陳冠希

眼大嘴細好可愛! 陳冠希 晒女兒正面照

最新娛聞

廣告

陳冠希 (Edison) 今年三月榮升爸爸,女友秦舒培為其誕下女兒,雖然Edison一直拒絕讓女兒曝光,但早前就被一位豬一般的朋友出賣,上載Edison抱女舉辦百日宴的照片,以致B女樣貌及英文名Alaia曝光!雖然有傳Edison為此事嬲爆,不過佢近來都不時喺IG晒父愛,今日更主動照出Alaia正面大頭照!眼大大、嘴仔細細,眼神同爸爸都有幾分似,唔少網友都大讚可愛!

陳冠希 女兒曝光

為免過去的負面新聞影響囡囡成長,之前Edison一直拒絕讓女兒曝光,點知一名外國stylist上載Edison與秦舒培為女兒搞百日宴的照片,見到爸爸抱住穿上湖水綠紗裙仔的囡囡Alaia,笑容從未如此慈祥過。而秦舒培則素顏冇刻意打扮,Edison的父母及兩個家姐都笑晒,三代同堂好幸福。Alaia的五官與輪廓都似足媽咪,完全唔似細個鬼鬼哋的Edison。

延伸閱讀:

藐同性做咪霸 劉佩玥 麥明詩直播開火

芒實陳展鵬 單文柔向胡定欣示威

 

 

據知Edison父親在北京生活多年,兩姊則同樣在美國,而母親Carol早年已移居德國伍珀塔爾,本來過着退休生活不知幾悠閒。但現時Alaia樣貌曝光,為免影響女兒成長,Edison打算囡囡長期跟嫲嫲生活,大有機會被禁足香港!

 

 

不過女兒係爸爸的「前世情人」,就算係平時cool爆的Edison一樣被Alaia融化!Edison最近不時喺IG晒父愛,見到B女的腳仔,又為佢着上靚靚波鞋,雖然未見到樣貌,不過成個畫面都好可愛、好溫馨!

 

 

而今日唔知係咪Edison心情大好,剛剛佢喺IG上載一張Alaia的正面大頭照,並留言「ALAIA」,正式向大家分享喜悅!相中可見Alaia眼大大、嘴仔細細,皮膚白淨而面豬脹卜卜,非常可愛!整體來講B女比較似媽媽秦舒培,而眉毛同眼神就比較似Edison,總之就係美人胚子啦!Alaia咁可愛,希望Edison之後都會多啲同大家分享生活照啦!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!