楊明

楊明拍劇抄車驚見骨 莊思明眼濕濕

最新娛聞

廣告

楊明今日為新劇《心理追兇MIND HUNTER》因拍電單車戲炒車受傷膝蓋爆裂見骨,由工作人員陪同送往醫院救治!而楊明照完X光後,幸好醫生稱並冇傷及骨,更已經洗了傷口,但因為傷口實在太深,所以膝蓋位仍未能縫針,楊明表示稍後會轉往私家醫院醫治。

其他文章︰

愛.回家之張秀文水着救亡

馬明勇敢表白:鍾意唐詩詠

女友莊思明眼濕濕

女友莊思明得知楊明炒車,即趕往醫院陪伴男友,期間思明勁擔心男友傷勢而眼泛淚光。對於楊明冇用替身致炒車,係咪好擔心,莊思明說:「梗係擔心啦!(叫佢用替身?)自己都係呢行冇得好講,惟有叫佢小心啲,希望佢好好休息!」而楊明表示:「揸電單車個鏡頭自己嚟,可能技術唔好,撞咗埋壆!(平時有揸?)都有。」

馬明:好擔心

同劇演員馬國明同蔡思貝,對於楊明因拍劇炒車受傷入院,二人直言未有目撃事發經過,馬明說:「我哋都係後尾先知佢受傷,我有走去睇佢,去到時見佢見坐咗喺度,見到膝頭受咗傷,睇到幾嚴重,好擔心佢!」而思貝則說:「我冇去睇,聽人講好嚴重,希望佢快啲好,可以快啲歸隊。」

湯鎖業:傷口好大個窿

同場跟楊明一齊拍外景嘅湯鎮業,得知道對方受傷後,心痛之餘更讚楊明專業精神可嘉:「現場見到佢個膝頭爆開咗,好嚴重,好大個窿,我都想死!場戲係拍佢要飛車,可能想效果好啲,佢自己揸番,可能佢唔係揸得好叻,後生仔真係搏,唔知危險,出咗事,佢仲話想繼續拍,文戲補大頭喎,我話點拍呢?個傷口咁深,佢面都青埋,我見到都心噏,依家無綫啲藝人真係精神可嘉,我就叫佢入院,成班演員就繼續拍緊呢場重頭外景,我哋都遠距離鼓勵楊明!」

失重心撞路壆

對於意外發生後情況,該劇監製王偉仁說:「佢拍一場電單車戲去救湯鎮業,主要用替身,啱啱拍淨呢個shot佢話想親身上陣,其實佢試過幾次唔係太危險,點知拍攝時有少少失去重心,人同電單車撞落旁邊路壆。(當時傷嚴重?)睇落膝蓋位有傷,佢好有責任心,仲叫我不如拍埋大頭先啦,佢自己話冇嘢,但我一定要佢入醫院檢查。(會否影響進度?)要睇佢情況,因為楊明好重戲分。」

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!