深圳撞車 四哥骨裂急返港

深圳撞車 四哥骨裂急返港

最新娛聞

廣告

快將80歲嘅謝賢(四哥)、佘詩曼馬國明、黃浩然、麥明詩和陳法蓉等,近月在深圳拍無綫新劇《賭城群英會》,昨晚爆出四哥炒車致肋骨骨裂,麥明詩哮喘突然發作!

四哥炒車致骨裂

昨日四哥在深圳坐保母車往《賭城群英會》拍攝場地期間,暴雨下遇上交通意外,其座駕為閃避一架突然cut線嘅貨車而急煞車,惟仍撞向貨車車尾,而後面嘅車亦煞掣不及,致五車連環相撞,四哥更被拋離座位!

骨裂照開工

事發後,四哥沒發現身體不適,加上唔想影響進度繼續開工,點知拍攝始發現腰背劇痛,最後頂唔順急返港醫治,診治後發現左邊肋骨骨裂,四哥需要即時停工!發生意外後,霆鋒及婷婷即放低工作急探四哥,雖然受傷,但四哥受訪時笑言:「 我依家講嘢都痛,可能個天想警告我,叫我要小心啲,如果唔係唔俾我過八十歲啦!霆鋒同婷婷當然緊張,兩個都有搵我,婷婷噚晚仲陪到我深夜先放心走。」

霆鋒:多謝關心

爸爸謝賢發生車禍後,霆鋒同婷婷分別透過經理人霍汶希及助手回應:「多謝關心!」而戲內搭檔之一的佘詩曼亦剛從上海工作返回深圳拍攝《賭》劇,她得知四哥撞車,顯得十分憂心,並即時透過四哥經理人問候他,她說:「依家最緊要好好休息,我知道四哥好敬業,撞車後都堅持完成兩場戲先返香港,好想去探佢。」

而正值四哥撞車時,馬國明正在拍攝當中,不過他指對方好專業,他謂:「其實四哥主要係傷咗腰嘅肌肉,我見佢隻手都有啲擦傷,希望佢快啲冇事啦!聽聞劇組可能將四哥剩低戲份搬返香港拍,咁佢就唔使再返大陸。」

麥明詩哮喘發作

本身患哮喘嘅麥明詩昨日拍攝時突然哮喘發作,呼吸出現困難,之後即返港治理,麥明詩說:「我由細到大都有哮喘,遇上污濁空氣刺激到氣管就發作,今次發作都真係幾犀利,再加上我冇帶急救用嘅藥,所以要返香港睇醫生,不過依家冇事,劇組好好,好照顧我。」幸兩人最終冇事,真係要還神喇!

延伸閱讀:

《性在有情》輝哥敏之好性福 陳華鑫索爆學生妹

被李麗珍飛 慘被分手 潘源良:唔知咩事

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!