王灝兒

王灝兒:「你頭先話係你個Ex!」 大爆宅男女神係吳業坤前度

最新娛聞

廣告

吳業坤入行以嚟緋聞對象十隻手指都算唔哂,更因而得到「偽毒坤」嘅名號,可見其食女功力絕對毋須質疑!近日,王灝兒(JW)就出賣坤哥,喺個人社交網大爆對方原來曾經同過一位女神拍拖!天呀!相信唔少人都會心碎!

撰文:東方新地|圖片:Instagram

王灝兒爆宅男女神係吳業坤前度

噚日,王灝兒(JW)就喺個人社交網上載一段限時動態片,片中就tag咗吳業坤同好姊妹何超蓮。片中一開首,JW就即刻問坤哥:「你頭先話超蓮係你邊個話?你個Ex(前度)呀?」

聽完呢句,相信大家個心都已經離一離之餘,可能仲會以為自己聽錯!好在,坤哥就馬上嗌唔係,但眼神就好似有啲恍忽。

雖然坤哥否認JW所講嘅嘢,但JW就繼續爆料,話:「你頭先話係你個Ex喎!」不是吧!有冇人會信先?

JW講到真有其事咁,結果令到坤哥都馬上再次澄清:「係Ex夢中情人!」真相大白!如果唔係真係嚇親唔少網友!

吳業坤勁識氹女

其後,JW又點會咁輕易就放過坤哥呀?JW就繼續問對方係咪依家唔鍾意啦?吳業坤就話:「JW正啲!」嘩,咁識氹人開心,難怪令JW笑唔停,果然係個溝女王呀!

吳業坤同家燕姐都傳緋聞

話說逢女都冧、魚翁撒網式媾女,合作親都傳緋聞,無堅不的吳業坤早前再下一城,同67歲家燕姐去到台灣拍新年特備節目都竟然「撻得著」!

人人叫「家燕姐」,佢叫「阿燕」,人人對前輩恭恭敬敬,佢竟然夠膽死當家燕姐係𡃁妹咁撩,爭住食家燕姐口水尾、食完話可以間接接吻、仲冧到爆話「仲有餘溫」㖭!

即係咁,有觀眾都睇唔過眼坤哥對住長輩冇禮貌,不過冧女嘅嘢你哋就真係有排都未去到坤哥境界,重點係氹到佢口中的「家燕」、「阿燕」好開心!坤哥,你又得咗喇!

王梓軒和糖妹大爆坤哥有收集家燕姐唇印嘅癖好,例如家燕姐飲水後在保溫壼留下唇印,坤哥九秒九拎起手機影低。

爭住食口水尾,仲話同家燕姐間接kiss,坤哥呢啲係逢女撩天性定為節目效果真係要問番本人至知。

吳業坤想追家燕姐大女?

話說早前吳業坤到新城接受家燕姐訪問,當時家燕姐曾笑稱勸坤哥唔好成日口花花,咁唔知家燕姐會唔會向坤哥介紹女仔?坤哥呢個時候竟然搶答:「珊珊 (家燕姐大女石祐珊)吖嘛,我電話都攞埋啦!」

見慣大場面的家燕姐都當堂窒一窒,仲話感情事要慢慢來!

家燕姐咁樣回應…

家燕姐呢日出席節目《流行經典50年》錄影,被問到與吳業坤的緋聞,家燕姐笑稱根本係誤會,話坤哥只係口花花,並無實際行動。

咁坤哥係咪想追其大女石祐珊呢?家燕姐就解釋係珊珊擔心兩人的緋聞,所以send訊息叫坤哥唔好亂嚟!正因為咁坤哥先會有珊珊電話。

無論家燕姐又好、珊珊又好,坤哥都係收吓把口比較好,唔好亂嚟啦!

