王君馨

新婚大解放 擺完酒先洞房 王君馨 :我老公好興奮

最新娛聞

廣告

31歲的 王君馨 跟細自己十日、長居美國的Banker男友Daniel於去年11月中登記排期結婚,月前已低調簽紙正式升呢人妻,兩人更遠赴歐洲拍攝型爆婚照!不過身為虔誠基督徒的王君馨,為堅守婚前性行為的戒條,寶貴初夜要留待7月11日擺酒當晚洞房先讓老公Daniel拆禮。二人長期分隔美國香港兩地,苦等君馨12年的Daniel,新婚之夜別具意義,既興奮又期待大日子來臨﹗

王君馨 噴血婚照

王君馨由拍拖、註冊結婚、影婚照都低調過人,直至在520冧爆日子先將早前遠赴歐洲拍攝的婚照公開,王君馨破格穿上西裝婚紗,超deep v逼爆33D上圍,極度火辣辣,Daniel則張張相都肉緊攬錫嬌妻。雖然拍拖多年,但由於長期分隔香港美國兩地,君馨笑言二人如熱戀情侶,拍婚照時自然流露一臉甜蜜蜜。

那些年 處女論一鳴驚人

當年因為處女論一鳴驚人的君馨,視初夜如神聖禮物,堅持婚後才贈予老公。君馨不但仍跟Daniel分開住,守貞直至大喜之日才讓老公拆禮物,君馨曾在訪問中提及:「我覺得可以做老公至同佢拍拖,諗番如果將來結婚,望住老公對眼,話我留番最寶貴嘅嘢畀你,覺得好sweet!我幻想如果老公都係咁講,留番畀我,咁幾好呢!我會冧到爆!」

貼地掃平貨

老竇做生意、美國住數千呎豪宅的君馨,當年獨自回港發展事業,一直靠自己冇靠父蔭。現升呢做人妻,老公在紐約任職banker,收入可觀,不過君馨依然慳家。日前佢被本刊捕獲逼入正進行大減價的百貨公司內掃貨,在人潮中衝去化粧專櫃為化粧品補給,之後又行去揀手袋、背包,全是不出一千元包包。

期間君馨睇中一對平底鞋,隨即除鞋試穿,好平民夠貼地。

Shopping期間君馨不停被市民、店員車輪轉集郵,不過待嫁新娘心情分外靚,全冇托手踭,逐一合照後繼續shopping。

7.11大婚

日前君馨接受本刊訪問,被問到婚禮準備成點,佢笑說現時非常忙碌,應該去到婚禮當日都未準備好。而婚禮將會在大潭美國會舉行,請咗大約二、三百人,不過當晚唔想太隆重,想大家輕鬆、溫馨少少,同來賓唔會坐得太遠,大家可以四圍走、傾傾偈。

期待洞房夜

另外君馨被問到堅守擺完酒先洞房,老公係咪等得好心急呢?佢表示都等咗十二年,大家都會好期待:「如果等十二年都唔期待,我哋就應該好慘啦。其實大家期待結完婚之後日對夜對,終於多少少時間兩個人相處。」

想湊個好字

至於君馨計劃生小朋友未?老公有冇希望生幾多個?佢表示兩公婆都希望可以湊到個好字,但一切要等神安排,暫時想二人世界長少少,要想學習做一個好老婆先,再去學習做一個好媽媽﹗

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!