港姐

【港姐2018】17號陳曉華摘后冠 鄧卓殷、丁子田封亞、季軍

最新娛聞

廣告

《2018香港小姐競選》今晚圓滿結束,20位佳麗均在台上展現最美麗一面,在今年再次加入全民投票的賽制下,季軍7號丁子田、亞軍20號鄧卓殷,而冠軍則為 17號陳曉華奪得!

唔知各位觀眾對呢個賽果滿唔滿意呢?

撰文:東方新地|圖片:東方新地

港姐2018賽果 冠軍17號陳曉華

2018年港姐冠軍正式誕生, 由17號陳曉華奪得!樣貌身材出眾的陳曉華(Hera),今夏於中大護理系畢業,更被爆有個明星前男友狄易達!

最後由陳曉華攞咗冠軍,由上年嘅冠軍雷莊兒為佢加冕!

上年嘅雷莊兒正式卸任!

喺才藝表演環節,陳曉華表演空中瑜珈!

亞軍20號鄧卓殷

現年23歲的20號鄧卓殷(Amber)除了奪得亞軍,仲攞埋最上鏡小姐,成雙料港姐。Amber畢業於港大建築系,現職是是一名見習建築師。在學期間,她曾在由亞洲權威雜誌Perspective舉辦嘅年度設計頒獎盛事A&D TROPHY AWARD獲獎,同時學咗十幾年中國舞,真係才貌雙全。

亞軍鄧卓殷獲讚泳裝環節騷急才,臨場想到為農夫改新名「播種的機」,引得全場歡笑及拍掌。她謙認賽前做足功課,有找過農夫的背景資料。

決賽當晚,從小習舞的Amber表演強項中國舞,難怪獲星級評判激讚。

Amber笑容甜美,比賽當晚表現自然又有自信,獲亞軍也相當合理!

季軍7號丁子田

今屆入選港姐20強的佳麗中,7號丁子田(Sara)來頭最勁,除咗係富二代、提名人係導演張堅庭之外,仲有個喺《BB來了》演陪月員嘅姑媽、甘草女星丁主惠,難怪賽前被視為今屆港姐大熱門!不過她在昨晚表現有點緊張,但仍憑住高貴氣質獲得季軍!

友誼小姐 8號陳靜堯

任小學教師的8號陳靜堯雖未入12強,但在較早前泳裝會見傳媒中,獲20位候選佳麗投選佢做「友誼小姐」,可謂先拔頭籌。

何泳芍、陳苑澄 入5強

入圍5強的候選港14號何泳芍(Honey)和15號陳苑澄表現淡定,發揮到水準,其中Honey未能入三甲有點跌眼鏡,連佢自己都話有少少失望!

身形勻稱的Honey,擁有一身古銅色肌膚,任潛水教練的她被問到如何說服鄭裕玲和汪明荃一齊學潛水,Honey話Do姐身形弗爆,著泳衣絕無問題!

在才藝表演環節,Honey一路唱歌一路玩杯子舞!

陳苑澄:邊度跌低邊度企番起身

15號陳苑澄賽前因挑戰網上流行的「Kiki Challenge」,在汽車行駛時打開車門落地跳舞,將片段上載社交平台即惹來外界抨擊,她事後喊住道歉,而呢晚她表示父母教佢要邊度跌低,邊度企番起身!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!