車,相處24年、食完成餐飯都未講完,途中繼續興致高昂傾不停。

蘇玉華

蘇玉華
兩位行吓又停吓,傾到指手劃腳七情上面。

拍拖超過22年,竟然都不斷有話題、仲識笑到彎晒腰,唔講以為呢對係熱戀期少男少女!

蘇玉華

情侶檔舞台劇再公演

拍拖同居咁多年,感情如一,話題不斷又可以孖住開工,真係唔係每一對情侶夫婦做得到。之前蘇玉華和潘燦良情侶檔舞台劇《謊言》再度公演,不少圈中人去捧場,當中視后田蕊妮、唐詩詠都走去偷師!

蘇玉華

蘇玉華 同男友扮路人

不過話晒都老夫老妻,都唔係時時都咁好傾!有「劇團王子」之稱慨潘燦良同蘇玉華拍拖24年,本刊記者曾經遇見佢哋孖公仔現身觀塘,兩人泊好車後分頭去買嘢食,阿蘇去買三文治,潘燦良就去茶餐廳買飯盒,之後佢哋喺茶餐廳門外會合,阿蘇全程揸住部電話做低頭族,同潘燦良就好似陌生人咁一前一後行上一座工業大廈,期間完全零交談連眼神都冇,唔通感情已經升華到唔使講嘢都一樣咁好默契?

蘇玉華

阿蘇晏晝買咗兩件三文治。

蘇玉華

買完飯,潘燦良同阿蘇一前一後走上工業大廈,期間阿蘇變身低頭族,同男友完全零交流。

蘇玉華

朱晨麗讚蘇玉華:好玩得

早前朱晨麗接受本刊訪問,表示要多謝蘇玉華拍《平安谷之詭谷傳說》時幫咗佢唔少:「阿蘇(蘇玉華)同劉老師(劉江)真係好好演技,平時私底下阿蘇啲霸氣,令你好驚,但埋到嚟,阿蘇成個小朋友咁,會同你嘻嘻哈哈、玩好後生嘅嘢,講笑又唔mind,可能因為咁令我無咁驚,做對手戲嗰陣就會舒服啲。」

朱晨麗
朱晨麗讚阿蘇私底下成個小朋友咁,好玩得。

《平安谷之詭谷傳說》是蘇玉華離開無綫前的最後一部作品,蘇玉華在劇中飾演的是二奶奶嗚鳳,經常被劉江虐打,與舊情人張達倫私奔是最緊張的一幕,最後二奶奶出手帶領一班婦女聯盟對抗欺壓女人的男人真是大快人心,內心戲都交足功課,果然是好戲之人!

蘇玉華

劇集播出後大受歡迎,但蘇玉華表示暫時未有收到《平安谷之詭谷傳說》要開拍續集嘅邀請:「如果可以拍,我覺得係好高興嘅事。」佢直言離開電視台冇不捨,因爲雙方關係仍然親密,亦唔排除會再合作。

拍拖廿四年 52歲蘇玉華入紙嫁潘燦良

演過《刑事偵緝檔案》系列

之前重播嘅《刑事偵緝檔案》系列都有蘇玉華份!

刑事偵緝檔案
《刑事偵緝檔案》
刑事偵緝檔案II
《刑事偵緝檔案II》
刑事偵緝檔案II
劇中蘇玉華同梁榮忠做夫妻。
刑事偵緝檔案II
最後卻慘被車撞死!