沙律

沙律張沛樂宣示主權 繼續消費反省中的保錡

最新娛聞

廣告

ERROR成員吳保錡媾女搞到一身蟻,再加上直播爆粗,形象衰到貼地,幸獲經理人花姐力撐畀機會,保錡亦有誠意改過願意反省,最近ERROR人氣急升又有新節目《ERROR自肥企画》出街,保錡解凍有望,不過沙律張沛樂就變成豬女友幫倒忙……

撰文:東方新地 圖片:沙律IG圖片、保錡IG圖片

沙律
沙律與保錡公開戀情後,保錡即被揭媾女黑歷史。
沙律
保錡戀沙律後一度意氣風發,形象盡毀。

沙律保錡晒愛晒出禍

組合ERROR成員吳保錡與性感女神沙律張沛樂被踢爆戀情後,負面新聞未停過,保錡先被正印女友賴嘉賢(Carrie)指證未甩拖另結新歡,又有聲稱是吳保錡前度女友的K小姐踢爆男方慣性出軌,沙律仍公開力挺吳保錡仲愈愛愈高調。之後保錡在社交網玩直播被網友留言話佢似八両金同埋「呃蝦條(呃女仔上床)」,令佢火起爆粗反擊,而沙律就一直在旁和應。相隔唔夠一個月,沙律以為雨過天晴,急不及待在其社交網恢復放閃,在限時動態玩有問必答。

沙律
沙律話自己被屈係第三者,感受就好似畀人綁架。
沙律
保錡反省期間,沙律本來靜了一段日子,不過近日她又在社交網消費保錡,公開晒愛。

沙律高調講保錡

保錡公開戀情後形象盡毀,更令網民極度反感,群起叫花姐飛保錡出ERROR,花姐教路叫保錡退下火線自我反省,連月來保錡學識低調行事唔再搞事,網民亦開始心軟接受保錡,可能沙律以為雨過天晴,即急不及待放閃。

沙律
有網民叫沙律晒張同保錡的合照出來,沙律話男友在反省中有難度,把保錡的樣用「反省中」三字遮掩。
沙律
沙律都係忍唔住,放了一張與保錡手拖手的照片,不過就只影背面,仲留言I love u公開向男友示愛。

沙律三句唔埋兩句保錡

面對網民問起有關保錡的問題,沙律都好樂意回答,仲話當日同保錡一齊唔存在任何追求,講到好似天作之合一樣。

沙律
沙律被問及會唔會再同保錡一齊開直播,佢話好危險。
沙律
沙律透露保錡正在努力健身。
沙律
沙律話保錡冇追過佢,又話唔適合就點都唔會追到。

沙律戀愛大過天

經過大約兩個月的反省,保錡的誠意開始令網民感動,形象有好轉,ERROR粉絲亦開始重新接受他,沙律今次高調公開宣示主權,對保錡有害而無一利,大概沙律仍然未知甚麼是沉默是金,因為她只知戀愛大過天。

沙律
當日被踢爆戀情,沙律與保錡繼續高調唔理後果,結果搞到一身蟻。
沙律
保錡被取消不少工作,連宣傳新節目《ERROR自肥企画》都要坐後排被禁言。
沙律
沙律習慣性感搶fo,著得愈少布愈有noise。
沙律
為拍《ERROR自肥企画》,保錡做盡下靶位,甚至泡在水中拍攝。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!