沈卓盈

沈卓盈一索得男 BabyJayden重6.2磅 換片連環請飲茶

最新娛聞

廣告

「沈大師」沈卓盈2019年與家族經營內衣生意的富貴男友Calvin結婚,今年初宣布懷孕,終於在520這個好日子,沈卓盈宣布一索得男,與老公Calvin的愛情結晶品BabyJayden出世了!

撰文:東方新地 圖片:沈卓盈IG圖片

沈卓盈難掩興奮

初為人母的沈卓盈,出院後選擇在520跟大家報喜,分享榮升媽咪的喜悅和過程。提起Jayden BB,難掩喜悅的沈卓盈說:「BB重6.2磅,為我接生嘅姑娘話BB嘅喊聲好響亮,老公有陪我入產房開刀分娩,仲親手為BB剪臍帶,成個過程好順利,生嘅時候真係好緊張,當聽到BB喊聲同睇到佢嘅一刻都忍唔住喊咗出嚟,老公同我一齊見證BB出世呢個寶貴嘅一刻,真係好感動!」

沈卓盈
沈卓盈為老公Calvin一索得男,一家三口首張全家福曝光。
沈卓盈
沈卓盈選擇在520宣布喜訊。

沈卓盈話BB似爸亦似媽

至於BB似邊個?沈卓盈話:「屋企人就話BB嘅額頭同嘴仔似爸爸,對眼同個鼻就似我,我就覺得BB瞓覺嗰時好似爸爸,眼仔碌碌嘅時候就好似我。」

沈卓盈
沈卓盈表示囝囝眼仔碌碌似佢。
沈卓盈
沈卓盈上載了一張她圍住BB腳板仔整了個心的照片,好有愛。

安胎中的沈卓盈

作為新手媽咪的沈卓盈表示產前沒有特別上堂學習湊B,跟其他媽咪一樣,邊湊邊學,身邊的朋友已給她溫馨提示,初生BB頭幾個月會比較難湊,沈卓盈已經做好心理準備,笑言第一次幫BB換片的時候,BB已經請了她與老公飲茶,仲一日請兩次,真係又狼狽又好好笑,雖然現階段湊B比較辛苦,又攰又唔夠訓,但每一個過程都好享受同開心。

沈卓盈
早前沈卓盈拍攝了多輯孕照,非常性感。
沈卓盈
沈卓盈只希望BB健健康康,食得又瞓得,她更為BabyJayden作好一切準備,經歷人生另一個新階段。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
沈卓盈