東京奧運

東京奧運|Edan呂爵安孖劍擊手蔡俊彥直播世紀合唱 互爆昔日大學宿舍同房趣事

最新娛聞

廣告

東京奧運香港劍擊隊首次開直播吸引2萬人收看,張家朗、吳諾弘、大師兄張小倫互爆料,娛樂性十足﹗吳諾弘昨晚(5日)再開直播,今次除了大師兄還有上次缺席直播的劍擊奧運四子之一的蔡俊彥,直播期間蔡俊彥昔日大學宿舍同房呂爵安Edan亂入say hi,最後更成功促成Edan與蔡俊彥直播中合唱,上陣劍擊場無數的蔡俊彥突然心跳加速:「緊張到心跳仲快過比賽」﹗

文:東方新地|圖:呂爵安IG、蔡俊彥IG

東京奧運|劍擊隊首開直播2萬人爭看

東京奧運劍擊賽事完結後,劍擊四子張家朗、張小倫、蔡俊彥和吳諾弘離開日本分別在香港及內地酒店隔離,前晚(4日)吳諾弘、張家朗、張小倫及隊友崔浩賢一同首次開直播,吸引2萬人收看,直播中平日說話最少的張家朗瘋狂被隊友爆料,娛樂性豐富﹗昨晚吳諾弘再開直播,本來只是回答網民提問,後來大師兄張小倫及蔡俊彥先後加入,其後更成功召喚了蔡俊彥大學同房 Edan呂爵安現身直播,令直播人數不斷飊升﹗

東京奧運 呂爵安 蔡俊彥
吳諾弘再次開直播,並加入大師兄張小倫(左下)及蔡俊彥(右下),Edan突然現身打招呼﹗(圖片來源:吳諾弘IG)

吳諾弘因為急屎錯過與呂爵安Edan「見面」

吳諾弘最初開直播回答網民問題,其後身在深圳隔離的大師兄加入,之後再邀請在正在廣州酒店隔離的蔡俊彥加入,三師兄弟首度在直播現身,大家都好關心因為帶漏健康證明,而不能跟隊友一同離開東京的蔡俊彥,大師兄又大爆在奧運村同房的蔡俊彥好鍾意唱歌,不停叫他即席獻唱,搞笑的大師兄又同蔡俊彥講:「叫你個friend Edan 入嚟一齊傾啦﹗」蔡俊彥不斷推唐又笑大師兄:「你唔叫劉德華入嚟,你又話識朗平,叫佢入嚟啦你﹗」擾攘一輪,Edan突然現身留言say hi﹗蔡俊彥私下與Edan聯絡後,最後決定「轉場」,由蔡俊彥開直播,再把各人邀請加入直播,不過吳諾弘突然肚痛,衝去廁所解決,所以與Edan緣慳一面,未有加入直播中﹗

東京奧運 呂爵安 蔡俊彥
蔡俊彥「轉場」孖呂爵安Edan孖住開直播﹗大家都好驚喜﹗直播人數由之前一萬急升一倍有多。(圖片來源:呂爵安IG)

成功召喚呂爵安Edan現身獻唱

蔡俊彥與Edan直播中世紀合體,老朋友見面,Edan第一句就問:「嘩﹗蔡仔,點呀﹗long time no see ﹗」蔡俊彥其後將大師兄加入直播,大師兄如願見到Edan興奮大叫,又爆蔡俊彥經常在房高聲唱Mirror同Edan的歌,搞到蔡俊彥極尷尬,Edan就話:「識你咁耐都唔知你鍾意唱歌,如果嗰時你唱嘅話,就一齊去參加《全民造星》,快啲唱嚟聽吓﹗」蔡俊彥緊張到不停抺汗話自己好緊張,Edan講笑指運動員最識處理壓力,最後蔡俊彥請Edan先唱,Edan笑笑口話:「嗱﹗我一句你一句﹗」

東京奧運 呂爵安 蔡俊彥
大師兄張小倫如願可以同呂爵安Edan見面﹗(圖片來源:呂爵安IG)

蔡俊彥、呂爵安世紀合唱《E先生》

Edan先唱出《E先生連環不幸事件》一句歌詞,蔡俊彥口震震話:「唔得喇,我個心跳得好快,仲快過比賽嗰陣呀﹗」之後蔡俊彥稍為平靜心情接唱,Edan歡呼大讚好聽,正在拍攝《膠戰2 》的Edan立即把鏡頭移向劇組,成班《膠戰2》為蔡俊彥打氣,又大叫「張小倫好靚仔﹗支持香港運動員﹗」令氣氛相當高漲﹗

E東京奧運 呂爵安 蔡俊彥
Edan先開口唱出《E先生》,大師兄大叫歡呼﹗(圖片來源:呂爵安IG)
東京奧運 呂爵安 蔡俊彥
蔡俊彥猛話自己好緊張,心跳加速,最後都有唱歌,Edan大叫好聽﹗(圖片來源:呂爵安IG)

室友互相爆料 蔡俊彥教識Edan玩…

蔡俊彥在直播中被問到昔日同Edan同房係點?蔡俊彥話:「冇乜特別,亂啲囉,不過我本身都亂,所以冇乜所謂﹗」Edan在直播中同蔡俊彥話:「啲人知我同你同房,都好擔心你,你快啲幫我澄清啦﹗」大師兄問Edan是否成日要照顧蔡俊彥? Edan忍住笑話:「係呀,成日見佢打劍咁辛苦,我咪煲定湯煮定飯等佢囉,哈哈哈﹗講笑啫﹗嗰時蔡仔成日同我哋打牌同玩Poker,係佢教識我玩Poker,佢玩得好勁,當我地係水魚,零用錢都輸晒畀佢﹗不過佢唔係淨係玩嘅,佢成日練劍嘅,要去練劍時,叫極佢都唔肯玩嘅﹗」蔡俊彥忍唔住偷笑,之後Edan要繼續開工,便離開直播並大叫:「Proud Of You Guys!番嚟食飯﹗加油﹗」

東京奧運 呂爵安 蔡俊彥
Edan呂爵安正在拍攝《膠戰2》,開直播期間《膠戰2》為蔡俊彥打氣又齊聲高呼:「支持香港運動員﹗」(圖片來源:呂爵安IG)
東京奧運 呂爵安 蔡俊彥
蔡俊彥(右一)與張家朗(右二)、大師兄張小倫(左一)等不時為港爭獎﹗(圖片來源:蔡俊彥IG)
東京奧運 呂爵安 蔡俊彥
(圖片來源:蔡俊彥IG)

蔡俊彥在東京奧運接受訪問時曾指:「我之前有位大學好好嘅朋友喺鏡頭前面同我講加油,我頭先成個腦都係佢啲歌,咁我祝番佢嚟緊嘅票房大賣。」蔡俊彥指的便是Edan呂爵安,二人是香港大學宿舍的室友﹗

東京奧運 呂爵安 蔡俊彥
Edan和蔡俊彥相識在香港大學﹗(圖片來源:呂爵安IG)
東京奧運 呂爵安 蔡俊彥
蔡俊彥(左一)與Edan(左三)是大學宿舍室友﹗(圖片來源:呂爵安IG)
東京奧運 呂爵安 蔡俊彥
大家經常一起出動﹗(圖片來源:呂爵安IG)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!