獨家訪問提林作 麥明詩落淚呻迷惘

獨家訪問提林作 麥明詩落淚呻迷惘

最新娛聞

廣告

麥明詩今日接受《新地》Live fb訪問,期間提到男友林作,麥明詩一時感觸落淚,仲表示感到好迷惘,似乎跟男友關係仍未好轉!

延伸閱讀︰

Jessica C.踢爆 伍允龍帶劉佩玥見老友

激罕!袁偉豪 自爆那些年校草真身

感到好迷惘

問到是否已同林作復合,麥明詩表示只係食lunch!至於近期有否異性追求,麥明詩笑言唔可以控制其他人做乜,「其實我覺得人長大了,人與人之間唔係咁清,當然唔係我想唔清晰(開始緊張,抓頭髮)…我驚我講到喊(手掩面)…唔係話可以咁清晰…人非草木!」當問到依家係咪感到好迷惘時,麥明詩直認:「我係好迷惘!(因為林作?)其實唔係喺佢身上,因為我依家廿幾歲,好多人喺呢個位都好lost!」此時,麥明詩掩面強裝笑容,但雙眼已通紅!

提感情事落淚

麥明詩自認係一個大情大性之人,不過,佢坦言身邊人未必了解佢感受!「其實,好多事好易令我開心,但唔係人人都get到,我覺得我係有啲奇怪,我要嘅開心係佢要明白我嘅emotions,或者佢幽默感要好特殊,變咗唔係個個都氹到我開心!但唔係送花送咭能觸動到我!」當記者再問你原諒咗佢(林作)未,麥明詩即情緒爆發,激動落淚說:「我覺得唔係話原唔原諒,件事唔係你哋睇到咁簡單!」

林作夜蒲識女仔

咁件事到底係點?早前麥明詩忙於在深圳拍無綫新劇《賭城群英會》,但同時林作就被發現與女友人Victoria夜蒲銅鑼灣,仲當街向對方「抄牌」。如此「明張目膽」,難怪Louisa即時嬲爆!據知Louisa在深圳拍劇時已經喊足好多日,一度拒聽男友電話,又難怪麥明詩到依家心情都未平伏!

之後麥明詩返港與林作見面,二人去到中環一意大利餐廳,據聞係佢哋第一次約會的地方,所以別具意義。期間林作都誠意十足,有風度地替女友點餐,又主動幫女友搞勻飲品。誰不知食飯途中氣氛急轉直下,麥明詩突然激動喊出嚟,不斷飲泣,林作頓時嚇得不知所措,只係不斷遞紙巾給女友,不斷氹女友補鑊。

FB留言冧女

麥明詩傷心唔係冇原因,之前林作曾被發現不時在Victoria fb留下曖昧字句︰「I can’t stare at this profit pic a moment longer because I fear I might fall in love with you… oh too late」(我不敢再盯著看這張相多一刻,因為我怕我會愛上你……噢,太遲了!) 嘩口花成咁,試問邊個女朋友會唔嬲?

 

呢位同林作過從甚密的Victoria原來跟林作一樣畢業於牛津大學,亦係法律系學生。佢去年曾任終審法院的司法助理,現時係大狀,同林作平起平坐!對此林作就指「抄牌」事件純屬一場誤會,仲話其實麥明詩都認識Victoria。睇番舊相,佢哋又真係有同場出現過喎!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!