拍網劇扮PTU 阿Sa假髮上陣 林峯簽古天樂經理人
廣告
由英皇娛樂岀品嘅網劇《PTU機動部隊》23日（周二）舉行了發布會，而出品人之一楊受成博士也到場支持。這部網劇人強馬壯，主要演員也有到場出席包括林峯、 阿Sa蔡卓妍、方中信、譚耀文、張繼聰、溫碧霞等。林峯、阿Sa等人以全副軍裝現身，英姿颯颯，揸槍擺甫同林峯鬥英鬥Chok。
撰文：東方新地
圖片：新傳媒圖片庫
多爆破場面似拍電影
舊年大部分時間喺內地開工嘅林峯話好懷念喺香港拍電視劇，好開心今次可以留港開工。對於有傳林峯已簽約給古天樂公司，林峯話：「我係簽咗畀古天樂經理人Ronnie，同宣萱一樣﹗（有傳你會開工作室？想喺大陸打好個底先，工作室好多嘢搞﹗今次喺舊公司約滿後首次合作，要多前老闆謝楊生同Mani畀呢個合作機會我﹗」而其感情事備受外界關注，不過峯峯淨係講咗句多謝關心，就話唔回應喇﹗阿Sa立即幫拖解圍：「人家唔想講就唔好逼人啦﹗」
全體演員晒冷大合照，陣容強大﹗
第一次喺香港拍劇嘅阿Sa透露喺劇中髮型百變，又話：「因為我要做演唱會，唔可以剪短，所以只可以戴假髮，大家都話我似《我老婆唔夠秤》時嗰個造型。」
