新四十二章 抄劇

《新四十二章》被指抄大陸劇 海報設計十足十 Google都分辨唔到不同

最新娛聞

廣告

陳豪、龔嘉欣、江嘉敏、周嘉洛等主演無綫新劇《新四十二章》尋晚播出首集,劇集本來是台慶劇,連台慶宣傳片也有提過,但有傳龔嘉欣與陳瀅不和,致劇集狠被抽起,最終安排炮灰期播出。劇集監製陳維冠創作向來天馬行空,今次新劇便是向《鹿鼎記》情節致敬。不過有眼利網民發現,《新四十二章》海報設計另有乾坤,巧妙同人撞橋,未知是否屬劇集致敬部分之一。

新四十二章 抄劇 新四十二章 龔嘉欣 在TVB的劇照發相中,已睇到龔嘉欣的黐鬚出現不少膠紙痕跡披晒口。
有傳龔嘉欣與陳瀅不和,致劇集被抽起,終炮灰期播出。(圖片來源:《新四十二章》劇照)
新四十二章 抄劇 TVB當時宣傳片都出咗,講明《新四十二章》會係台慶劇;最後急急抽起,換上《法證先鋒5》。
TVB當時宣傳片都出咗,講明《新四十二章》會係台慶劇;最後急急抽起,換上《法證先鋒5》。(圖片來源:Youtube@TVB宣傳片截圖)

《新四十二章》初版海報神似內地劇 設計配色十足十

內地劇《一路繁花相送》講述都市愛情,改編自青衫落拓同名小說,由鍾漢良、江疏影、炎亞綸、李晟等主演,喺2018年播出,早過《新四十二章》好多。睇返兩套劇嘅海報,發現《新四十二章》都巧妙地撞足《一路繁花相送》,眼利的網友寫道:「兩款海報都係主角排排坐」、「部分角色同樣翹腳chok樣」、「海報背景都係淺色主調」、「劇名字眼都同樣由紫色漸變至藍色」。為咗驗證兩套劇嘅海報有幾神似,有網民曾經用Google影像搜尋功能,上傳《一路繁花相送》海報,結果竟同時驚現《新四十二章》初版海報,睇嚟就連Google都認唔出兩者分別。

新四十二章 抄劇 《新四十二章》初版海報酷似《一路繁花相送》。
《新四十二章》初版海報酷似《一路繁花相送》。(圖片來源:東方衛視)
新四十二章 抄劇 《新四十二章》足足遲《一路繁花相送》五年推出!
《新四十二章》足足遲《一路繁花相送》五年推出!(圖片來源:TVB
新四十二章 抄劇 有網民用Google影像搜尋功能,上傳《一路繁花相送》海報,結果竟同時驚現《新四十二章》初版海報,睇嚟就連Google都認唔出兩者分別。
有網民用Google影像搜尋功能,上傳《一路繁花相送》海報,結果竟同時驚現《新四十二章》初版海報,睇嚟就連Google都認唔出兩者分別。(圖片來源:Google影像搜尋截圖)

《新四十二章》再更換海報 竟似足某荷里活大片

後來無綫再換《新四十二章》宣傳海報,依然無辦法洗脫「抄襲」罪名。有網民發現《新四十二章》正式播放版海報同荷里活大片《復仇者聯盟3: 無限之戰》極似,他們留言寫道:「背景同樣太空銀河系為主」、「主要角色列陣排位接近一樣」,但無綫《新四十二章》版本,顯著設計無咁精緻,用色較為粗糙。

新四十二章 抄劇 《新四十二章》最終海報極似《復仇者聯盟3: 無限之戰》。
《新四十二章》最終海報極似《復仇者聯盟3: 無限之戰》。(圖片來源:《復仇者聯盟3: 無限之戰》海報)
新四十二章 抄劇 《新四十二章》連荷里活大片都唔放過。
《新四十二章》連荷里活大片都唔放過。(圖片來源:TVB

