林作

林作縮沙拒戰狂抽水賣廣告 鍾培生晒100萬現金邀林作擂台見

最新娛聞

廣告

擁有百億身家的富三代鍾培生近日接受傳媒訪問時提到自己做KOL每年都會豪派100萬去回饋訂閱會員,被林作留言嘲諷:「抄我100萬?」之後鍾培生向林作發出隻揪宣戰,林作回應「驚都未驚過」更話要眾籌70萬湊錢上擂台,但在今日(2月19日)凌晨他突然改口表示要畀番200萬鍾培生,讓他給自己打一鑊,狀似要縮沙,跟住林作仲瘋狂抽水,用今次隻揪事件狂賣廣告,鍾培生就直接攞出100萬現金,邀請林作「擂台見」!

文:東方新地|圖:林作、鍾培生IG及FB圖片

林作:為作戰作準備

林作早前曾以半價出售心愛的名牌西裝,表示要籌夠100萬以為其保險團隊招募100個人才。金額與鍾培生訪問中所說相同,因此林作在這篇報道下留言嘲諷:「抄我100萬?」鍾培生隨即向林作宣戰說:「你咁想紅我幫你,我地打一場,你贏左我幫你找100萬,你輸左我都比30萬出場費你。」

林作縮沙拒戰狂抽水賣廣告 鍾培生晒100萬現金邀林作擂台見
現年30歲的鍾培生是香港電子競技有限公司創辦人兼行政總裁,有「香港電競之父」的稱號。
林作縮沙拒戰狂抽水賣廣告 鍾培生晒100萬現金邀林作擂台見
林作寸鍾培生抄佢「100萬」條橋,引來鍾培生向他發隻揪宣言。

林作初時曾上載自己兩張打拳照,揚言:「驚都未驚過。我打開。」又在網上發起眾籌70萬,話要「同佢死過!」但並未有寫上收款方法,而鍾培生就回應:「你唔使呃香港人錢,你話要有一球就打,無問題港幣一百萬我贏輸都畀你,我依家book場搵製作同寫合約,你唔使講咁多廢話你簽約唔好縮沙就OK。No bullshit let’s go!」

林作縮沙拒戰狂抽水賣廣告 鍾培生晒100萬現金邀林作擂台見
林作回應未驚過,鍾培生立即用「No bullshit let’s go」邀戰。
林作縮沙拒戰狂抽水賣廣告 鍾培生晒100萬現金邀林作擂台見
鍾培生開盤100萬要求林作跟他上擂台對打,林作初時表示「驚都未驚過」。
林作縮沙拒戰狂抽水賣廣告 鍾培生晒100萬現金邀林作擂台見
更上載自己的打拳相,話要「同佢死過」!
林作縮沙拒戰狂抽水賣廣告 鍾培生晒100萬現金邀林作擂台見
鍾培生承諾港幣一百萬無論贏輸都會畀林作。

兩個有錢仔派咁大粒花生,網友當然搶住食,不過網友偏向覺得鍾培生贏面比較大,留言勁寸林作:「你都應該比人教訓架啦。」、「打死左,就係林作保險最大既宣傳。」、「知唔知你對手曾經係拳手?」、「一睇你身形就知你係練武奇才,加油。」

林作縮沙拒戰狂抽水賣廣告 鍾培生晒100萬現金邀林作擂台見
網友都力撐鍾培生。
林作縮沙拒戰狂抽水賣廣告 鍾培生晒100萬現金邀林作擂台見
仲話好想睇鍾生直播打林作。
林作縮沙拒戰狂抽水賣廣告 鍾培生晒100萬現金邀林作擂台見
亦有網友指林作同鍾培生係半斤八兩。

之後林作上載與母親飲茶及派利是照,表示「無暇顧及鍾先生的邀約」,又說:「目前本人態度開放,但老媽子表示不認識鍾先生,擔憂未夠知名度(並非惡意,僅僅陳述事實),需要少少時間起底並衡量。我們不懷疑對方家底比自己厚,但有錢不代表一切。」似乎採「拖」字訣。

