生駒里奈

生駒里奈哭別乃木坂46 盤點新一代日本短髮女神

最新娛聞

廣告

乃木坂46人氣主將生駒里奈將於下月正式離隊,日前佢喺東京日本武道館舉行畢業騷,全場1.2萬張門票超額認購達30萬張,同時畢業騷仲喺日本128間戲院同步直播,6萬張門票亦喺開售50分鐘內全部售罄,其人氣可見一斑。其實除咗生駒里奈,日本新生代女星中,仲有唔少大受歡迎短髮女神,人氣隨時直逼當年嘅新垣結衣同廣末涼子!

撰文:東方新地|圖片:網上圖片

生駒里奈乃木坂46初代主將

曾兼任AKB48成員嘅生駒里奈現年22歲,自2011年乃木坂46成立之初就加入乃木坂,自出道以來就係乃木坂46嘅人氣主將,仲被封為乃木坂嘅顏值擔當,深受粉絲喜愛。今年1月生駒里奈宣布將會離隊單飛,完成今次畢業騷,佢將於5月8日出席千葉幕張嘅握手會,之後就正式離隊。

乃木坂46近年爆紅程度直逼勁敵AKB48,生駒里奈早前分享離隊感受,表示:「雖然我好快就唔再係乃木坂46嘅成員,但我會一直鍾意乃木坂46嘅歌曲,尤其係〈你就是希望〉,相信以後我做其他工作時,仍然會想念呢首歌。」

生駒里奈喺畢業騷上獻唱多首由佢擔任主唱嘅乃木坂名曲,包括〈制服模特兒〉、〈你就是希望〉、〈來吧Shampoo!〉等。

人氣成員白石麻衣自爆:「我絕不會忘記,奪走了生駒的初吻!」

生田繪梨花向生駒獻花。

AKB48舊將渡邊麻友為生駒里奈拍下告別短片,綵緋完舞台劇後渡邊麻友更匆匆趕到畢業騷後台,同生駒里奈抱抱合照。

生駒里奈前年曾推出寫真集《君の足跡》大受歡迎,今年臨畢業再推紀念作《立つ》,在4月28日發行。

2016年《君の足跡》

吉岡里帆 升呢女主角

25歲吉岡里帆出道僅五年,以32D上圍極速走紅,去年初在日劇《四重奏》飾演小惡魔女配人氣急升,獲頒多個日本新人獎,今年初更首次擔正新劇《你已藏在我心底》。

吉岡里帆獲讚為透明系短髮女神,有望做新垣結衣接班人。

廣瀨鈴可愛教主

年僅19歲的廣瀨鈴曾以甜美笑容獲封「可愛教主」,但近年因多次失言挨轟,令事業走下坡。

由廣瀨鈴主演、翻拍韓片的日版電影《陽光姊妹淘》將會在今年暑假上映,明年佢更會主演晨間劇《夏空》,以踏實工作挽回形象。

門脇麥 人氣急升

今年孖山崎賢人主演《致命之吻》人氣急升嘅25歲門脇麥,亦一直keep住一頭清爽嘅短髮。

門脇麥曾拍過全裸電影《愛的放題》。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!