甜到漏 王祖藍 李亞男閃爆夫妻

甜到漏 王祖藍 李亞男閃爆夫妻

最新娛聞

廣告

王祖藍同李亞男去年結婚後,出名「愛妻號」嘅祖藍努力工作賺錢養家,祖藍於內地參與不同節目爆紅,人氣急升愈搵愈多,去年更斥資一億一千四百萬購入大埔逸瓏灣豪宅,新居只寫老婆個名!老公咁識做,李亞男亦經常陪伴祖藍四圍飛,照顧老公起居飲食,等老公放工後可以歎住家菜,而祖藍為慰勞太太,一得閒就去旅行過二人世界,又不時於網放閃晒恩愛,真係令人好羨慕!

其他文章:

必睇33C阿雪寫真

疑似舊愛曝光 吳若希男友急發聲明澄清

細心周到

王祖藍於內地爆紅後,有時亦會跟太太李亞男夫妻檔演出,祖藍亦唔介意演醜角,以突出太太美貌,真係唔話得!另外,雖然二人結婚一年多,但人前人後依然好sweet,而且祖藍係細心之人,訪問時見太太覺得有點凍,即主動為太太搭好披肩,絕對係好老公典範!

樂做跟得夫人

王祖藍為擔起成頭家,經常中港兩邊飛,甚至到其他地方工作,李亞男亦不介意做「跟得夫人」!而當老公出外工作後,李亞男獨自留在寓所中,通常都會親自下廚炮製不同菜式,等老公回來後可以大快朵頤!今時今日「無飯夫妻」就多,而亞男呢類入得廚房、出得廳堂嘅太太,真係絕無僅有喇!

抽空過二人世界

祖藍拼命工作,李亞男亦曾大讚老公:「我最愛梗係我老公,佢好錫我,又好錫屋企人同朋友,為家庭付出咗好多,工作又好搏,世上最好就係我老公,我以老公為榮!」雖然咁讚老公真係好肉麻,但李亞男又講得無錯!事關祖藍一有時間,就會陪太太去旅行享受二人世界,又唔介意太太晒火辣三點式泳照,認真大方!

情人眼裏高一D

雖然身高比亞男矮六吋,但祖藍說:「佢唔介意我矮,唔睇外表,我哋心靈溝通到先一齊。」而李亞男亦曾表示:「腿短嘅男朋友先可愛!」果然係情人眼裏高一D!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!