江若琳

拍拖未夠一年「生煎包王子」Oscar向江若琳求婚成功!

最新娛聞

廣告

30歲的江若琳與37歲「生煎包王子」蕭潤邦(Oscar)去年四月公開戀情,兩人感情穩定,不時都在社交平台放閃。日前Oscar 37歲生日,佢慶祝完生日後隨即同日宣布喜訊,原來佢去年底已向江若琳求婚成功!恭喜兩位!

江若琳 Oscar 高調晒戀情

江若琳近年長期在內地工作,早前高調宣布重返香港樂壇,還罕有地自爆戀情,與男友Oscar在IG齊齊開心分享:「找到愛我的人!」二人07年一同入行成為樂壇新人,十年來一直保持聯絡,突然認愛令身邊好友都非常愕然!

甜爆生日會

日前Oscar 37歲生日,江若琳特地訂造了一個巨型生煎包生日蛋糕,蛋糕上除了有一個掛有店名的生煎包檔口,仲有一個著上Oscar愛隊曼聯波衫的「生煎包人」,非常精緻!Oscar上載合照留言:「Yeah 37,多謝蘋果安排一個驚喜生日P給我!I love you!見到好多老友!」

Oscar向江若琳求婚成功

呢頭放完閃,Oscar更緊接於同一日宣布喜訊,就係佢已經向女友江若琳求婚成功!相中見到Oscar拿著一大束花攬實女友,而江若琳就大晒左手中指上的鑽戒,掩嘴甜笑!Oscar又寫下甜爆感言,話會永遠寵壞江若琳、永遠保護佢:「以後有歌你唱,有包我煎,有包食包,有飯食飯,有福同享,有難我當!」

江若琳喊爆答應

江若琳及Oscar回應傳媒時表示,求婚係在去年12月底發生,Oscar搵齊晒江若琳所有好朋友到場,求婚時江若琳喊到失晒控,唔講以為佢失戀!雖然拍拖未夠一年便決定結婚,不過兩人表示已經相識十年,好了解對方,同時透露希望可以今年12月舉行婚禮!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!