毛舜筠

病住都煮到咁?毛舜筠:只有煮得簡單啲⋯

最新娛聞

廣告

「Mo姐」毛舜筠係廚藝高手,近年醉心入廚,煮得一手好菜,兩年前她更抽時間飛去世界最大的廚藝學校「藍帶國際學院」(下簡稱「藍帶」)修讀廚藝課程,經過兩年時間,成功完成三個學期,Mo姐聖誕節前終於宣布正式畢業,認真犀利!話晒係藍帶廚,Mo姐下廚真係唔講得笑,日前佢話病咗惟有煮得簡單啲,但都煮出好似西餐廳嘅精美菜式,兩個女同老公真係日日有食神!

撰文:東方新地

圖片來源:毛舜筠 Instagram&微博

毛舜筠 病都煮到大餐

早前聖誕節前,毛舜筠宣布完成為期兩年、共三個學期的「藍帶」課程,因為之前有幾個月冇見家人,而且一直忙為畢業試而作準備,所以可以返屋企同家人一齊過聖誕節,本來好開心,點知Mo姐話「返家個人一放鬆下來就病了,預料中的,聖誕也只有煮些簡單點……」

即管睇吓有幾簡單……

 

一啲都唔簡單

Mo姐口中嘅簡單,其實一啲都唔簡單,Mo姐煮咗呢啲:西湯、青口、龍蝦、甜品配雜果、蛋糕!仲有靚靚嘅cupcake,原來係兩個囡囡整,睇嚟佢哋對煮食都好有天份喎!

 

遠赴法國 苦學兩年

毛舜筠喺拍《愛.回家之八時入席》之前,其實已經喺法國讀過藍帶廚師初級課程, 拍罷Mo姐決心要繼續進修。好學嘅Mo姐早喺半年前上杜汶澤主持嘅《杜汶澤‧食住上》,已透露去年11月會再去法國藍帶國際學院讀高級課程!

終於畢業喇!

毛舜筠坐言起行,早前佢喺Instagram宣布藍帶畢業,更上載畢業禮照片並留言︰「畢業了, 三個學期橫跨兩年去完成的法國藍帶廚藝課程,可以用『過五關斬六將』來形容當中的艱苦過程。人生中有過這麼精彩的經驗,無憾、感恩」,唔少網友都話佢去到呢個年紀,依然有追夢的心而且會去實踐,都話要畀個like佢呀!

 

毛姐廚房

毛姐演技了得,同時亦真係「周身刀」㗎!佢之前喺社交平台展示成套藍帶必備嘅刀具,而佢今次亦有晒其學藍帶的作品,每道菜都好精致㗎!

老公囡囡 無限支持

呢兩年間,毛舜筠斷斷續續到法國藍帶學廚,一去就幾個月,毛舜筠能安心上堂,全因丈夫區丁平及兩個靚囡囡令山同埋亦山相當支持,MO姐無後顧之憂追尋夢想,好幸福!

56歲的毛姐有幸福家庭,愛女心切的姐,4年前大女區令山遠赴加拿大升學時,毛姐怕她不適應當地生活,不惜推掉工作去陪女兒;轉眼間,亭亭玉立的區令山終於畢業,做媽媽當然最開心!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!