《新四十二章》監製曾被插抄襲 事後唔肯認數

由黎耀祥、陳豪主演嘅劇集《殺手》,同樣由陳維冠監製,2020年開播時以搞笑劇情同獨特角色成功吸引一眾煲劇迷,但唔少網民睇過《殺手》後,覺得故事設定跟香港本地作家孤泣於2014年創作小說《殺手世界》非常相似。唔少《殺手世界》粉絲替孤泣抱不平,孤泣本人亦喺社交網站回應:「我沒把《殺手世界》的IP賣給他們,至於是不是『抄襲』我也不知道,因為我不會看,也不想看。雖然明白讀者的心情,不過自己對「撞橋」一事毫無感覺,因為香港只有一套『原創』的《殺手世界》」。

新四十二章 抄劇 網民指《殺手》故事設定同香港本地作家孤泣於2014年創作小說《殺手世界》非常相似。
網民指《殺手》故事設定同香港本地作家孤泣於2014年創作小說《殺手世界》非常相似。(圖片來源:TVB

陳維冠:孤泣嘅《殺手世界》,Sorry,我冇睇過

《殺手》監製陳維冠喺製作特輯《殺手 絕.殺.手冊》中,承認創作概念係來自其他影視作品:「呢個(殺手)係我多年嘅想法,源於26年前嘅一部電影叫做《這個殺手不太冷》(Leon: The Professional),我好鍾意裏面個角色叫Leon,佢用咗自己性命去換取另一個好悲慘嘅少女嘅性命,我好希望嗰個理念變成電視劇,《這個殺手不太冷》外亦有參考其他唔同嘅殺手電影,至於孤泣嘅《殺手世界》,Sorry,我冇睇過」。

新四十二章 抄劇 大批網民替作者孤泣抱不平!
大批網民替作者孤泣抱不平!(圖片來源:Instagram@lwoavie)
新四十二章 抄劇 孤泣開腔話唔會睇《殺手》。
孤泣開腔話唔會睇《殺手》。(圖片來源:Facebook@孤泣)

無綫海報抄襲疑雲停不了 舊年已有套被指抄美劇

2022年由何廣沛及江嘉敏主演嘅《食腦喪B》,被網民指喪抄2015年美劇《iZombie》!當時網民列出3大要點,力證《食腦喪B》同《iZombie》似足九成:「何廣沛變成喪屍後靠食腦充饑;而《iZombie》中,女主角變成喪屍後同樣要靠食腦維生」、「劇中何廣沛進食人腦後,會擁有他人記憶同技能;而《iZombie》女主角食用人腦後,都能短暫繼承大腦主人記憶習性」、「《食腦喪B》中郭子豪飾演嘅古德明喺法醫實習生;《iZombie》中女主角本身就係法醫,所以兩位主角先不愁人腦來源」。

翻查無綫當時發出嘅收視數據,《食腦喪B》全劇表現麻麻,全劇平均電視直播得16.5點,除咗首週錄得18.2點外,之後不停下滑,最低仲試過得15.5點。

新四十二章 抄劇 網民力指《食腦喪B》同《iZombie》似足九成。
網民力指《食腦喪B》同《iZombie》似足九成。(圖片來源:TVB)
新四十二章 抄劇 原來就連造型都接近一樣喎!
原來就連造型都接近一樣喎!(圖片來源:《iZombie》海報)

ViuTV《大誠實家》海報疑抄TVB

另外ViuTv現在熱播的《大誠實家》的海報,有眼利的網友發現與早前TVB劇集《青春不要臉》非常相似,對比之下,確實似有參考。

新四十二章 抄劇 兩張都好似樣。
兩張都好似樣。(圖片來源:ViuTV/TVB)

《新四十二章》分集劇情及結局劇透?

新四十二章|第1-5集:龔嘉欣患有生鬚怪病 陳豪患有失眠症
新四十二章|第6-10集:糖妹登場疑似Final Boss!再世總舵主手上藏有兩頁尋寶筆記

新四十二章|(最新)第11-15集:江嘉敏周嘉洛闖進神秘組織

新四十二章|第16-20集:(待更新)
新四十二章|第21-25集大結局:(待更新)

《新四十二章》與梁朝偉版本《鹿鼎記》為何有關係?

《新四十二章》呼應1984年劇集版《鹿鼎記》故事情節,融合歷史與功夫元素,劇中角色都與《鹿鼎記》的角色有微妙連結⋯⋯按此看詳情

撰文:東方新地圖片來源:《新四十二章》劇照