東京奧運

東京奧運｜吳業坤住酒店午夜驚魂 如廁後有怪聲嚇到唔敢瞓

最新娛聞
東方新地

廣告

吳業坤有幸隨無綫大隊飛去東京奧運採訪各項賽事，日前他在社交網的限時動態表示，凌晨在酒店房遇上靈異事件，令他有得震冇得瞓。近月操到好大隻的坤哥原來只係得個樣，生人唔生膽。
撰文：東方新地 圖片：坤哥FB及IG

採訪東京奧運冇得周圍去

受到疫情影響，吳業坤就算到埗東京後都不能四圍去，除工作及購買物資外，坤哥其餘時間都是要留在酒店房入面，所以持續在社交網更新自己的最新動向。

東京奧運
坤哥有幸成為無綫東京奧運採訪大軍的其中一員。（圖片來源：坤哥FB）
東京奧運
坤哥難得可以外出在東京奧運景點留影。（圖片來源：坤哥FB）

坤哥自爆酒店有怪聲

日前坤哥在社交網限時動態出po，表示凌晨在酒店房入面聽到有怪聲，嚇到唔敢瞓覺，最恐怖就是第日朝仲要早起身，佢留言話：「札醒去完廁所連續有啲奇怪嘅聲音，聽朝仲要早起，依家唔敢瞓。」搞到坤哥唔敢瞓，仲唔係遇上靈異事件？

坤哥出po表示在酒店房聽到怪聲。（圖片來源：坤哥FB）
坤哥出po表示在酒店房聽到怪聲。（圖片來源：坤哥FB）
遇上靈異事件唔敢瞓的坤哥，最慘就是第二朝要早起身採訪。（圖片來源：坤哥FB）
遇上靈異事件唔敢瞓的坤哥，最慘就是第二朝要早起身採訪。（圖片來源：坤哥FB）

被指生人唔生膽

不少網民知道坤哥受驚後，紛紛留言安慰佢，話好大機會是他自己夜深人靜，疑心生暗鬼，提議他以後開住燈瞓，仲有人叫他走去周奕瑋間房，兩個人孖住壯膽實瞓到。最搞笑都係出名大隻的藝人何浩文，竟然留言叫坤哥唔好講出詳細版本，原來一身肌肉Man到爆的何浩文最怕聽鬼古。

之前去過日本working holiday的坤哥，竟然怕一個人住酒店。 （圖片來源：坤哥FB）
之前去過日本working holiday的坤哥，竟然怕一個人住酒店。 （圖片來源：坤哥FB）
因為聽到房中有怪聲，坤哥眼光光到天光。（圖片來源：坤哥IG）
因為聽到酒店房中有怪聲，坤哥眼光光到天光。（圖片來源：坤哥IG）
有網民叫坤哥去周奕瑋間房搵佢壯膽。（圖片來源：坤哥FB）
有網民叫坤哥去周奕瑋間房搵佢壯膽。（圖片來源：坤哥FB）
估唔到大隻仔何浩文同坤哥一樣生人唔生膽。（圖片來源：何浩文IG）
估唔到大隻仔何浩文同坤哥一樣生人唔生膽。（圖片來源：何浩文IG）

熱門文章