江美儀

江美儀「細女」熊子逸變女神 網民大讚:大個咗靚咗!

最新娛聞

廣告

唔知大家仲記唔記得劇集《親親我好媽》中飾演江美儀細女「嚴茜聰」的小演員熊子逸(Sophia)?近日,Sophia於新西蘭番咗香港,仲即刻同「家人」團聚!不過,原來14歲的Sophia短短一年多,個樣已經變得大個女咗,睇相仲以為係邊位女神!

撰文:東方新地|圖片:微博、《親親我好媽》劇照、Facebook、Instagram

江美儀與「女兒」團聚

日前,江美儀於個人社交網上載兩張與「女兒」一齊合影的大合照,據知,於劇集《親親我好媽》飾演江美儀細女「嚴茜聰(Echo)」的小演員熊子逸(Sophia)近日於新西蘭番咗香港,所以就馬上同「家人」團聚!雖然「媽咪」江美儀同「家姐」江嘉敏都有出席一聚,但就唔見「老竇」黃智賢。

時間過得快,但Sophia長大得更快,現年14歲的Sophia短短一年多,外貌已經睇落唔同咗,已不見當年拍劇的稚氣樣貌,識化妝,而且亭亭玉立 ,連網民都大讚佢大個咗靚咗,更有氣質!

江美儀「細女」變女神

望番Sophia的個人社交網,原來佢不時就會po靚相上網,仲要勁有女神feel,皆因佢擺哂甫士兼chock哂樣咁,唔講都隨時認唔到係當年個小演員!

只會吃🌝

A post shared by Sophia Hung (@sophia_hungt) on

bye🇬🇧

A post shared by Sophia Hung (@sophia_hungt) on

💨

A post shared by Sophia Hung (@sophia_hungt) on

據了解,Sophia拍完《親親我好媽》後,就同哥哥去咗新西蘭升學,最近就放假,所以就番咗香港過暑假。

🚁

A post shared by Sophia Hung (@sophia_hungt) on

嗯 我知道我胖了 真的要減了😂😂🤦🏻‍♀️

A post shared by Sophia Hung (@sophia_hungt) on

做自己💨

A post shared by Sophia Hung (@sophia_hungt) on

雖然Sophia依家先14歲,但有時會擺下啲誘人甫士,仲留言指:「難得女生一天所以要發點照騙」、「今天是不一樣的熊熊」望住啲相,真係對長大咗嘅Sophia另眼相看!

難得女生一天所以要發點照騙🖤

A post shared by Sophia Hung (@sophia_hungt) on

今天是不一樣的熊熊🐻

A post shared by Sophia Hung (@sophia_hungt) on

《親親我好媽》「嚴茜聰」

只有13歲的Sophia在《親親我好媽》中飾演江美儀及黃智賢的細女「嚴茜聰」,角色聰明又帶點反叛,會跟嫲嫲學打麻雀;同時係一位敢作敢言的學生,遇到老師的不公評分,會大膽向老師爭辯,演活了一位桀驁不馴的小學生。

劇集出街後,觀眾紛紛讚賞Sophia臉孔清新,臉圓圓又有可愛酒窩,而且演技自然不造作,難怪大家都想佢係咩來頭!

與家燕媽媽結緣

Sophia原來自小已經充滿表演慾,每逢學校舉辦活動都一定會參與表演,而Sophia媽媽為培養女兒的演藝天份,早年就為其報讀薛家燕創辦的「家燕媽媽藝術中心」,接受演藝、唱歌及跳舞等訓練。

Sophia成為學生後與家燕姐結緣,並在對方的引薦下做童星,參演無綫劇集。

8歲捐骨髓救弟

Sophia年紀輕輕已備受矚目,看似前途無限,但其實小女孩背後有過一段不為人知的慘痛經歷。今日有報道指,Sophia來自一個典型的基層家庭,比佢年幼三歲的弟弟自小患上白血病,後來驗出兩姊弟的骨髓吻合,於是醫生建議Sophia捐出骨髓移植到弟弟身上。

大家都知道捐骨髓過程既危險又痛苦,但當時只有8歲的Sophia堅持一定要救到細佬!雖然弟弟後來康復,可惜在兩年前由於接受骨髓移植後出現排斥,離開人世。

9歲親睹表哥被跳樓婦壓死

另外在Sophia 9歲時,其表哥謝子洋從國內到香港旅行時,不幸發生意外。當日 Sophia與弟弟、媽媽及表哥去到小西灣邨,但表哥步入大廈前不幸被一名跳樓自殺的婦人壓死,終年19歲。

小女孩目睹這血淋淋的一幕,陰影可想而知。不過Sophia表現得非常堅強,更會反過來安慰其他人。

新西蘭升學

雖然父母早年離異,不過媽媽近年經濟環境有改善,所以Sophia去年拍畢《親親我好媽》後,媽媽就送佢與18歲的哥哥一同到新西蘭升學。

小女孩亦明白媽媽節衣縮食的苦心,揚言會努力讀書。咁希望Sophia將來完成學業後,可以考慮加入娛樂圈,再次拍劇俾大家睇啦!

繼續一家親

劇中的「嚴茜聰」敢作敢為,性格較男仔頭,反而現實中的Sophia斯文有禮,佢就話全靠劇中「媽媽」江美儀悉心教導,先成功演繹一個與自己性格相反的角色。

眾人在鏡頭內外都相處得十分愉快,不時會相約食飯,Sophia更當美儀係真媽媽咁,生活上的問題都會問佢意見!


將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!