林夏薇30歲停工生B 生一個獎一億

Q: 將來還有什麼演唱會值得留意？

有不少歌手宣布舉辦演唱會，小編為你整合了 2023香港演唱會+搶飛攻略一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

林夏薇為生仔做足準備

林夏薇遇富愈富，有指婚後即穩袋兩億家用，仲有車有樓揸手，現與老公同住山頂獨立屋，閒時坐自家遊艇出海，生活寫意，不過莫贊生經常飛外地工作，一個人住咁大間屋，都係時候為獨立屋添個小主人。據知林夏薇老公婚後已心急想生仔，不過見老婆事業剛有起色，他亦願意讓步，不過年紀愈大生仔壓力都愈大，知情者透露：「Jason真係好鍾意小朋友，不過佢真係好錫薇薇，結婚時薇薇都係得28歲，佢話好想再拍多幾年戲先生仔，因為做咗媽媽乜都要以仔女行先，再加上呢兩年幾連開咁多間食店，佢都想生意上晒軌道先，Jason惟有等吓啦！不過男方家人不停畀壓力，薇薇就話仲後生啫，但Jason已經45歲，而薇薇見到身邊姊妹個個都生晒，亦終於開始動搖喇！舊年6月薇薇30歲生日，Jason喺遊艇同佢慶祝生日，當晚佢哋傾好咗未來一年要努力造人，Jason好興奮好期待，話必有獎賞，等薇薇拍埋手上最後一套劇就開工，佢哋嚟緊會去外遊，喺relax嘅環境同心情下，希望好快就有好消息啦！」

為了一擊即中，林夏薇近半年不停操弗自己，時刻保持最佳狀態，兩夫婦不時在獨立屋內的自家健身室做運動，知情者說：「之前薇薇一路拍劇搞到身體好差成日病，依家套劇終於煞科，佢就成日做運動又去睇中醫keep住調理，兩夫婦仲一齊去做身體檢查，大人健康啲，生出嚟嘅BB就更加健康啦！」

被批生龍鳳胎

早前林夏薇為新劇《逆緣》做宣傳，活動上麥玲玲師傅為眾人測字指點迷津，林夏薇以「明」字問添丁，麥玲玲指她今年報喜機會高，更可能懷上龍鳳胎，她即場開心回應：「希望承師傅貴言，龍鳳胎梗係好。我哋好鍾意小朋友嘅，好想生3個，不過都要睇緣份，我同老公各有各忙，見都冇時間，好似同屋住，所以我拍完《十二傳說》後會休息一段時間，可以多啲陪屋企人。」林夏薇所講的停工是指不再接劇，即使陀B成功，亦會照樣接其他工作及打理食店生意，不過一切都以生仔行先。

老公陪出入

結婚兩年半，林夏薇與莫贊生仍像熱戀，雖然因為工作不是經常見面，但二人都珍惜相處的時間，不時互氹為日常生活增添情趣。早前本刊記者直擊夫婦二人由司機接送到中環，林夏薇去髮型屋恤髮，莫贊生就到附近閒逛等老婆，二人甚有默契。嫁入豪門非易事，要同富豪老公講心又講金就更加難，不過林夏薇兩樣都做到，現在停工生B，老公仲畀獎金，一億都當係碎銀，絕對是人生大贏家。