港姐

港姐17號係最幸運號碼 歷屆出過6位冠軍!

最新娛聞

廣告

一年一度的港姐競選已經落幕,今年冠軍為23歲護理系畢業生、17號佳麗陳曉華(Hera)!決賽當晚,主持陸永曾指17號係歷來最多次當選的號碼,而佢亦唔係吹水,因為歷來共有六位17號佳麗奪冠,單單近六年已經出了三個港姐冠軍!

撰文:東方新地|圖片:新傳媒、Instagram

2018港姐冠軍 17號陳曉華

剛剛過去的星期日,2018年港姐冠軍正式誕生, 由賽前大熱之一的17號陳曉華(Hera)奪得!

|決賽表現夠平均

陳曉華決賽當晚表現唔算最亮眼,但勝在夠平均,同埋本身條件實在係強勁!

 

17號佳麗陳曉華奪冠前一直都係大熱,決賽當晚陸永就曾講過一番話,佢話17號原來係個幸運號碼, 因為係歷年最多次當選港姐冠軍的號碼!睇番資料,原來咁多年來共有六位17號佳麗當選港姐冠軍,單單係近六年已經有三位啦!

|2013年冠軍陳凱琳

2013年港姐冠軍陳凱琳(Grace),當年Grace以171,477觀眾選票當選,佢當年係17號佳麗!

一年後陳凱琳代表香港參選《國際中華小姐》,最後同樣以大熱姿態奪冠,係歷來第三位奪冠的香港佳麗,厲害!

今月榮升鄭太

陳凱琳選美後加入TVB,幾年來都拍過唔少劇集,但最重要都係拍攝《殭》時邂逅比自己年長22年的鄭嘉穎!陳凱琳與嘉穎今月12日於峇里舉行婚禮,「父女戀」開花結果!

|2012年冠軍張名雅

陳凱琳的前一屆冠軍師姐、2012年港姐冠軍張名雅,原來又係17號佳麗!不過當年港姐首次以全民投票選出,點知最後關頭,網上投票系統伺服器發生問題,令本來應該屬冠軍的朱千雪失落寶座,令張名雅感覺未算實至名歸?

12月再生B

雖然演藝事業唔算大紅大紫,但張名雅家庭生活就非常幸福啦!早年同律師老公Joe結婚後,火速造人成功,誕下兒子Mario,依家囝囝已經1歲。上月張名雅出席劇集《BB來了》活動時,宣布透露已懷了4個月身孕,BB將於12月出世,佢坦言今次是意外懷孕,知道後非常驚喜!

|1989年冠軍陳法蓉

近六年已經出了三位17號港姐冠軍,依家講番遠少少先!現年50歲的陳法蓉為1989年港姐冠軍,當年同樣係17號!

|1984年冠軍高麗虹

之後到1984年港姐冠軍高麗虹,當年佢又係17號,呢位中澳混血兒同時係當年「最上鏡小姐」得主。

|1978年冠軍陳文玉

最後係40年前的港姐冠軍陳文玉,佢當年又係17號~

|9號、10號佳麗從未當選冠軍

今年港姐決賽當晚,陸永除了道出17號為歷屆最多港姐冠軍的號碼,同時稱9號和10號是從來未有成功當選!其中一個最接近冠軍寶座的9號,就屬2014年港姐亞軍王卓淇!

|2014年港姐亞軍王卓淇

|2009年港姐亞軍李姿敏

而另一位就係2009年亞軍10號李姿敏,佢10年卸任港姐亞軍後就離開TVB,2017年8月與澳洲籍練馬師賀賢在澳洲結婚。相信大家對佢印象都唔深。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
港姐