新劇四度抽起 下月上映 黃智雯：係最好安排
廣告
緊接《完美叛侶》後，8月1日晚上八點半將播映由陳智燊、李思捷及黃智雯主演新劇《超能老豆》！原來該劇前名係《爸B有話兒》，本來於今年3月首播，但之後相繼被劇集《末代御醫》、《火線下的江湖大佬》、《純熟意外》及《完美叛侶》搶檔期，四度抽起後最終改名出街！對於能於暑假播放，女主角黃智雯表示：「係最好安排！」
新宣傳片玩自抽
等咗咁耐先出街，新宣片亦自抽一番！兩名小朋友於片中不斷問演「超人」爸B嘅陳智燊及李思捷「出街」未，之後又說：「放暑假喇出街未？」最後再跟二人說：「今次講咗(出街)要算數！」思捷幽默回應：「呢啲o野話唔埋。」好似講到該劇係倉底貨，真陰公！
全文完
