碧咸澳門拍廣告羅蘭請食葡撻

碧咸今次去澳門係幫佢代言嘅酒店拍廣告，羅蘭姐都有份參與，碧咸一定好享受喺澳門開工嘅日子，見佢係一個post度貼咗成十張相，碌多兩吓碌到另一個熟識嘅人，就係羅蘭姐呀。

碧咸雙手攬實羅蘭姐，羅蘭姐仲畀個直豎拇指畀佢㖭﹗原來碧咸今次去澳門係幫佢代言嘅酒店拍廣告，羅蘭姐都有份參與，羅蘭姐大讚碧咸：「我請佢同我合照同簽名，佢即刻話冇問題，佢好nice，完全冇架子﹗佢知我係香港演員，導演都知呀仲叫我扮龍婆㖭﹗」羅蘭姐透露廣告中佢救咗碧咸一命，又請佢食葡撻﹗羅蘭姐仲話今次係佢從影以來，第一次同外國人合作，第一次就遇上萬人迷，好難唔令人葡萄囉﹗

碧咸將同羅蘭姐兩張合照都放上IG，佢仲留言指認識咗新朋友，真係恨死全球䧳性動物﹗碧咸不但同啲工作人員自拍留念，仲同路過嘅澳門小街坊合照㖭﹗