雷莊?

捱過負評的三位港姐冠軍 雷莊? 麥明詩 馮盈盈

最新娛聞

廣告

《2017香港小姐競選》已經完咗幾日,不過網上的熱烈討論依然停不了!出爐冠軍雷莊?飽受抨擊,特別是其「突出」的牙齒更成為大家茶餘飯後的話題。日前麥明詩、馮盈盈同雷莊?三位港姐冠軍「三代同堂」合照,盈盈更打了一番感言,類似係以過來人身份安慰一下師妹,不過網民一於少理,將呢三位都曾飽受批評的港姐再比較一番!唔知你最喜歡邊位呢?

 

雷莊?在過去的星期日成為新一屆港姐冠軍,可是不滿之聲頓時四起,首先係鄭裕玲(Do姐) 決定冠軍誰屬,令人覺得有「造馬」之嫌;另外唔少人認為雷莊?不及其他佳麗,除了牙齒甚為「突出」外,其中文能力亦是不敢恭維,如何代表香港?

 

雷莊?受到的抨擊實在係近年少見,日前去屆冠軍馮盈盈就上載一張同雷莊?、以及前屆冠軍麥明詩的合照,三代同堂!盈盈同時寫下感言,希望以過來人身份安慰師妹。不過網民們一於少理,爭相替呢三位港姐冠軍排名次,重新選過一樣!其實麥明詩同盈盈當選初時亦飽受批評,不過今時今日已成長不少,唔知雷莊?將來條路又會係點呢?

貼地的十優港姐 麥明詩

2015年港姐冠軍麥明詩 (Louisa),絕對的高材生,當年會考取得10A佳績,後來升讀世界著名學府劍橋大學法律系,大家都愛稱佢為「十優港姐」。雖然憑高學歷成為一時佳話,不過Louisa入行初時被指「離地」,而且難相處人緣麻麻,猶記得佢當選冠軍的晚上,一眾佳麗猶如摩西分開紅海一樣退到兩旁,完全冇人上前祝賀……

 

可能以港姐冠軍來說,Louisa又真係唔算咩神級靚女,不過靚女與否其實見仁見智,而Louisa確實有種高材生的氣質,加上現時待人處事變得成熟圓滑,談吐舉止大方得體,加分不少!Louisa又以敢言見稱,不時對社會時事發表意見,離地變貼地!

 

大家對Louisa印象好咗,佢喺大台亦有唔少機會,早前大結局的《賭城群英會》亦有佢份,不過演技似乎… 比較幼嫩!要加倍努力啦!

 

真性情港女馮盈盈

畢業於港大營養學系的馮盈盈喺選港姐之前已經薄有名氣,有個外號叫「甫士王」,之後更加係由初選到決賽當日都係大熱門,最後成功摘得后冠而回。如果想比麥明詩或雷莊?,盈盈絕對算係個典型靚港女,相信大家都認同!

 

既然係個土生土長港女,唔少人覺得佢有欠氣質同港姐冠軍的風範,尤其當選冠軍被爆曾喺社交平台連環爆粗,故被冠「粗口港姐」之名。事後盈盈接受訪問都話自己「少不更事」,深深明白無論係小人物或大人物,都必須慎言。

 

盈盈如今喺大台獲得唔少機會,既有主持節目亦有參演劇集,同時不改一貫的港女作風,有嗰句講嗰句,不時發表一啲「踩過界」言論,唔少人喜歡佢貼地又流露真性情,算係為「港姐冠軍」寫下新定義!

2017年冠軍 雷莊?

新鮮出爐冠軍雷莊? (Juliette),身材fit爆且大方得體有自信,可惜樣貌飽受批評,尤其踩爆佢口大同牙齒「突出」,似足有「哨牙蘇」之稱的足球員蘇亞雷斯!另外唔少人不滿大會賽制唔公平令佢奪冠,Juliette又被爆有個身家億億聲的富爸爸,「造馬」之聲四起!

 

事後Juliette在社交網站直播,全程用英文回應,指自己一啲都唔care大家的負評,唔會為討好其他人而改變自己。既然兩位師姐Louisa同盈盈都係經歷無數「負皮」先走到今日,希望Juliette都唔好灰心,繼續努力,等大家喜歡上佢~

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!