沈殷怡

沈殷怡上《絲打圍爐》講心儀對象 春心蕩漾公開向Jeremy@MIRROR示愛

最新娛聞

廣告

ViuTV性感女神沈殷怡(Shirley)日前接受網上節目《絲打圍爐》訪問,被主持蝦頭楊詩敏問到「圈中最為吸引你的異性朋友」時,沈殷怡即時春心蕩漾,公開向Jeremy@MIRROR示愛,坦言覺得Jeremy好正好吸引,仲話佢唔係行大隻男路線一樣咁愛佢,估唔到外表狂野的沈殷怡,竟然為了Jeremy變得含羞答答。

沈殷怡 27歲的沈殷怡原來仲有好多少女心事。
27歲的沈殷怡原來仲有好多少女心事。(圖片來源:IG@shamshirley)
沈殷怡 早前沈殷怡與米露迪一齊上《絲打圍爐》接受訪問。
早前沈殷怡與米露迪一齊上《絲打圍爐》接受訪問。(圖片來源:《絲打圍爐》發相)

沈殷怡提Jeremy怕醜面紅

沈殷怡今次與網紅米露迪一齊亮相網上節目《絲打圍爐》,沈殷怡大講自己的感情史之餘,玩遊戲時被蝦頭問及「圈中最為吸引你的異性朋友」,她含羞答答地問如果互相都有followIG算唔算朋友,蝦頭叫她照分享,沈殷怡公開表示對MIRROR的Jeremy(李駿傑)非常有好感:「我好想講MIRROR嘅Jeremy,我覺得好正。」說時沈殷怡面都紅晒,仲搞笑地用張紙遮住自己個怕醜樣。

沈殷怡 講到心中的白馬王子,沈殷怡回答是MIRROR中的Jeremy。
講到心中的白馬王子,沈殷怡回答是MIRROR中的Jeremy。(圖片來源:《絲打圍爐》影片截圖)
沈殷怡 沈殷怡懷春一樣,講起Jeremy面都紅晒。
沈殷怡懷春一樣,講起Jeremy面都紅晒。(圖片來源:《絲打圍爐》發相)

沈殷怡為Jeremy春心蕩漾

沈殷怡自爆與Jeremy在同一個地方學唱歌,雖然會點頭打招呼講「Hi」,但不算是朋友,她說時像極懷春少女一樣,米露迪即教路叫沈殷怡下次見面時乘機摸住Jeremy手臂讚佢好大隻,沈殷怡衝口而出說:「Jeremy唔係行呢個路線,但我都好愛佢。」擺明公開示愛,沈殷怡坦言一直有留意Jeremy動向,繼續有讚無彈:「佢工作好認真,會打理自己生活,係好charm嘅一個男仔,佢有養貓又識做家務,好有愛心……好欣賞佢。」

沈殷怡 沈殷怡冷靜唔到。
沈殷怡一講Jeremy冷靜唔到。(圖片來源:《絲打圍爐》發相)
沈殷怡 怕醜到搵卡紙掩面。
怕醜到搵卡紙掩面。(圖片來源:《絲打圍爐》發相)

沈殷怡話見到Jeremy會淆底

蝦頭問沈殷怡如果有機會與Jeremy一齊主持節目會如何打開話匣子?沈殷怡即掩面怕醜答:「佢喺我面前,我係完全唔敢出聲,我會好淆底,佢同我講嘢會好緊張。我可以拍劇,叫魯生(魯庭暉)試吓開佢霸道總裁我嘅劇,拍劇有台詞會覺得冇咁尷尬,合作做主持就要睇互動。」蝦頭笑指沈殷怡一講男神Jeremy即心心眼,她忍不住回應:「真係、真係、真係嘅。」另一主持連詩雅亦提醒沈殷怡下次見到Jeremy要保持鎮定,沈殷怡就話自己可能會跑走。

沈殷怡 沈殷怡今年27歲,Jeremy26歲,年紀相近。
沈殷怡今年27歲,Jeremy26歲,年紀相近。(圖片來源:IG@jeremy_0908)
沈殷怡 沈殷怡坦言Jeremy其中一個優點係有養貓有愛心。
沈殷怡坦言Jeremy其中一個優點係有養貓有愛心。(圖片來源:IG@jeremy_0908)

去片!睇沈殷怡公開向Jeremy示愛

沈殷怡 沈殷怡最近剪了短髮。
沈殷怡最近剪了短髮。(圖片來源:IG@shamshirley)
沈殷怡 沈殷怡表示多年未試過剪短髮,笑言個頭輕了不少。
沈殷怡表示多年未試過剪短髮,笑言個頭輕了不少。(圖片來源:IG@shamshirley)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@jeremy_0908、IG@shamshirley、《絲打圍爐》發相、《絲打圍爐》影片截圖