坤哥收入十級跳 秘密搬去貝沙灣

坤哥靠「毒男」形象上位,拍戲唱歌廣告登台都有佢份,收入增加,而當年佢喺台慶更加扮一隻棋而成為話題!坤哥入行初期住喺樂富屋邨,之後上年畀本刊影到佢搬到大圍私樓,估唔到今年十級跳,搬去南區豪宅貝沙灣,真係財來自有方!

升呢做車主

昔日坤哥多以巴士或港鐵代步,非常慳家,參加過《超級巨聲2》出名後,被途人影咗唔少地鐵相。

不過佢去年憑〈原來她不夠愛我〉等大熱K歌橫掃各大頒獎禮,人氣急升,工作接不停。

所以漸漸開始改搭的士,今年再進一步,升呢做車主!

生意多多

升咗呢嘅坤哥早前跟《巨聲》陳國峰等合資在西環開拉麵店「巨二麵堂」,巨二取《超級巨聲2》的意思。

上年8月,坤哥在紅館舉行一場個人演唱會,多人留言斥責坤哥以歌手身份出道僅16個月便在紅館開個唱「歌都未夠」、「無咁大個頭戴咁大頂帽」等,但都為佢帶來30萬收入。

最近,勁賺過千萬嘅坤哥投資了6位數字在尖沙嘴開設西裝店Baron Tuxedo,開幕當日,請來JW及胡鴻鈞做嘉賓。

 

公屋搬風水屋

坤哥本與家人同住樂富橫頭磡邨公屋多年,最近租住新居大圍恆豐花園,20年樓齡,單位採三房兩廳間隔,800多呎,另有工人房及士多房,仲有埋會所,月租兩萬算好抵住。

曾有人目睹坤哥母親及胞妹在上址出入,估計孝順坤哥遷居後繼續與家人同住。居所背靠山巒,居住密度不算高,環境清幽,啱晒坤哥宅喺屋企寫歌!

墳景旺星途

恆峰花園背山面向城門河,不過大部分單位望到墳景,令不少人敬而遠之!但根據玄學家吳佩孚師傅指,其實墳景對藝人星途有幫助!

由於娛樂圈屬偏門行業,墳景雖然會加重陰氣,不過陰氣即係財氣,帶來財運的同時,更可幫助吸納女性粉絲,相信新居將更有助坤哥吸金!

吳業坤 麥美恩「出火」放煙花

吳業坤、麥美恩、歐陽偉豪(Ben Sir)及季蘋蘋早前到台灣拍《Ben Sir睇樓團》節目,夜晚就去咗墾丁出火風景區玩,眾人喺觀景區內大玩俗稱「仙女棒」的煙花!

而季蘋蘋事後晒合照,坤哥、麥美恩還分別在IG及Big Big Channel上載玩煙花的片段,見到片中眾人拎住煙花玩得相當盡興,麥美恩更超興奮用煙火整心心嘅效果!

好多人去台灣墾丁,都一定會去位於屏東恆春附近的國家公園「出火特別景觀區」,由於恆春半島地底蘊含豐富天然氣,所以嗰度地面終年有火焰噴出地面,形成「出火」奇觀。為保遊人安全,當地豎立「禁止進入」的標語﹐不過好多遊客都無視「禁止燒烤、踏入火源區」等地警告標語,企喺禁區內玩煙火、烤雞蛋、整爆谷⋯墾管處長劉培東表示,在「出火」玩火,係違反國家公園嘅禁止事項,可被判3,000元新台幣(約818港元)。

其實2013年台灣電視台就新聞報道指4月份有香港遊客到出火風景區遊玩時,喺公園禁區內放煙花同燒爆谷,片中三人名遊客,原來係阿感黎國輝、曾參加《超級巨聲》的周志文和駱胤鳴。

駱胤鳴事受接受訪問話:「當時唔知呀(犯法),現場有好多人喺度玩,係當地導遊帶我哋買煙花同爆谷,再帶我哋去呢個地方玩。」只能夠講句:人類總是犯同樣的錯⋯

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!