方中信

方中信 張繼聰鐵漢柔情兩個爸

最新娛聞

廣告

呢頭追住《飛虎之潛行極戰》,嗰頭仲有套英皇大製作《PTU機動部隊》啱啱煞科,今個暑假大把劇同制服猛男追!日前方中信、張繼聰拍《PTU》未使埋位時,兩個猛男撓埋手閒話家常,不時露出暖男爸爸窩心笑容,仲唔係講起屋企個寶貝女?

撰文:東方新地│圖片:新傳媒圖片

方中信 張繼聰鐵漢柔情兩個爸

日前喺九龍城,撞到兩大型男方中信同張繼聰現身鬥戲又鬥型。即係咁,為套戲著成身PTU制服著上身嘅方中信霸氣十足、為套戲增肥幾十磅嘅張繼聰就噸位十足,兩個男子氣概爆晒棚嘅猛男唔使埋位企埋一齊竟然係密密斟又甜甜笑。

家陣男神一地都係邊到馨香?真正對得起男神稱號嘅方中信絕對算係一個,為套新劇《PTU》拍攝企埋街邊整理制服,霸氣外露!

同場仲有張繼聰,鏡頭前一本正經扮演警隊高層開記召,鏡頭後就發揮搞鬼本色,不時逗到成個劇組笑作一團。

到底咩令到兩位鐵漢都有柔情一面?唔使問,仲唔係講起各自個寶貝女咩?

一度fit到漏的鋼條人張繼聰增肥幾十磅變圓桶身型,不過佢就話為套戲值得喎,呢啲咪就係專業囉!

 

張繼聰因狗狗呷醋

近日,張繼聰於個人社交網上載幾張囡囡張靖(乳名KaKa Ball)同愛犬一齊嘅相,見到隻狗狗體形大過KaKa Ball幾倍,但KaKa Ball一啲都唔驚,仲成個頭挨落狗狗個身到又錫錫,兩者非常親密!

而爸爸張繼聰可能因為囡囡唔理佢,反而去同狗狗一齊傾計,結果唯有在相中酸酸的留言話:「有咩咁好傾呀兩位小姐?」

狗狗全程表現乖巧,任KaKa Ball點對佢,都只係坐喺地下望住小主人。見到KaKa Ball除咁錫錫狗狗,又摸摸狗狗個頭,真係可愛到爆!

張繼聰囡囡為零食嗌爸爸

之後,張繼聰又再度分享一段囡囡嘅短片,片中佢問呀囡要唔要食嘢食,而得意到暈嘅KaKa Ball擺出一副極之楚楚可憐嘅樣,邊點頭邊係咁嗌爸爸、爸爸,睇到人心都軟哂,難怪連爸爸都冇哂佢符,緊係要俾零食囡囡啦!

個女得意到咁,張繼聰都要留言講句:「唉,你話吖,點抵擋呀?」,就交網友都話KaKa Ball太萌,段片連環睇左十次!

張繼聰凸肚腩

張繼聰早前帶住老婆謝安琪、囝囝張瞻、囡囡張靖一家四口去到石門嘅賽馬會傑志中心參加活動,網民嘅金睛火眼第一時間留意到阿聰以往fit爆嘅身材竟然走晒樣,凸咗個肚腩出嚟!不過阿聰都好快作出回應:「將個焦點放係我個肚腩嘅朋友仔們,留意番,無錯,我係重咗幾十磅 (為咗角色,我無悔)」唔知係咩角色令阿聰要做咁大犧牲呢?

張繼聰單手抱住囡囡「的」波,要保持平衡,的確有啲難度,難得佢只有一兩下係「的」歪咗,都算係咁,不過個肚腩無論喺咩角度睇,都真係好凸出喎!

之後張繼聰再上載同囡囡KaKa Ball單獨喺草地上玩嘅短片,仲攬到實一實,標明話係「浪漫」,sweet到呢,小心老婆呷醋呀!

睇翻昔日張繼聰嘅爆肌相,唔只有胸肌同腹肌,仲要操到青筋都現埋,真係拍得住張家輝當年拍《激戰》咁fit!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!