林作縮沙拒戰狂抽水賣廣告 鍾培生晒100萬現金邀林作擂台見
林作攞阿媽上枱,指老媽子擔憂鍾先生未夠知名度,需要少少時間起底並衡量,被鍾培生指責冇誠信。

到了今日(2月19日)凌晨林作又改口對鍾培生說:「鍾培生先生,我諗過架喇,以下係我嘅答覆:我畀200萬港紙畀你,你畀我打一鑊。」又上載生髮廣告片,話自己正在調理身體,為作戰作準備,並在片中戴上一條毛巾頭帶時,說:「呢條頭巾會係我到時上擂台PK鍾培生時所著嘅!」瘋狂抽水!

林作縮沙拒戰狂抽水賣廣告 鍾培生晒100萬現金邀林作擂台見
林作拍片並留言:「我俾200萬你,你俾我打一鑊,最好睇。」
林作縮沙拒戰狂抽水賣廣告 鍾培生晒100萬現金邀林作擂台見
鍾培生就繼續邀戰,仲話可以第一個回合唔還手!
林作縮沙拒戰狂抽水賣廣告 鍾培生晒100萬現金邀林作擂台見
林作又拍生髮廣告狂抽鍾培生水,話會戴住呢條頭巾同佢PK!

鍾培生:唔該唔好再抽我水

網友都紛紛留言鬧爆林作淆底縮沙,表示:「仲喺度拍廣告!?咪走數,幾時打?」、「人地錢都拎埋出黎,你唔係唔打呀?」、「笠水唔打就出聲啦,做男人做到咁核突。」、「同佢打好過你做COT喇!一日賺一百萬,我係你就撩佢星期一至五日日打,星期六日休息shopping買西裝。」

林作縮沙拒戰狂抽水賣廣告 鍾培生晒100萬現金邀林作擂台見
網友都鬧爆林作抽水拍廣告。
林作縮沙拒戰狂抽水賣廣告 鍾培生晒100萬現金邀林作擂台見
不停用鍾培生句「No bullshit let’s go」催林作應戰。

而鍾培生就晒出一張手拿一大叠一千蚊紙的相片,再度向林作宣戰說:「林作呢度100萬,你簽左就係你嘅。我本身唔識你,你零誠信令我睇唔起你。唔該你唔好再抽我水,我唔想同你拉上任何關係。擂台面前人人平等,你要借我上位擂台見。我相信打得成,會係近年來香港人最開心嘅事。No bullshit let’s go!」

林作縮沙拒戰狂抽水賣廣告 鍾培生晒100萬現金邀林作擂台見
鍾培生指他手下的一千蚊紙夾埋有一百萬。
林作縮沙拒戰狂抽水賣廣告 鍾培生晒100萬現金邀林作擂台見
鍾培生話除咗上擂台外唔想同林作拉上任何關係。
林作縮沙拒戰狂抽水賣廣告 鍾培生晒100萬現金邀林作擂台見
鍾培生話打得成嘅話相信會係近年來香港人最開心嘅事。

網友都大讚鍾培生係「真男人」,又話「支持打爆林作」、「打完媾埋佢條女」、「有冇得眾籌打死佢」、「支持啊!唔好放水!加操打大力啲!」、「鍾老闆,打還打,記得打面!」等,狂食花生,連王晶個女王子涵都有留言力撐鍾培生!

林作縮沙拒戰狂抽水賣廣告 鍾培生晒100萬現金邀林作擂台見
網友都好支持鍾培生打爆林作。
林作縮沙拒戰狂抽水賣廣告 鍾培生晒100萬現金邀林作擂台見
連王子涵都留言支持鍾培生(Derek)!
林作縮沙拒戰狂抽水賣廣告 鍾培生晒100萬現金邀林作擂台見
王晶女兒王子涵。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!