眼鏡娘

眼鏡娘的確無得輸!陳華鑫、馮盈盈、岑麗香 仲有佢哋……

最新娛聞

廣告

唔少人都對眼鏡娘情有獨鍾,覺得女仔戴眼鏡添了一份知性美、多了一分可愛,以下咁多位演過眼鏡娘的TVB女藝人,你最鍾意邊個呢?

原文:東方新地|圖片:劇集截圖、Instagram

《是咁的,法官閣下》陳華鑫眼鏡娘look獲大讚

《是咁的,法官閣下》早前一集中,講到飾演實習律師潘琪的陳華鑫竟然知法犯法,被發現於法庭上偷偷用手機影相,最後被判罪名成立,罰款2千蚊,有機會影響獲取大律師資格!依家人人咩都鍾意用手機影低,放上網呃like,但隨時會出事!

庭上偷拍被發現

「眼鏡娘」造型好省鏡

估唔到除主角麥明詩以四眼look演大律師外,只在其中一個單元故事出現的陳華鑫都備受關注,網民都大讚其「眼鏡娘」造型好省鏡!陳華鑫接受傳媒訪問時表示自己都好喜歡呢個角色,自己好投入去演,並多謝陳耀全監製多次搵佢演一啲甚有發揮空間的角色。

TVB眼鏡娘仲有佢哋!

MK小狼女 馮盈盈

今年3月播出的《果欄中的江湖大嫂》其中一集裏,講述馮盈盈去醫院向一位黑社會老大套取情報,所以由MK妹打扮換上西裝假扮專業人士,再加番副紅色方框眼鏡!只見盈盈輕輕用手一托,「眼鏡娘」味道出晒嚟!

《果欄中的江湖大嫂》係馮盈盈第一套參演的電視劇, 不過演出令人驚喜,加上盈盈向來被指有啲「MK」、「港女」feel,所以小狼女呢個角色真係好適合佢!

四眼Miss 岑麗香

馮盈盈喺《江湖大嫂》中只係客串眼鏡娘,不過女主角岑麗香就唔同啦,劇中飾演老師的香香全劇都戴住眼鏡。雖然跟以往造型好唔同,不過香香公主依然係咁靚女, 多咗份書卷味!

千金愛人夫 陳敏之

陳敏之去年喺《溏心風暴3》中飾演一位性格文靜的千金小姐,架上黑色方框眼鏡,散發著一份知性美。角色外表看似成熟穩重,但原來甘願為愛犧牲一切!

當時《溏心風暴3》其實口碑一般般,不過敏之搭上人夫唐文龍呢條線極具話題性,敏之濕身透Bra一幕夠經典,而演活賤男的唐文龍亦人氣急升!

鵪鶉妹 黃智雯

黃智雯喺年初劇集《三個女人一個「因」》中表演亮眼, 原來佢都係其中一個令人印象深刻的眼鏡娘!黃智雯早年喺劇集《搜下留情》裏飾演「鵪鶉妹」雯雯,一把長髮加上紅色粗框眼鏡成個學生妹咁,青春可人,非常討好。

可能係見觀眾受落,黃智雯之後喺劇集《潛行狙擊》重施故技,呢次換上黑色粗框眼鏡,仲玩埋制服誘惑, 一次過滿足晒男士們不同需要~

另外,多年來都有網民話黃智雯酷似日本AV女優橫山美雪,唔知大家點睇呢?

立花老師 姚子羚

有名你叫「立花子羚」,姚子羚當然也是性感的代表。從剛出道在《四葉草》的演出已經是眼鏡造型,傻更更四眼妹角色非常得人鍾意~

子羚其後在不少劇集中都有戴上眼鏡出演,《天天天晴》中的紅框眼鏡造型更是經典之作。

久唔久就會睇到有人話邊個邊個女藝人同日本AV女優撞樣,多年來唔少網民認為子羚酷似AV女優立花里子,所以稱呼佢做「立花子羚」,以子羚為性幻想對象……

億萬人妻 林夏薇

講起林夏薇,除咗佢係林峯堂妹,最經典一幕必定係劇集《乘勝追擊》中的性感演出!劇中第一集立即半裸上陣,戴上眼鏡添了一份溫文儒雅的感覺,加上露出完美鎖骨和白滑肌膚,讓觀眾不禁想入非非!

林夏薇係小編幾鍾意的一個女藝人,擁有漂亮五官,笑容可愛甜美,雖然已為人妻,都不時騷吓弗爆body俾大家睇!唔係波濤洶湧,勝在夠晒平均,皮膚又白又滑, 正~

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!